సంక్రాంతి తర్వాత తెలుగులో పెద్ద హిట్‌ ఏదీ రాలేదు. తమిళ సినిమాల పరిస్థితి కూడా ఇందుకు భిన్నంగా ఏమీ లేదు. మామూలుగానే ఫిబ్రవరి అంటే అన్‌సీజన్‌. ఈ టైంలో క్రేజీ సినిమాలు రిలీజ్‌ కావు. చిన్న సినిమాల్లో మంచి విజయం సాధించేవి తక్కువే. కానీ ఇదే సీజన్లో వరుసగా బ్లాక్‌బస్టర్లు ఇస్తోంది మలయాళ ఇండస్ట్రీ. ఫిబ్రవరిలో మలయాళ సినిమాల డ్రీమ్‌ రన్‌ నడుస్తోంది.
ఈ నెల మొదటి వారంలో టొవినో థామస్‌ థ్రిల్లర్‌ మూవీ అన్వేషిప్పిన్‌ కండేదుం రిలీజై మంచి టాక్‌ తెచ్చుకుంది. ఆ సినిమా సూపర్‌ హిట్‌ దిశగా అడుగులేస్తున్న సమయంలోనే రెండో వారంలో ప్రేమలు అనే మూవీ వచ్చింది. ఈ యూత్‌ఫుల్‌ లవ్‌స్టోరీ సెన్సేషన్‌ క్రియేట్‌ చేసింది. రెండో వారంలోనూ హౌస్‌ ఫుల్స్‌తో రన్‌ అవుతోంది. హైదరాబాద్‌ లాంటి చోట్ల కూడా ప్రేమలు బాగా ఆడుతోంది.
ఇక మూడో వారంలో రిలీజైన మమ్ముట్టి సినిమా భ్రమయుగం బ్లాక్‌బస్టర్‌ టాక్‌ తెచ్చుకుంది. ఆ సినిమాకు హౌస్‌ ఫుల్స్‌ పడుతున్నాయి. అది కూడా బ్లాక్‌బస్టరే అని తేలిపోయింది. ఈ మూడు చిత్రాలూ బాగా ఆడుతుండగా.. ఇప్పుడు ఇంకో సినిమా మలయాళ ప్రేక్షకులను మురిపిస్తోంది. అదే.. మంజుమ్మెల్‌ బాయ్స్‌. ఇందులో పేరున్న హీరోలెవరూ లేరు. ఎక్కువమంది కొత్త నటులు ప్రధాన పాత్రలు చేశారు. గురువారమే రిలీజైన ఈ థ్రిల్లర్‌ మూవీకి అదిరిపోయే టాక్‌ వచ్చింది. పాజిటివ్‌ టాక్‌ వేగంగా స్ప్రెడ్‌ అయింది. దీన్ని వంద కోట్ల సినిమాగా చెబుతున్నారు.
మొత్తానికి అన్‌ సీజన్‌ అయిన ఫిబ్రవరిలో ఒక భాషలో నాలుగు వారాల్లో నాలుగు బ్లాక్‌బస్టర్లు రావడం అరుదైన విషయమే.
This post was last modified on February 23, 2024 10:48 am
నిన్న విడుదలైన తండేల్ గురించి కొంత మిశ్రమ స్పందన వినిపిస్తున్నప్పటికీ ఓవరాల్ గా మంచి వసూళ్లతో ఓపెనైన వైనం స్పష్టంగా…
విదేశీ జైళ్లలో ఉన్న భారతీయ ఖైదీల సంఖ్య ప్రతీ ఏడాది పెరుగుతున్నట్లు తెలుస్తోంది. కేంద్ర విదేశాంగ శాఖ వెల్లడించిన తాజా…
యావత్తు దేశం ఆసక్తిగా ఎదురు చూసిన ఢిల్లీ అసెంబ్లీ ఎన్నికల ఫలితాలు ఎట్టకేలకు విడుదల అయ్యాయి. ఈ ఫలితాల్లో ఎగ్జిట్…
ప్రధాన మంత్రి న‌రేంద్ర మోడీ.. మెగాస్టార్ చిరంజీవిపై ప్ర‌శంస‌ల జ‌ల్లుకురిపించారు. ద‌క్షిణాది సినీ రంగానికి చిరంజీవి ఐకాన్‌.. అని పేర్కొన్నారు.…
ఢిల్లీ అసెంబ్లీ ఎన్నిక‌ల్లో బీజేపీ త‌ర‌ఫున ప్ర‌చారం చేసిన ఏపీ సీఎం చంద్ర‌బాబు మాట కు తెలుగు ఓట‌రు ఓటెత్తాడు.…
ఢిల్లీ అసెంబ్లీ ఎన్నికల ఓట్ల లెక్కింపు ప్ర‌క్రియ కొన‌సాగుతోంది. తొలి ఐదు రౌండ్ల ఓట్ల లెక్కింపు ముగిసే స‌మ‌యానికి బీజేపీ…