ఇంకో తొమ్మిది రోజుల్లో విడుదల కాబోతున్న ఆపరేషన్ వాలెంటైన్ కోసం వరుణ్ తేజ్ ఎడతెరిపి లేకుండా ప్రమోషన్లలో పాల్గొంటూనే ఉన్నాడు. అడిగిన వాళ్లకు కాదనకుండా పదుల సంఖ్యలో ఇంటర్వ్యూలు ఇస్తూ సినిమాకు సంబంధించిన విశేషాలు పంచుకుంటున్నాడు. అలా అని సినిమా మీద విపరీతమైన బజ్ ఉందా అంటే అంతగా లేదు. రావాలనే ఈ తాపత్రయమంతా. వరుణ్ గత రెండు చిత్రాలు భారీ డిజాస్టర్లు. గని కాస్త డీసెంట్ ఓపెనింగ్స్ తెచ్చుకోగా గాండీవదారి అర్జున దానికి కూడా నోచుకోలేదు. సో మార్కెట్ వెనక్కు తెచ్చుకోవడానికి వరుణ్ తేజ్ కి ఇదే మంచి అవకాశం.
అంతా బాగానే ఉంది కానీ ఆపరేషన్ వాలెంటైన్ మీద అంచనాలు ఏర్పడ్డంలో పూలూ ముళ్ళు రెండూ ఉన్నాయి. మొదటిది హృతిక్ రోషన్ ఫైటర్ తో పోలికలు. బాలీవుడ్ లో ఇది సమస్యయ్యే రిస్క్ కాబట్టి కొట్టి పారయలేం. పైగా వరుణ్ కి హిందీలో ఇది డెబ్యూ లాంటిది. దీనికన్నా పెద్ద కాన్వాస్ అంత సులభంగా దొరక్కపోవచ్చు . సో హిట్ పడితే నెక్స్ట్ చేస్తున్న సినిమాలను ప్యాన్ ఇండియా బ్రాండ్ తో మార్కెట్ చేసుకోవచ్చు. ట్రైలర్ లో చూపించిన గ్రాండ్ విజువల్స్ ఆడియన్స్ లో ఆసక్తి రేపుతున్నాయి కానీ మాస్ వర్గాలను రాబట్టుకోవడమే వాలెంటైన్ ముందు ఉన్న అతి పెద్ద సవాల్.
అలా అని పోటీ లేకుండా దిగట్లేదు. హాలీవుడ్ మూవీ డ్యూన్ 2 మీద భారీ అంచనాలు నెలకొన్నాయి. రజాకార్ ని గట్టిగా ప్రమోట్ చేయాలని నిర్మాతలు ప్లాన్ చేస్తున్నారు. వెన్నెల కిషోర్ చారి 111 క్రమంగా బజ్ పెంచుకునే పనిలో ఉంది. భూతద్దం భాస్కర్ నారాయణ పబ్లిసిటీ ఆకట్టుకునేలా జరుగుతోంది. రజాకార్ తప్ప మిగిలినవి ఎంటర్ టైన్మెంట్ ప్రధానంగా నడిచేవి. మరి ఆకాశంలోనే కథంతా నడిచే ఆపరేషన్ వాలెంటైన్ అన్ని వర్గాల ప్రేక్షకులను మెప్పించడం సవాలే. మానుషీ చిల్లార్ హీరోయిన్ గా పరిచయమవుతున్న ఈ వార్ డ్రామాకు శక్తి ప్రతాప్ సింగ్ హడ దర్శకత్వం వహించాడు.
This post was last modified on February 22, 2024 12:12 pm
జనవరిలో సంక్రాంతి పండక్కు నారి నారి నడుమ మురారితో సూపర్ హిట్ కొట్టిన శర్వానంద్ మూడు నెలలు దాటడం ఆలస్యం…
`క్యాసినో కింగ్`గా గుర్తింపు తెచ్చుకుని వందల కోట్ల రూపాయలను అక్రమంగా ఆర్జించారన్న కేసులు ఎదుర్కొంటున్న చీకోటి ప్రవీణ్కు బీజేపీ కీలక…
ప్రభాస్ కెరీర్లో ‘బాహుబలి-2’ తర్వాత అత్యధిక వసూళ్లు సాధించిన చిత్రంగా నిలిచిన ‘కల్కి’ మెజారిటీ ప్రేక్షకులను ఆకట్టుకుంది. కేవలం రెండు…
గత ఏడాది కుంభమేళా సందర్భంగా కెమెరాల కళ్లలో పడి విపరీతమైన పాపులారిటీ సంపాదించిన అమ్మాయి.. మోనాలిసా. మధ్యప్రదేశ్లోని ఇండోర్కు చెందిన…
ఇరాన్తో యుద్ధం విషయంలో అమెరికా అధ్యక్షుడు డొనాల్డ్ ట్రంప్ రాంగ్ స్టెప్ వేశారా? నాణేనికి ఒక వైపే చూశారా? అంటే..…
దేశంలో గతంలో ఎన్నడూ లేని విధంగా పలు కీలక అంశాలు చోటు చేసుకుంటున్నాయి. ఏకంగా ప్రధాని పైనే గత ఐదేళ్లలో…