ఒకప్పుడు అంతగా పరిచయం ఉండేది కాదు కానీ జైలర్ పుణ్యమాని శాండల్ వుడ్ స్టార్ హీరో శివరాజ్ కుమార్ మనకూ సుపరిచితుడుయ్యాడు. దీనికన్నా ముందు బాలకృష్ణ గౌతమీపుత్ర శాతకర్ణిలో బుర్రకథకుడిగా స్పెషల్ సాంగ్ చేసినప్పటికీ అది అంతగా మాస్ కు రీచ్ కాలేకపోయింది. ఇప్పుడు రామ్ చరణ్ – బుచ్చిబాబు కాంబోలో తెరకెక్కబోయే పెద్ది (ప్రచారంలో ఉన్న టైటిల్) లో కీలక పాత్ర చేయనుండటంతో దానికి సంబంధించి ఆయన చెప్పిన ఇంటర్వ్యూ వీడియోలు మెగా ఫ్యాన్స్ ద్వారా సోషల్ మీడియాలో వైరలవుతున్నాయి. ఇక అసలు ట్విస్టింగ్ పాయింట్ కొద్దాం.
కర్ణాటకలో శివరాజ్ కుమార్ సినిమాలు, పోస్టర్లు, పబ్లిసిటీ మెటీరియల్స్ అన్నింటి మీద నిషేధం విధించాలని బిజెపి రాష్ట్ర ఎన్నికల కమీషనర్ కు లేఖ రాయడం హాట్ టాపిక్ గా మారింది. కారణం ఆయన భార్య గీత శివమొగ్గ నియోజకవర్గంలో కాంగ్రెస్ తరఫున పోటీకి నిలుచున్నారు. స్వతహాగా ఆ పార్టీ అభిమాని కావడంతో పాటు సతీమణినే బరిలో ఉండటంతో శివన్న ప్రచారంలో పాల్గొంటున్నాడు. ఈ నేపథ్యంలో ఆయన చిత్రాలు జనాల మీద ప్రభావం చూపిస్తాయని కాబట్టి ఎలక్షన్లు అయ్యేవరకు వాటిని బ్యాన్ చేయాలని విన్నవించారు. కమీషన్ పరిశీలిస్తామని చెప్పడం విశేషం.
ఇలా నిజంగా చేసే పనైతే ఏపీ, తెలంగాణ, తమిళనాడులో కూడా స్టార్ హీరోలు ప్రచారానికి వెళ్లే క్రమంలో వాళ్ళ సినిమాలను నిషేదించాలని చెప్పే కొత్త డిమాండ్లు పుట్టుకొస్తాయేమో. బాలకృష్ణ, శరత్ కుమార్ తదితరులంతా నేరుగా అభ్యర్థులుగా బరిలో ఉన్న వాళ్లే. టీవీలో థియేటర్లలో హీరోలను చూసి ఓట్లు వేసేస్తారని అనుకోవడం సరికాదు. ఎంత ఆరాధించినా ప్రజాక్షేత్రంలో ఓటర్ల లెక్కలు వేరుగా ఉంటాయి. ఊరికే అభిమాన స్టార్ చెప్పాడని గెలిపించే పనైతే స్వర్గీయ ఎన్టీఆర్ తర్వాత కనీసం ఓ ఇద్దరు హీరోలైనా సిఎం అయ్యేవారు. కానీ అలా జరగలేదుగా. సినిమా, రాజకీయం రెండు వేరు.
రెబల్ స్టార్, దివంగత కృష్ణం రాజు సతీమణి శ్యామలా దేవి అనూహ్యంగా ఎన్నికల ప్రచారం చివరి రోజు రాజకీయ ప్రచారం…
సంక్రాంతి, దసరా సెలవులు వచ్చాయి అంటే మొదట మీడియాలో వినిపించే పేరు పంతంగి. హైదరాబాద్ - విజయవాడ జాతీయ రహదారి…
"మీ శ్రేయోభిలాషి.." అంటూ టీడీపీ అధినేత చంద్రబాబు ఏపీ ప్రజలకు బహిరంగ లేఖ రాశారు. ఎన్నికల ప్రచారం ముగిసిన మరుక్షణం…
ఎన్నికల పోలింగ్ ప్రక్రియ ప్రారంభం అయ్యేందుకు మరికొద్ది గంటల సమయం మాత్రమే ఉంది. కానీ.. ఇంతలోనే ఏపీలో ఏదో జరుగుతోందనే…
టాలీవుడ్ ఐకాన్ స్టార్ అల్లు అర్జున్ ఈ రోజు సోషల్ మీడియాలో హాట్ టాపిక్గా మారాడు. రెండు రోజుల కిందటే…
టాలీవుడ్ బాక్సాఫీస్లో పరిస్థితులు రోజు రోజుకూ దుర్భరంగా మారుతున్నాయి. ఈసారి వేసవిలో పెద్ద సినిమాలు లేకపోవడం పెద్ద మైనస్ కాగా..…