పూరి జగన్నాథ్.. గత రెండు దశాబ్దాల టాలీవుడ్ చరిత్రలో టాప్-5 డైరెక్టర్లలో ఒకడిగా నిలిచే పేరు. ‘పోకిరి’తో ఇండస్ట్రీ హిట్ ఇచ్చిన ఘనుడాయన. ఇంకా ఆయన కెరీర్లో ఎన్నో బ్లాక్ బస్టర్లు, సూపర్ హిట్లు ఉన్నాయి. ఈ 20 ఏళ్లలో పూరి చేసినన్ని సినిమాలు ఇండియన్ ఫిలిం ఇండస్ట్రీలోనే కాస్త పేరున్న మరే దర్శకుడూ చేసి ఉండడంటే అతిశయోక్తి కాదు.
ఇంత రేంజ్ ఉన్న దర్శకుడు తొలి సినిమా తీయడానికి ముందు పడ్డ కష్టాలు అన్నీ ఇన్నీ కావు. చాలా మంది దర్శకుల్లాగే అతడికీ కన్నీటి కథలున్నాయి. ఇంకా ఇండస్ట్రీలో నిలదొక్కుకోకముందే అతను తాను ప్రేమించిన లావణ్యను పెళ్లి చేసుకున్నాడు.
అప్పటికి కనీసం తాళి బొట్టు, పెళ్లి బట్టలు కొనడానికి కూడా పూరి దగ్గర డబ్బుల్లేవట. అలాంటి సమయంలో తనను ఆదుకున్న యాంకర్ ఝాన్సీ, నటి హేమలను ఎన్నటికీ మరిచిపోలేనని అంటున్నాడు పూరి.
ఓ ఇంటర్వ్యూలో భాగంగా తన పెళ్లి ఎంతటి క్లిష్ట పరిస్థితుల్లో జరిగిందో పూరి వివరించాడు. ‘‘లావణ్యను పెళ్లి చేసుకునే సమయానికి నా ఆర్థిక పరిస్థితి ఏమీ బాగా లేదు. అప్పుడు తాళి బొట్టు కొనడానికి కూడా నా దగ్గర డబ్బులు లేవు. ఆ టైంలో యాంకర్ ఝాన్సీ.. తాళిబొట్టు కొనిపెట్టింది. ఇక హేమ పెళ్లి బట్టలు కొని తెచ్చింది. మిగిలిన నా ఫ్రెండ్స్ కూల్ డ్రింక్స్ వంటివి స్పాన్సర్ చేశారు. నేను ఇండస్ట్రీలో దర్శకుడిగా అవకాశాలు అందుకున్నాక బాగా సంపాదించాను. అయితే కొంతమంది స్నేహితులను గుడ్డిగా నమ్మి పోగొట్టుకున్నాను. అయితే నా పెళ్ళికి సాయం చేసిన ఝాన్సీ, హేమ అలాగే నా స్నేహితులను ఎప్పటికీ మర్చిపోలేను” అని పూరి చెప్పుకొచ్చాడు.
తన దగ్గర మేనేజర్గా పని చేసిన ఓ వ్యక్తి దారుణంగా మోసం చేయడంతో పూరి ఒక దశలో రోడ్డు మీదికి వచ్చేసిన పరిస్థితి తలెత్తింది. తన ఇల్లు, ఆఫీసు కూడా అమ్మేయాల్సి వచ్చింది. కానీ తర్వాత మళ్లీ కోలుకుని పూర్వపు స్థితికే చేరుకున్నాడు.
This post was last modified on April 27, 2020 1:44 pm
తెరమీద మళ్ళీ ఎప్పుడు కనిపిస్తుందాని ఫ్యాన్స్ ఎదురు చూస్తున్న సమంత కొత్త సినిమా తాలూకు ప్రకటన వచ్చేసింది. ఇన్స్ టాలో…
కమల్ హాసన్ అభిమానులతో పాటు రామ్ చరణ్ ఫ్యాన్స్ ఎదురు చూస్తున్న భారతీయుడు 2కి దారి సుగమం అవుతోంది. జూన్…
ఏపీ రాజధాని ఏది? అంటే.. ఇప్పుడు చెప్పుకొనే పరిస్థితి లేదు. 2019కి ముందు వరకు రాజధాని అమరావతి అని చెప్పుకొనే…
దేశంలో అధికారం దక్కించుకుని హ్యాట్రిక్ కొట్టేందుకు 2018 నుండి ఇప్పటి వరకు అధికార బీజేపీ పార్టీ కేవలం గూగుల్ ప్రకటనల కోసం గుమ్మరించిన…
సరిగ్గా ఏడాది క్రితం ఇదే ఏప్రిల్ 28న భారీ అంచనాల మధ్య ఏజెంట్ విడుదలైన విషయం అక్కినేని అభిమానులు అంత…
అందరికీ ముందే లీకైపోయిన కల్కి 2898 ఏడి విడుదల తేదీని జూన్ 27 ప్రకటించడం ఆశ్చర్యం కలిగించలేదు కానీ వేసవి…