నిన్న విడుదలైన గామికి ముందు నుంచి ఏర్పడ్డ అంచనాలకు తగ్గట్టే టాక్ రావడంతో మొదటి రోజు ఏకంగా 9 కోట్లకు పైగా గ్రాస్ సాధించడం ట్రేడ్ ని ఆనందంలో ముంచెత్తుతోంది. మాములుగా మాస్ కంటెంట్ కే ఎక్కువ ఆదరణ ఉండే సీడెడ్ లాంటి ప్రాంతంలో యాభై లక్షలకు పైగా వసూలు చేయడం ఆడియన్స్ పెట్టుకున్న నమ్మకాన్ని తేటతెల్లం చేస్తోంది. టాక్ రాక ముందు గోపిచంద్ భీమా వల్ల మాస్ సెంటర్స్ లో గట్టి పోటీ ఉంటుందనే అంచనాలకు భిన్నంగా విశ్వక్ సేన్ సినిమా ఇలాంటి ఫిగర్లు నమోదు చేయడం విశేషం. నిన్న సెలవు రోజుని పూర్తిగా వాడేసుకుంది.
అన్ని ఏరియాల్లో చూసుకుంటే నైజామ్ లో గామి చాలా స్ట్రాంగ్ గా ఉంది. మల్టీప్లెక్సుల్లో భారీ ఫిగర్లు నమోదవుతున్నాయి. వీకెండ్ మొత్తం కంట్రోల్ లోకి వచ్చేలా ఉంది. అయితే ఫ్యామిలీ ఆడియెన్స్ ని రప్పించేలా చేసుకోవడం తర్వాతి రోజుల్లో గామి స్టేటస్ ని నిర్ణయించనుంది. ఏ సర్టిఫికెట్ కావడంతో పలు చోట్ల పిల్లల్ని అనుమతిస్తారో లేదోననే అనుమానంతో కుటుంబాలు వెళ్లేందుకు ఆలోచిస్తున్నాయి. ఇలాంటివి కొంత ప్రభావం చూపించే అవకాశం లేకపోలేదు. యానిమల్, సలార్ లాగా హీరో ఎలివేషన్ల మీద నడిచే కంటెంట్ కాకపోవడంతో దీని ఇంపాక్ట్ గామి మీద ఉండే ఛాన్స్ కొట్టిపారేయలేం.
దర్శకుడు విద్యాధర్ కి ఫుల్ మార్కులు పడుతున్నాయి. నెరేషన్ నెమ్మదిగా ఉందన్న కామెంట్ ని కాదనలేం కానీ పరిమిత బడ్జెట్ లో ఇంత క్వాలిటీ విజువల్స్, హిమాలయాలు, హరిద్వార్, కాశి లాంటి రిస్కీ ప్రాంతాల్లో షూట్ చేసిన విధానం మూవీ లవర్స్ ని ఆకట్టుకుంటోంది. ఆదివారం దాకా ఢోకా లేకపోయినా సోమవారం నుంచి డ్రాప్ ని పరిమితంగా మేనేజ్ చేసుకోవడం గామి ముందున్న సవాల్. కాంపిటీషన్ లో ఉన్న భీమాకు రొటీననే టాక్ రాగా మలయాళం డబ్బింగ్ ప్రేమలు మెల్లగా పికప్ అవుతోంది. సో కలెక్షన్ల లెక్కలో చూసుకుంటే ఫస్ట్ డే విజేత నిస్సందేహంగా గామినే.
This post was last modified on March 9, 2024 11:35 am
రెండేళ్ల కిందటి నుంచి తెలుగులో రీ రిలీజ్ల హంగామా నడుస్తోంది. మధ్యలో కొంచెం జోరు తగ్గినట్లు అనిపించినా.. ఈ మధ్య…
సీఎం చంద్రబాబుతో బీజేపీ నాయకుడు, మాజీ సీఎం నల్లారి కిరణ్కుమార్రెడ్డి భేటీ అయ్యారు. హైదరాబాద్లో తాజాగా ఆదివారం ఇరువురు నాయకులు…
పవర్ స్టార్ పవన్ కళ్యాణ్ అభిమానులు ఎంతో ఆసక్తిగా ఎదురు చూస్తున్న సినిమా.. ఓజీ. రన్ రాజా రన్, సాహో…
తెలంగాణ ప్రధాన ప్రతిపక్షం బీఆర్ఎస్పై సీఎం రేవంత్ రెడ్డి నిప్పులు చెరిగారు. 10 ఏండ్ల కిందట కరపత్రాలకే సొమ్ములు లేవని…
తిరువూరు ఎమ్మెల్యే, టీడీపీ నేత కొలికపూడి శ్రీనివాసరావు వ్యవహారం కొంతకాలంగా పార్టీకి ఇబ్బందులు తెచ్చి పెడుతున్న సంగతి తెలిసిందే. సొంత…
వేగంగా సినిమాలు చేయడంలో కుర్ర హీరోలతో పోటీ పడే మాస్ మహారాజా రవితేజ ఫలితాలను అంత సీరియస్ గా తీసుకోరు.…