Movie News

రాకేష్ మాస్టర్ కి గుర్తుండిపోయే చివరి మూవీ

ఇండస్ట్రీలో ఉన్న ఎవరైనా చివరి సినిమా ఎప్పటికీ గుర్తుండిపోయే మంచి జ్ఞాపకం కావాలని కోరుకుంటారు. అది సహజం. ఏఎన్ఆర్ లాంటి లెజెండ్ కోరిమరీ మనం లాంటి బ్లాక్ బస్టర్ ఖాతాలో వేసుకుని వెళ్లిపోయారు. తాజాగా బాక్సాఫీస్ వద్ద దూసుకుపోతున్న హనుమాన్ లో రాకేష్ మాస్టర్ ని చూసి ప్రేక్షకులు ఆశ్చర్యపోతున్నారు. ఎందుకంటే ఈయన కొన్ని నెలల క్రితమే కాలం చేశారు. ఒకప్పుడు కొరియోగ్రాఫర్ గా టాప్ స్టార్స్ కి స్టెప్స్ కంపోజ్ చేసి, తర్వాత బ్రేక్ తీసుకుని, రీ ఎంట్రీలో యూట్యూబ్ ఛానల్స్ ద్వారా పాపులారిటీ సంపాదించుకున్న రాకేష్ మాస్టర్ కి హనుమాన్ లో చెప్పుకోదగ్గ పాత్రే దక్కింది.

దర్శకుడు ప్రశాంత్ వర్మ ఆయన పోకముందే షూటింగ్ పూర్తి చేసుకున్నాడు. ఊరిని వేధించే విలన్ తరఫున పన్నులు వసూలు చేస్తూ కామెడీగా నటించే పాత్రలో బాగానే నవ్వులు పూయించారు. రెగ్యులర్ గా కనిపించే గుండు వెనుక ఓ పిలక పెట్టి తేజ సజ్జ చేతిలో తన్నులు తినే పాత్ర స్క్రీన్ మీద పేలింది. చెప్పుకోదగ్గ స్పేస్ దొరికింది. ఒకవేళ బ్రతికి ఉంటే హనుమాన్ సాధించిన సక్సెస్ చూసి ఖచ్చితంగా సంతోషపడే వాళ్ళు. చూసిన ఆడియన్స్ సైతం జీవించి ఉంటే మంచి ఆఫర్లు తలుపు తట్టేవని నిట్టూరుస్తున్నారు. వ్యక్తిగత ప్రవర్తన, కామెంట్లతో రాకేష్ వివాదాల్లో ఇరుక్కునే వారు.

విధి ఎంత విచిత్రమైందో చెప్పడానికి ఇదో ఉదాహరణ. రికార్డులు సృష్టించే దిశగా పరుగులు పెడుతున్న హనుమాన్ కి క్రమంగా థియేటర్లు పెరుగుతున్నాయి. ముఖ్యంగా ఆంధ్రప్రదేశ్ లో అదనపు షోలు వేగంగా యాడ్ అవుతున్నాయి. నైజామ్ లో గుంటూరు కారంతో పాటు ఇతర మూడు సినిమాలకు చేసిన అగ్రిమెంట్ వల్ల వెంటనే ఇవ్వలేకపోతున్నారు కానీ సోమవారం నుంచి పరిస్థితిలో మార్పు ఉంటుందని నైజాం డిస్ట్రిబ్యూటర్లు ఆశిస్తున్నారు. ఏది ఏమైనా రాకేష్ మాస్టర్ ఫ్యాన్స్ కి ఒక మంచి నివాళిగా హనుమాన్ మూవీ ఆయన ఫిల్మోగ్రఫీలో చివరి స్థానాన్ని గౌరవంగా అందించింది.

This post was last modified on January 12, 2024 6:12 pm

Share

Recent Posts

హనుమాన్ 2… ఊహించని ట్విస్టు

మూడేళ్ళ క్రితం మహేష్ బాబు, నాగార్జున, వెంకటేష్ లాంటి స్టార్ హీరోలతో సంక్రాంతి రేసులో తలపడి తేజ సజ్జ అంత…

33 minutes ago

వాళ్ళముందు మన సంస్కృతిని తక్కువ చెయ్యను: కీర్తి సురేష్

కొన్ని రోజుల ముందు ‘అక్క’ వెబ్ సిరీస్ ప్రమోషన్లలో భాగంగా జరిగిన ఒక చిట్ చాట్‌లో.. రాధిక ఆప్టే తెలుగు…

2 hours ago

ఏపీ బీజేపీలో అసంతృప్తి సెగ‌… ఆ ఎమ్మెల్యే రాజీనామా?

ఏపీ బీజేపీలో కొన్నాళ్లుగా అసంతృప్తితోనే నాయ‌కులు ముందుకు సాగుతున్నారు. పార్టీలో ఏం జ‌రుగుతోందో.. త‌మ‌కు అర్థం కావ‌డం లేద‌ని కొన్నాళ్లుగా…

3 hours ago

పారిశ్రామిక రంగంలో చంద్రబాబు ఎక్స్ ప్రెస్ స్పీడ్

భారతదేశ పారిశ్రామిక రంగంలో ఆంధ్ర ప్రదేశ్ దూకుడు ప్రదర్శిస్తోంది. ముఖ్యమంత్రి చంద్రబాబు ఎక్స్ ప్రెస్ బుల్లెట్ వేగంతో ముందుకు దూసుకొని…

3 hours ago

రాములమ్మని వాడుకోవడం తెలివైన ఐడియా

పాత పాటలను కొత్త సినిమాల కోసం రీమిక్స్ చేసి వాడుకోవడం కొత్త కాదు. దాదాపు అందరు హీరోలు చేశారు. అల్లరి…

13 hours ago

ఇది వింటే ఇక జన్మలో కాపీ కొట్టరు

పరీక్షల్లో అక్రమాలను అరికట్టేందుకు సాధారణంగా కఠిన తనిఖీలు, నిఘా కెమెరాలు, ప్రత్యేక బృందాలను ఉపయోగిస్తుంటారు. అయితే దక్షిణ కొరియా అధికారులు…

13 hours ago