సంక్రాంతి సినిమాల్లో లేట్ ఎంట్రీ ఇచ్చినా ప్రమోషనల్ కంటెంట్ తో ఒక్కసారిగా తన మీద దృష్టి వచ్చేలా చేసుకున్న నా సామిరంగ క్రమంగా అంచనాలు పెంచుకుంటోంది. ముఖ్యంగా నాగార్జున ఊర మాస్ అవతారం చూసి ఫ్యాన్స్ లో కదలిక వచ్చింది. అక్కినేని ఫ్యామిలీని గత కొంత కాలంగా శాపంలా వెంటాడుతున్న ఫ్లాపుల నుంచి అర్జెంట్ గా ఉపశమనం కావాలంటే ఇండస్ట్రీ రికార్డులు బద్దలు కొట్టకపోయినా కమర్షియల్ గా ఒక పెద్ద సూపర్ హిట్ దక్కితే చాలు. ఆ లక్షణాలు నా సామిరంగలో ఉన్నాయని టీజర్, పాట చూశాక ఒక అవగాహన వచ్చినట్టు ఉంది.
నిజానికి చిరంజీవి, బాలకృష్ణ లాగే నాగార్జున సైతం లేట్ ఏజ్ మాస్ పాత్రలకు నప్పుతాడు. వాళ్లేమో వీరసింహారెడ్డి, వాల్తేరు వీరయ్య లాంటి హిట్లు కొడుతుంటే నాగ్ మాత్రం వైల్డ్ డాగ్, ఘోస్ట్ అంటూ సామాన్య జనాలకు చేరలేని యాక్షన్ డ్రామాలు ఎంచుకుని పొరపాట్లు చేశాడు. వారసులు అఖిల్, నాగ చైతన్యలు సైతం ఛాయస్ లు తప్పుగా ఎంచుకోవడంతో ఏజెంట్, కస్టడీ, లాల్ సింగ్ చద్దా, థాంక్ యు ఒకటేమిటి అన్నీ టపా కట్టినవే. దూతకు మంచి స్పందన వచ్చినా అది హారర్ వెబ్ సిరీస్ కావడం, లెక్కలు వేసేందుకు వ్యూస్ తప్ప కాసులు కనిపించే అవకాశం లేకపోవడం కట్టడి చేసింది.
సో గుంటూరు కారం తర్వాత తనదే ఛాయస్ అనిపించేందుకు నా సామిరంగ బృందం చేస్తున్న ప్రయత్నాలు బాగున్నాయి. కేవలం నాగార్జునని హైలైట్ చేయకుండా అల్లరి నరేష్ కు తగిన ప్రాధాన్యం ఇచ్చి టీజర్లలో చూపించడం ప్రేక్షకులను మరింత దగ్గర చేస్తోంది. షూటింగ్ మొదలుపెట్టుకోవడంలో విపరీత జాప్యం జరిగినా పూర్తి చేయడంలో మాత్రం విపరీతమైన వేగం చూపిస్తున్న నా సామిరంగ రిలీజ్ డేట్ వ్యవహారమే ఎటూ తేలడం లేదు. జనవరి 11 లోపే రావాలని ఒక ఆప్షన్, చివరిగా జనవరి 14 వస్తే ఎలా ఉంటుందన్న మరో ఆప్షన్ రెండింటి మీద సీరియస్ గా చర్చలు జరుగుతున్నాయి.
This post was last modified on December 17, 2023 9:31 pm
నిన్నా మొన్న పరాశక్తి మీద తమిళ తెలుగు మీడియాలో చిన్నపాటి దుమారమే రేగింది. శివ కార్తికేయన్, విజయ్ ఆంటోనీ బృందాలు…
తమిళనాడు రాజకీయాలను తన కనుసన్నల్లో శాసించిన దివంగత జయలలిత ఆస్తుల వ్యవహారం మరోమారు తెర మీదకు వచ్చి ఆసక్తి రేకెత్తిస్తోంది.…
వివాహ ఆహ్వాన పత్రిక అంటే…సామాన్యులకైనా, ధనికులకైనా చాలా ప్రత్యేకం. గతంలో అయితే ఏమో గానీ… సంపద పెరిగిన ప్రస్తుత కాలంలో…
బుట్టబొమ్మ పూజా హెగ్డే తెరమీద కనిపించి రెండేళ్లకు దగ్గరవుతోంది. బాలీవుడ్ కిసీకా భాయ్ కిసీకా జాన్ డిజాస్టర్ తర్వాత మళ్ళీ…
ఇంకో ఆరు రోజుల్లో పట్టుదల విడుదల కానుంది. అజిత్ హీరోగా మాగిజ్ తిరుమేని దర్శకత్వం వహించిన ఈ యాక్షన్ థ్రిల్లర్…
వైసీపీ ప్రభుత్వం అధికారంలో ఉండగా చక్రం తిప్పిన నేతల్లో పెద్దిరెడ్డి రామచంద్రా రెడ్డి ఒకరు. పైకి సౌమ్యుడిలా కనిపిస్తారు కానీ..…