అనుష్క సినిమా.. ఘాటి

సౌత్ ఇండియన్ బిగ్గెస్ట్ స్టార్ హీరోయిన్ల‌లో ఒక‌రైన అనుష్క కొన్నేళ్ల నుంచి ఆచితూచి సినిమాలు చేస్తోంది. ఆమెకు డిమాండ్ త‌క్కువేమీ కాక‌పోయినా ఏ సినిమా ప‌డితే ఆ సినిమా ఒప్పుకోవ‌ట్లేదు. క‌థానాయిక ప్రాధాన్యం ఉన్న చిత్రాల‌కే ఓటు వేస్తోంది. భాగ‌మ‌తి, సైజ్ జీరో, నిశ్శ‌బ్దం, మిస్ శెట్టి మిస్ట‌ర్ పొలిశెట్టి.. ఇలా బాహుబ‌లి త‌ర్వాత ఆమె సినిమాల వ‌రుస చూస్తే ఈ విష‌యం అర్థ‌మైపోతుంది.

మిస్ శెట్టి మిస్ట‌ర్ పొలిశెట్టిలో హీరో పాత్ర కూడా ఉన్న‌ప్ప‌టికీ అనుష్క క్యారెక్ట‌ర్‌కు ఎంతో ప్రాధాన్యం ఉంది. ఈ సినిమాతో చాన్నాళ్ల త‌ర్వాత ఓ విజ‌యాన్ని అందుకున్న అనుష్క‌.. ఇప్పుడు మ‌రో లేడీ ఓరియెంటెడ్ సినిమాకు రెడీ అయింది. విల‌క్ష‌ణ ద‌ర్శ‌కుడు క్రిష్ ద‌ర్శ‌క‌త్వం వ‌హిస్తున్న ఈ సినిమా ఈ మ‌ధ్యే మొద‌లైన సంగ‌తి తెలిసిందే.

ఐతే ఇంకా అధికారిక ప్ర‌క‌ట‌న రాని సినిమా గురించి ముంబ‌యిలో జ‌రిగిన అమేజాన్ ప్రైమ్ మీట్‌లో ఓ విశేషం పంచుకున్నారు. ఈ సినిమా టైటిల్‌తో పాటు ప్రి లుక్‌ను కూడా ఇక్క‌డ లాంచ్ చేశారు. ఘాటి అనే వెరైటీ టైటిల్ పెట్టారీ సినిమాకు. యువి క్రియేష‌న్స్‌తో క‌లిసి క్రిష్‌కు చెందిన ఫ‌స్ట్ ఫ్రేమ్ ఎంట‌ర్టైన్మెంట్స్ ఈ చిత్రాన్ని ప్రొడ్యూస్ చేస్తోంది. ఇది పాన్ ఇండియా మూవీ అని స‌మాచారం. థ‌యేట్రిక‌ల్ రిలీజ్ త‌ర్వాత అమేజాన్ ప్రైమ్‌లో ఈ మూవీ రిలీజ్ కానున్న విష‌యం వెల్ల‌డైంది.

ప్రి లుక్ పోస్ట‌ర్ చూస్తే ఇదేదో ప్ర‌యోగాత్మ‌కంగా, ఒక కాజ్ కోసం సాగే సినిమాలాగా క‌నిపిస్తోంది. అనుష్క‌ను డీగ్లామ‌ర‌స్ రోల్‌లో చూడ‌బోతున్న సంకేతాలు క‌నిపిస్తున్నాయి. ఇందులో అనుష్క ముందు బాధితురాలై.. ఆ త‌ర్వాత క్రిమిన‌ల్‌గా మారే పాత్ర చేస్తున్న‌ట్లు స‌మాచారం. హ‌రిహ‌ర వీర‌మ‌ల్లు సినిమాకు బ్రేక్ ప‌డ‌డంతో ఆ ఖాళీలో ఈ సినిమాను పూర్తి చేయ‌బోతున్నాడు క్రిష్‌. ఈ ఏడాదే ఈ మూవీ విడుద‌ల కానుంది.