మామూలుగా టాలీవుడ్ బాక్సాఫీస్లో సంక్రాంతికి ఒక వారం పాటు మోత మోగిపోతుంటుంది. ఆ తర్వాత ఎక్కువ సందడి ఉండేది వేసవిలోనే. కానీ గత ఏడాది, అలాగే ఈ సంవత్సరం వేసవిలో పెద్ద సినిమాల సందడి ఆశించిన స్థాయిలో లేదు. ఐతే ఈ ఏడాది ద్వితీయార్ధంలో పెద్ద సినిమాల హంగామా ఒక రేంజిలో ఉండబోతోంది. ముఖ్యంగా సెప్టెంబరు చివరి వారం నుంచి అక్టోబరు చివరి వరకు భారీ చిత్రాలతో బాక్సాఫీస్ షేక్ కాబోతోంది.
సెప్టెంబరు చివరి వారంలో పవర్ స్టార్ పవన్ కళ్యాణ్ మూవీ ఓజీ రానున్న సంగతి తెలిసిందే. నిర్మాత డీవీవీ దానయ్య తాజాగా మరోసారి ఈ విషయాన్ని ధ్రువీకరించారు. ఇక అక్టోబరు రెండో వారంలో బాక్సాఫీస్ షేక్ అయ్యే సినిమాలు రాబోతున్నాయి.
అక్టోబరు 10కి ఆల్రెడీ పాన్ఇండియా మూవీ దేవర షెడ్యూల్ అయి ఉంది. అదే వారం సూర్య సినిమా కంగువను కూడా రిలీజ్ చేయాలని చూస్తున్నారు. ఇది కూడా పాన్ ఇండియా స్థాయిలో రిలీజయ్యే మూవీనే. మరోవైపు నాగచైతన్య సినిమా తండేల్కు కూడా అక్టోబరు రెండో వారాన్నే పరిశీలిస్తున్నట్లు చెబుతున్నారు. దేవర, కంగువ రెండూ రెండో వారమే వస్తే తండేల్ను తర్వాతి వారం రిలీజ్ చేస్తారు. రామ్ చరణ్-శంకర్ల క్రేజీ మూవీ గేమ్ చేంజర్ను కూడా అక్టోబరులోనే రిలీజ్ చేస్తామని నిర్మాత దిల్ రాజు ప్రకటించిన సంగతి తెలిసిందే. అది చివరి వారంలో వస్తుందని సమాచారం.
తాజాగా అక్టోబరు రేసులోకి మరో పెద్ద చిత్రం వచ్చింది. అదే.. రజినీకంత్ మూవీ వేట్టయాన్. ఆ సినిమాను అక్టోబరు చివరి రెండు వారాల్లో ఏదో ఒక డేట్కు రిలీజ్ చేస్తారట. మొత్తానికి సెప్టెంబరు చివర్నుంచి అక్టోబరు చివరి వరకు నెల రోజుల పాటు సందడే సందడన్నమాట.
This post was last modified on April 8, 2024 9:34 am
నిన్న ఎలాగూ కొత్త తెలుగు సినిమాలు లేవనే కారణంగా మిరల్ అనే డబ్బింగ్ మూవీని రిలీజ్ చేశారు. ప్రేమిస్తేతో టాలీవుడ్…
గుంటూరు కారం విడుదలై అయిదు నెలలు పూర్తి కావొస్తున్నా త్రివిక్రమ్ శ్రీనివాస్ కొత్త సినిమా ఇప్పటిదాకా మొదలుకాలేదు. అసలు పూర్తి…
బీజేపీ, జనసేనలతో కూటమి కట్టిన టీడీపీ ఏపీలో జరిగిన ఎన్నికల్లో పోరాటం చేసిన విషయం తెలిసిందే. పోలింగ్ శాతం పెరిగిన…
గేమ్ ఛేంజర్ దెబ్బకు ఏకంగా మూడు సంవత్సరాలకు పైగా దానికే కేటాయించాల్సి వచ్చిన రామ్ చరణ్ శంకర్ మీద ఉన్న…
ఎన్నికల సమరం ముగియడంతో ఆంధ్రప్రదేశ్ ముఖ్యమంత్రి వైఎస్ జగన్ కుటుంబంతో కలిసి విదేశాలకు విహారయాత్రకు వెళ్లారు. జగన్ విదేశీ పర్యటనకు…
చాంతాడంత కారణాలు చెప్పుకుని జనం థియేటర్లకు రావడం లేదని ఎంత బాధ పడినా వాస్తవిక పరిస్థితిని అర్థం చేసుకుంటే కనక…