Movie News

అరాచకం ఒకవైపు అయోమయం ఇంకో వైపు

ఓవర్సీస్ లో గుంటూరు కారం రికార్డుల వేట మొదలైపోయింది. అయిదు వేలకు పైగా ప్రీమియర్ షోలతో అర మిలియన్ మార్కుకి అతి దగ్గరగా ఉన్న మహేష్ బాబు ఆ లాంఛనాన్ని ఇంకొన్ని గంటల్లో పూర్తి చేస్తాడు. ఇంకా రిలీజ్ కు ఆరు రోజుల సమయం ఉంది కాబట్టి మార్కు ఎక్కడ ఆగుతుందో ఇప్పుడే చెప్పడం కష్టం. జనవరి 12 హైదరాబాద్ తో సహా నైజామ్ లో భారీ రిలీజ్ కు ప్లాన్ చేయడంతో మొదటి రోజే 90 సింగల్ స్క్రీన్లలో అరాచకం సృష్టించబోతున్నాడు. సలార్ టైంలో ఎదురైన అనుభవాల దృష్ట్యా బుక్ మై షో ఈసారి ముందస్తు జాగ్రత్తగా సర్వర్లను అప్ గ్రేడ్ చేసుకుని మరీ సిద్ధంగా ఉందని సమాచారం.

ఇలా విధ్వంసం ఒకవైపు కొనసాగుతుండగా ఇంకోవైపు ప్రీ రిలీజ్ ఈవెంట్ తాలూకు అయోమయం తీరడం లేదు. అనుమతులు వచ్చి ఉంటే ఇవాళ సాయంత్రమే యూసఫ్ గూడలో వేడుక జరిగేది. కానీ సెక్యూరిటీ కారణాల దృష్ట్యా పోలీసులు ఇవ్వలేదు. పోనీ రేపు ఆదివారం చేద్దామంటే ఒకే టైంలో సాయంత్రం వైజాగ్ లో సైంధవ్, హైదరాబాద్ లో హనుమాన్ ఈవెంట్లు జరుగుతున్నాయి. వాటితో క్లాష్ కావడం కరెక్ట్ కాదు. అందుకే సోమవారం నుంచి బుధవారం మధ్యలో ఏదో ఒక డేట్ ని లాక్ చేసుకోవాలి. ముహుర్తాలు గట్రా చూసుకోవాలి కాబట్టి అది తేల్చే విషయంలో త్రివిక్రమ్ గట్టి చర్చల్లో ఉన్నారట.

ట్రైలర్ ని రేపు రిలీజ్ చేసే ప్రతిపాదన ఉంది కానీ అది ఈవెంట్ లో చేస్తేనే కిక్ ఉంటుందన్న అభిప్రాయంలో నిర్మాత నాగవంశీ ఉన్నందు వల్ల ఏ ప్రకటన వెంటనే ఇవ్వలేకపోతున్నారు. ఒకవేళ కన్ఫర్మ్ చేసుకుంటే అప్పటికప్పుడు వదిలేందుకు పోస్టర్లను సిద్ధంగా ఉంచుకున్నారు. ప్రస్తుతం ఈవెంట్ అనుమతుల కోసం ప్రయత్నాలు ముమ్మరంగా జరుగుతున్నాయి. వీక్ డేస్ అయినా పర్వాలేదనుకోవడం తప్ప వేరే ఆప్షన్ లేదు. ఏపీ తెలంగాణకు సంబంధించి గుంటూరు కారం అడ్వాన్స్ బుకింగ్స్ ని జనవరి 9 సాయంత్రం నుంచి మొదలు కావొచ్చు. మహేష్ మేనియా మాత్రం మాములుగా లేదు.

This post was last modified on January 6, 2024 5:31 pm

Share

Recent Posts

హనుమాన్ 2… ఊహించని ట్విస్టు

మూడేళ్ళ క్రితం మహేష్ బాబు, నాగార్జున, వెంకటేష్ లాంటి స్టార్ హీరోలతో సంక్రాంతి రేసులో తలపడి తేజ సజ్జ అంత…

13 minutes ago

వాళ్ళముందు మన సంస్కృతిని తక్కువ చెయ్యను: కీర్తి సురేష్

కొన్ని రోజుల ముందు ‘అక్క’ వెబ్ సిరీస్ ప్రమోషన్లలో భాగంగా జరిగిన ఒక చిట్ చాట్‌లో.. రాధిక ఆప్టే తెలుగు…

2 hours ago

ఏపీ బీజేపీలో అసంతృప్తి సెగ‌… ఆ ఎమ్మెల్యే రాజీనామా?

ఏపీ బీజేపీలో కొన్నాళ్లుగా అసంతృప్తితోనే నాయ‌కులు ముందుకు సాగుతున్నారు. పార్టీలో ఏం జ‌రుగుతోందో.. త‌మ‌కు అర్థం కావ‌డం లేద‌ని కొన్నాళ్లుగా…

2 hours ago

పారిశ్రామిక రంగంలో చంద్రబాబు ఎక్స్ ప్రెస్ స్పీడ్

భారతదేశ పారిశ్రామిక రంగంలో ఆంధ్ర ప్రదేశ్ దూకుడు ప్రదర్శిస్తోంది. ముఖ్యమంత్రి చంద్రబాబు ఎక్స్ ప్రెస్ బుల్లెట్ వేగంతో ముందుకు దూసుకొని…

3 hours ago

రాములమ్మని వాడుకోవడం తెలివైన ఐడియా

పాత పాటలను కొత్త సినిమాల కోసం రీమిక్స్ చేసి వాడుకోవడం కొత్త కాదు. దాదాపు అందరు హీరోలు చేశారు. అల్లరి…

12 hours ago

ఇది వింటే ఇక జన్మలో కాపీ కొట్టరు

పరీక్షల్లో అక్రమాలను అరికట్టేందుకు సాధారణంగా కఠిన తనిఖీలు, నిఘా కెమెరాలు, ప్రత్యేక బృందాలను ఉపయోగిస్తుంటారు. అయితే దక్షిణ కొరియా అధికారులు…

13 hours ago