స్టార్ హీరోల సినిమాలు ఏవైనా ఇలా మొదలయ్యాయంటే.. అలా అభిమానుల నుంచి అప్డేట్స్ కోసం డిమాండ్లు మొదలైపోతాయి. రెగ్యులర్ ఇంటర్వల్స్లో వాళ్లకు ఏదో ఒక అప్డేట్ ఇస్తూనే ఉండాలి. మా పని మేం చేసుకుంటుంటే ఎంతసేపూ అప్డేట్ అప్డేట్ అంటే ఎలా అని జూనియర్ ఎన్టీఆర్ లాంటి వాళ్లు అసహనం వ్యక్తం చేసినా.. అభిమానుల గొడవ అభిమానులదే. ఈ మధ్య కాలంలో అప్డేట్ అప్డేట్ అంటూ అడిగి అడిగి విసుగెత్తిపోయిన ఫ్యాన్స్ అంటే.. రామ్ చరణ్ అభిమానులే.
శంకర్ దర్శకత్వంలో రామ్ చరణ్ నటిస్తున్న ‘గేమ్ చేంజర్’ నుంచి ఏదైనా విశేషం బయటికి వస్తుందేమో అని వాళ్లు చాలా కాలంగా ఎదురు చూస్తున్నారు. ఈ చిత్రం నుంచి ఒక పాట రిలీజ్ చేస్తామని చాలా నెలలుగా ఊరిస్తోంది చిత్ర బృందం. కానీ అది ఎంతకూ బయటికి రావట్లేదు. గతంలో ఆ పాటకు సంబంధించి రా వెర్షన్ ఆన్ లైన్లో లీక్ అవ్వడం తెలిసిందే. ఈ పాట గతంలో అనుకున్న ప్రకారం లాంచ్ కాకపోవడానికి అది కూడా ఒక కారణమే.
ఐతే ఎట్టకేలకు ‘గేమ్ చేంజర్’ నుంచి పాట లాంచ్ కాబోతున్న విషయం దాదాపుగా ఖరారైనట్లే కనిపిస్తోంది. ‘గేమ్ చేంజర్’ నిర్మాత దిల్ రాజు స్వయంగా ఈ సినిమా అప్డేట్ గురించి కన్ఫర్మేషన్ ఇచ్చారు. తన ప్రొడక్షన్లో తెరకెక్కిన కొత్త చిత్రం ‘లవ్ మి’ టీజర్ లాంచ్ కార్యక్రమంలో రామ్ చరణ్ అభిమానులకు హుషారునిచ్చే మాట చెప్పారు రాజు. ఈ సినిమా అప్డేట్ గురించి అభిమానులు సోషల్ మీడియాలో, బయట చాలా గొడవ చేస్తున్నారని.. మార్చి 27న చరణ్ పుట్టిన రోజు కానుకగా అప్డేట్ ఇస్తున్నామని రాజు వెల్లడించాడు. దీంతో ఆడిటోరియంలో చరణ్ అభిమానులు ఆనందం మిన్నంటింది.
మరోవైపు నానితో తాను ప్రొడ్యూస్ చేయబోయే కొత్త సినిమా కబురు కూడా చెప్పాడు రాజు. ‘బలగం’ ఫేమ్ వేణు యెల్దండి దర్శకత్వంలో తెరెకెక్కనున్న ఈ చిత్రానికి అంతా సిద్ధమైందని చెబుతూ ‘యెల్లమ్మ’ అని ఈ సినిమాకు ప్రచారంలో ఉన్న పేరును కూడా ఆయన ఖరారు చేశారు.
This post was last modified on March 7, 2024 10:55 pm
గుంటూరు కారం విడుదలై అయిదు నెలలు పూర్తి కావొస్తున్నా త్రివిక్రమ్ శ్రీనివాస్ కొత్త సినిమా ఇప్పటిదాకా మొదలుకాలేదు. అసలు పూర్తి…
బీజేపీ, జనసేనలతో కూటమి కట్టిన టీడీపీ ఏపీలో జరిగిన ఎన్నికల్లో పోరాటం చేసిన విషయం తెలిసిందే. పోలింగ్ శాతం పెరిగిన…
గేమ్ ఛేంజర్ దెబ్బకు ఏకంగా మూడు సంవత్సరాలకు పైగా దానికే కేటాయించాల్సి వచ్చిన రామ్ చరణ్ శంకర్ మీద ఉన్న…
ఎన్నికల సమరం ముగియడంతో ఆంధ్రప్రదేశ్ ముఖ్యమంత్రి వైఎస్ జగన్ కుటుంబంతో కలిసి విదేశాలకు విహారయాత్రకు వెళ్లారు. జగన్ విదేశీ పర్యటనకు…
చాంతాడంత కారణాలు చెప్పుకుని జనం థియేటర్లకు రావడం లేదని ఎంత బాధ పడినా వాస్తవిక పరిస్థితిని అర్థం చేసుకుంటే కనక…
యానిమల్ దెబ్బకు జాతీయ స్థాయిలో భారీ గుర్తింపు తెచ్చేసుకున్న రష్మిక మందన్న బీజీపీ ప్రభుత్వం తరఫున అనధికార ప్రచార కర్త…