తొలి సినిమా ‘ముకుంద’ నుంచి తరచుగా ప్రయోగాలు చేస్తూనే ఉన్నాడు మెగా కుర్రాడు వరుణ్ తేజ్. ఐతే కొన్నిసార్లు మంచి ఫలితాలు వచ్చాయి. కొన్నిసార్లు తేడా కొట్టాయి. ఈ మధ్య అతడికి అస్సలు కలిసి రావడం లేదు. రెండేళ్ల కిందట వచ్చిన ‘ఎఫ్-3’.. ఆపై ‘గని’, ‘గాండీవధారి అర్జున’ నిరాశపరిచాయి. చివరి రెండు సినిమాలైతే మరీ ఘోరమైన ఫలితాలు అందుకున్నాయి.
ఇప్పుడు అతడి ఆశలన్నీ ‘ఆపరేషన్ వాలెంటైన్’ మీదే ఉన్నాయి. ఇది వరుణ్ కెరీర్లోనే అత్యధిక బడ్జెట్లో తెరకెక్కిన సినిమా. ఈ చిత్రంతోనే అతను హిందీలో అడుగు పెడుతున్నాడు. వరుణ్ ఎంతో కష్టపడి, ఇష్టపడి చేసిన చిత్రమిది. ఆ కష్టానికి ఎలాంటి ఫలితం వస్తుందో శుక్రవారమే తేలిపోతుంది. ఈ చిత్రం సక్సెస్ కావడం వరుణ్కు చాలా చాలా అవసరం అని ప్రత్యేకంగా చెప్పాల్సిన పని లేదు.
వరుణ్ గత సినిమాల ప్రభావం ‘ఆపరేషన్ వాలెంటైన్’ మీద పడి విడుదల ముంగిట ఆశించిన స్థాయిలో బజ్ లేదు. దీనికి తోడు బాలీవుడ్ మూవీ ‘ఫైటర్’తో పోలికలు సమస్యగా మారాయి. కానీ టీజర్, ట్రైలర్ చూస్తే ఇది కంటెంట్ ఉన్న సినిమాలాగే కనిపిస్తోంది. టీం ఎంతో కష్టపడి తీసిన విషయం అర్థమవుతోంది. కథాంశం విషయంలో ‘ఫైటర్’తో పోలికలు ఉన్నా.. అక్కడ తేడా కొట్టిన మిషన్ ఇక్కడ సక్సెస్ అవదని చెప్పలేం. కంటెంట్ ఉండాలే కానీ.. ఒకే కథను మళ్లీ మళ్లీ తీసినా జనం చూస్తారు. ముందు సినిమాకు పాజిటివ్ టాక్ రావడం చాలా కీలకం. మరి వరుణ్ అండ్ టీం ఆశ నెరవేరుతుందో లేదో చూడాలి.
ఇదే రోజు వెన్నెల కిషోర్ హీరోగా నటించిన కామెడీ మూవీ ‘చారి 111’, యువ నటుడు శివ కందుకూరి లీడ్ రోల్ చేసిన మిస్టరీ థ్రిల్లర్ ‘భూతద్దం భాస్కర నారాయణ’ కూడా రిలీజవుతున్నాయి. మరి వాటి ప్రభావం ఎంతమాత్రం ఉంటుందో?
This post was last modified on March 1, 2024 10:00 am
హీరోల పారితోషకాలు అంతకంతకూ పెరిగిపోతుండడంపై నిర్మాతల్లో ఆందోళన వ్యక్తమవుతున్న మాట వాస్తవం. పైకి చెప్పకపోయినా ఈ విషయంలో అసంతృప్తితో ఉన్నారన్నది ఇండస్ట్రీలో…
అధికారంలో ఉన్న నాయకులు, అధికారంలో లేని నాయకులు ఇలా రెండు వర్గాలుగా విభజించినప్పుడు సాధారణంగా పదవులు పొందిన వారు సంతృప్తి…
మూడు రోజుల తెలుగు వారి పెద్ద పండుగ.. సంక్రాంతి. ఇళ్లకే కాదు.. గ్రామాలకు సైతం శోభను తీసుకువచ్చే సంక్రాంతికి.. కోడి…
ఈ సంక్రాంతికి ‘భర్త మహాశయులకు విజ్ఞప్తి’ చిత్రంతో ప్రేక్షకులను పలకరించబోతోంది డింపుల్ హయతి. కెరీర్లో ఆమెకు ఇంకా పెద్ద బ్రేక్ రాలేదు. ఇప్పటికే ఖిలాడి,…
బీజేపీ కురువృద్ధ నాయకుడు, దేశ మాజీ ఉపరాష్ట్రపతి ముప్పవరపు వెంకయ్యనాయుడు.. ప్రస్తుతం ప్రత్యక్ష రాజకీయాల నుంచి తప్పుకొన్నారు. అయితే.. ఆయన…
చుక్క పడందే నిద్ర పట్టని వారు చాలా మంది ఉన్నారు. వీరిలో చిన్న చితకా మందుబాబులను పక్కన పెడితే, మద్యం…