ఇవాళ విశ్వక్ సేన్ తన రైటింగ్ అండ్ ప్రొడక్షన్ లో కొత్త నటీనటులతో ‘కల్ట్’ సినిమాని ప్రకటించాక అందరికీ ఒక్కసారిగా నిర్మాత ఎస్కెఎన్ గుర్తొచ్చారు. కారణం కొద్దిరోజుల క్రితం ‘కల్ట్ బొమ్మ’ టైటిల్ తో ఒక మూవీ తీయబోతున్నట్టు ఆయనే చెప్పడం వల్ల. అయితే కాకతాళీయంగా జరిగిందా లేక ఇంకేదైనా మతలబు ఉందో ఏమో కానీ వ్యవహారం మీడియా ద్వారా ఎస్కెఎన్ దాకా వెళ్లిపోయింది. సాధారణంగా ఫిలిం ప్రొడ్యూసర్స్ కౌన్సిల్ లో ఎవరైనా సరే టైటిల్ రిజిస్టర్ చేసుకోవడం ద్వారా దాని మీద హక్కులను సొంతం చేసుకుంటారు. అలా చేయకుండా వేరొకరు వాడుకుంటే ఏం చేయలేరు.
దీనికి సంబంధించి ఎస్కెఎన్ ట్విట్టర్ వేదికగా క్లారిటీ ఇచ్చారు. కల్ట్ బొమ్మను కొన్ని నెలల క్రితమే రిజిస్టర్ చేయించానని, అందుకే ప్రకటించానని స్పష్టం చేశారు. సో ఏదో ఫ్లోలో హఠాత్తుగా చెప్పిన అనౌన్స్ మెంట్ కాదనే సంగతి తేటతెల్లం చేశారు. ఇలా కొద్దిపాటి మార్పులు లేదా పొడిగింపులతో ఒకటే టైటిల్ ఉండటం వల్ల కొన్ని సమస్యలు తలెత్తుతాయి. కల్ట్, కల్ట్ బొమ్మలో రెండు అక్షరాల వ్యత్యాసం ఉన్నా సరే కామన్ ఆడియన్స్ కొంత అయోమయంకి గురయ్యే ఛాన్స్ లేకపోలేదు. ఎస్కెఎన్ పక్కాగా పేరుని నమోదు చేసుకున్నారు కాబట్టి దీనికి సంబంధించి ఇష్యూ ఉండకపోవచ్చు.
బేబీ విడుదల టైంలో ప్రీమియర్ చూసి బయటికి వచ్చిన ఆనందంలో ఎస్కెఎన్ మీడియా కెమరాల ముందు కల్ట్ బొమ్మతో హిట్టు కొట్టాం అని చెప్పిన వీడియో వైరల్ అయ్యింది. కట్ చేస్తే బొమ్మ నిజంగానే బ్లాక్ బస్టర్ అయ్యింది. దీంతో వెంటనే అదే పేరుని రిజిస్టర్ చేయించేశారు. ప్రస్తుతం ఈయన నిర్మాణ భాగస్వామ్యంలో నాలుగు సినిమాలు క్యూలో ఉన్నాయి. వాటిలో దేనికి పెడతారో ఇంకా క్లారిటీ లేదు కానీ కొంత వెయిట్ చేసి చూడాలి. అన్నట్టు విశ్వక్ సేన్ కల్ట్ ముందు హాష్ ట్యాగ్ సింబల్ తో పాటు కిందొక క్యాప్షన్ కూడా పెట్టారు. ముందు జాగ్రత్త చర్యలో భాగమేమో కొద్దిరోజులు ఆగితే స్పష్టత వస్తుంది.
This post was last modified on December 31, 2023 1:23 am
మురసు తుఫాను రాష్ట్రాన్ని అతలాకుతలం చేయడం తెలిసిందే. కుండపోత వర్షం, భయంకరమైన ఈదురు గాలులతో రాష్ట్రంలోని అనేక ప్రాంతాల ప్రజలు…
భారతీయ జనతా పార్టీ, కాక్రోచ్ జనతా పార్టీ మధ్య విదేశీ నిధుల వివాదం దుమారం రేపుతూనే వుంది. నీట్ పేపర్…
ఒకే రోజు... వెంటవెంటనే రెండు యాక్సిడెంట్లు. లక్కీగా ఆ ఎమ్మెల్యే బయటపడ్డారు. తెలంగాణాలో ఈ ఘటన కలకలం సృష్టించింది. అయితే…
కొన్ని నెలల ముందు చెన్నైలో జరిగిన ఒక వివాహ వేడుకకు ఆంధ్రప్రదేశ్ మాజీ ముఖ్యమంత్రి వైఎస్ జగన్మోహన్ రెడ్డి హాజరు…
ఒకప్పుడు చదువు పూర్తవగానే మంచి ఉద్యోగం సంపాదించడం, సొంత ఇల్లు కొనుక్కోవడం, పెళ్లి చేసుకోవడం, పిల్లలతో స్థిరపడటం.. ఇవే జీవితంలో…
తెలంగాణ‌లో కొత్తగా ఇళ్లు నిర్మించుకోవాలంటే సామాన్యులు, మ‌ధ్య‌త‌ర‌గ‌తిప్ర‌జ‌లు భ‌య‌ప‌డే ప‌రిస్థితి వ‌చ్చింద‌ని మాజీ మంత్రి బీఆర్ ఎస్ వ‌ర్కింగ్ ప్రెసిడెంట్…