హనుమాన్ అనే ఒక్క సినిమాతో ఒకేసారి చాలా మెట్లు ఎక్కేశాడు యంగ్ హీరో తేజ సజ్జా. బాలనటుడిగా కెరీర్ మొదలుపెట్టి ‘ఓ బేబీ’, ‘జాంబి రెడ్డి’ లాంటి చిన్న సినిమాలతో సోసోగా కనిపించిన అతడి కెరీర్ ‘హనుమాన్’తో రాకెట్ వేగాన్ని అందుకుంది.
‘హనుమాన్’ లాంటి చిత్రాన్ని తేజ క్యారీ చేయగలడా అని ముందు సందేహాలు వ్యక్తమయ్యాయి కానీ.. వాటిని పటాపంచలు చేస్తూ హనుమంతు పాత్రను చక్కగా పోషించి ప్రశంసలు అందుకున్నాడు తేజ. ఇండియన్ సినిమాలో హాలీవుడ్ తరహా సూపర్ హీరో పాత్రలు తక్కువే. ఐతే ఇప్పుడు హనుమాన్ మూవీతో తేజ ఒక సూపర్ హీరోగా అవతరించాడు. పాన్ ఇండియా స్థాయిలో మంచి ఫాలోయింగ్ సంపాదించాడు. విశేషం ఏంటంటే.. తన తర్వాతి సినిమాలో కూడా అతను సూపర్ హీరో పాత్రే చేస్తున్నాడు.
‘హనుమాన్’ రిలీజ్కు ముందే పీపుల్స్ మీడియా ఫ్యాక్టరీ సంస్థలో తేజ సజ్జ హీరోగా ఇంకో సినిమా ప్రొడక్షన్ దశలో ఉన్న సంగతి తెలిసిందే. ఆ చిత్రాన్ని ‘ఈగల్’ దర్శకుడు కార్తీక్ ఘట్టమనేని రూపొందిస్తున్నాడు. ఇందులో మంచు మనోజ్ విలన్ పాత్ర పోషిస్తుండటం విశేషం. ఇది కూడా సూపర్ హీరో పాత్రతో నడిచే సినిమానేనట. దీనికి ఏదో జపనీస్ టైటిల్ పెట్టినట్లు వార్తలు వచ్చాయి. కానీ ‘సూపర్ యోధ’ అనేది కొత్త టైటిల్గా చెబుతున్నారు.
ఈ చిత్రంలో మలయాళ స్టార్ హీరో దుల్కర్ సల్మాన్ సైతం ఓ ప్రత్యేక పాత్ర పోషిస్తున్నాడన్నది లేటెస్ట్ అప్డేట్. రెండు రోజులుగా పీపుల్స్ మీడియా ఫ్యాక్టరీ ఒక మెగా మూవీ అంటూ ఊరిస్తున్నది ఈ చిత్రం గురించే. సోమవారం నాడు ఈ సినిమా గురించి పూర్తి వివరాలు వెల్లడించబోతున్నారు.
అగ్రరాజ్యం అమెరికాలో శాశ్వత నివాసం కోసం గ్రీన్ కార్డ్.. అత్యంత కీలకం. దీనిని సాధించడమే మహా యజ్ఞం చేసినంత పనిగా…
ఒకప్పుడు బంగారం నిల్వల విషయంలో కేజీఎఫ్ గురించి చర్చ జరిగేదని.. కానీ, ఇప్పుడు కర్నూలు జిల్లాలోని జొన్నగిరి గురించి దేశవ్యాప్తంగా…
వైసీపీ నాయకురాలు, మాజీ మంత్రి ఆర్కే రోజా అరెస్టు తప్పదా? ఆమెపై వచ్చిన ఆరోపణలకు సంబంధించిన నివేదిక రెడీ అయిందా?…
సూపర్ స్టార్ రజినీకాంత్ కొత్త సినిమా ఎట్లకేలకు ఖరారైంది. తన మిత్రుడే అయిన లెెజెండరీ నటుడు కమల్ హాసన్ నిర్మాణంలో…
విజయవాడలోని కృష్ణలంకకు చెందిన గాదె సాయికృష్ణ మిస్సింగ్ వ్యవహారం రాజకీయ దుమారం రేపిన సంగతి తెలిసిందే. ఈ కేసులో తీవ్ర…
ప్రస్తుతం తెలుగులో ఉన్న ఉత్తమ గేయ రచయితల్లో అనంత శ్రీరామ్ ఒకరు. టీనేజీలో ఇంజినీరింగ్ చదువుతూ లిరిసిస్టుగా మారిన అనంత..…