సంక్రాంతికి ఖచ్చితంగా రిలీజ్ చేస్తామని చెప్పిన సినిమాల్లో నా సామిరంగా లేదు. టీజర్లో పండక్కు వస్తున్నామని హింట్ ఇచ్చారు తప్పించి జనవరి, సంక్రాంతి పేర్లని ప్రత్యేకంగా ప్రస్తావించలేదు. నాగార్జున మనసులో మాత్రం సోగ్గాడే చిన్ని నాయనా, బంగార్రాజు సెంటిమెంట్ ని మళ్ళీ రిపీట్ చేయాలనే సంకల్పం బలంగా ఉంది. దానికి తగ్గట్టే దర్శకుడు విజయ్ బిన్నీ షూటింగ్ చాలా వేగంగా చేస్తున్నారు. కేవలం బిగ్ బాస్ వీకెండ్ ఎపిసోడ్స్ కు బయటికి రావడం తప్పించి మిగిలిన సమయమంతా నా సామి రంగాకే కేటాయిస్తున్నారు. అల్లరి నరేష్, రాజ్ తరుణ్ ల నుంచి పూర్తి సహకారం ఉంటోంది.
డిసెంబర్ మొదటి వారానికి టాకీ పార్ట్ గుమ్మడికాయ కొట్టాలనే టార్గెట్ పెట్టుకున్నారు. ఒకవేళ అది నిజమైతే నాగ్ కోరిక నెరవేరినట్టే. అయితే రావడం రాకపోవడం క్రికెట్ డక్ వర్త్ లూయిస్ పద్ధతిలాగా కొన్ని సమీకరణాల మీద ఆధారపడి ఉంటుంది. మొదటిది విజయ్ దేవరకొండ ఫ్యామిలీ స్టార్ డ్రాప్ కావడం దాదాపు లాంఛనమేనని ట్రేడ్ టాక్. అదే జరిగితే ఒక స్లాట్ ఖాళీ అవుతుంది. దాన్ని నా సామిరంగాకు వాడుకోవచ్చు. గుంటూరు కారం షూట్ ఇంకా బ్యాలన్స్ ఉన్నప్పటికీ నిర్మాత నాగవంశీ ఎట్టి పరిస్థితుల్లో ఎంత ఒత్తిడి ఉన్నా సరే జనవరి 12 నుంచి తగ్గనంటున్నారు కాబట్టి డౌట్ లేదు.
ఇక సైంధవ్, ఈగల్, హనుమాన్ లలో ఎవరూ వెనుకడుగు వేసేందుకు సిద్ధంగా లేరు. అయితే నాగ నమ్మకం ఏంటంటే గుంటూరు కారం మినహాయించి మాస్ ఆడియన్స్ కి సెకండ్ ఛాయస్ నా సామి రంగానే అవుతుందని. ఎందుకంటే వెంకటేష్, రవితేజ, తేజ సజ్జలవి డిఫరెంట్ జానర్స్. యాక్షన్, రివెంజ్, ఫాంటసీ బ్యాక్ డ్రాప్ లో వస్తున్నాయి. వీటికి టాక్ చాలా కీలకం అవుతుంది. సో బిసి సెంటర్లలో మహేష్ బాబుతో పాటు ఫస్ట్ అడ్వాంటేజ్ తనే తీసుకోవచ్చు. ఈ సీజన్ మిస్ అయితే నెలాఖరుకు లేదా ఫిబ్రవరికి వెళ్ళాలి. నాగార్జునకు అది సుతరామూ ఇష్టం లేదు. నెగ్గుతాడో తగ్గుతాడో చూడాలి.
This post was last modified on November 15, 2023 11:21 am
ఇప్పుడు ఇండస్ట్రీలో చాలా విషయాల మీద వేడి వేడి చర్చలు జరుగుతున్నాయి. సింగల్ స్క్రీన్లకు పర్సెంటెజ్ ఇవ్వడం, పేరు మోసిన…
అల.. వైకుంఠపురములో.. తర్వాత పాన్ ఇండియా హీరోయిన్ అయిపోయిందనుకున్న టైమ్లో వరుస డిజాస్టర్లు పూజా కెరీర్ని రివర్స్లో తిప్పేశాయి. రాధేశ్యామ్,…
ఏపీ సీఎం చంద్రబాబుకు కేంద్రం చేసిన ప్రతిపాదన తీవ్ర సంకట స్థితిలోకి నెట్టేసింది. పాలమూరు-రంగారెడ్డి ప్రాజెక్టుకు అనుమతి ఇవ్వాలంటూ.. కేంద్ర…
దాదాపు రెండేళ్ల తర్వాత.. ఏపీలో మరోసారి ఎన్నికలకు రంగం రెడీ అవుతోంది. గ్రామ పంచాయతీ సహా.. స్థానిక సంస్థల ఎన్నికలకు…
పెద్ది రీ రికార్డింగ్ ఎక్కడిదాకా వచ్చిందో ఇంకా క్లారిటీ లేదు. అడుగుదామంటే దర్శకుడు బుచ్చిబాబు బయట కనిపించే పరిస్థితిలో లేరు.…
తెలంగాణలోని సింగిల్ థియేటర్లలో అద్దె విధానానికి స్వస్తి పలికి పర్సంటేజీ పద్ధతిని తీసుకురావాలని ఇక్కడి ఎగ్జిబిటర్లు ఎప్పట్నుంచో డిమాండ్ చేస్తూ…