Movie News

త్రివిక్రమ్ కూడా మల్టీవర్స్ రెడీ చేస్తున్నాడా?

ఈ మధ్య అన్ని ఫిలిం ఇండస్ట్రీల్లోనూ ‘మల్టీవర్స్’ హంగామా నడుస్తోంది. ఒక దర్శకుడు తాను తీసే సినిమాల్లో ఒకదాంతో ఒకదానికి లింక్ పెట్టి ప్రేక్షకులకు కొత్త అనుభూతిని పంచే ప్రయత్నం చేస్తున్నాడు. ఈ ట్రెండ్ మొదలుపెట్టింది తమిళ దర్శకుడు లోకేష్ కనకరాజ్. ’విక్రమ్’ సినిమాలో ‘ఖైదీ’ సహా తాను తీసిన మిగతా సినిమాలకు కూడా లింకులు పెట్టి ఆడియన్స్‌కు గూస్ బంప్స్ ఇచ్చాడు. ‘లియో’లో కూడా ఆ టచ్ కొంచెం కనిపించింది.

లోకేష్ తీయబోయే తర్వాతి సినిమాల్లోనూ ఈ లింకులు కొనసాగే సంకేతాలు కనిపిస్తున్నాయి. మరోవైపు ‘కేజీఎఫ్’ దర్శకుడు ప్రశాంత్ నీల్ సైతం.. ‘సలార్’ను ‘కేజీఎఫ్’తో కనెక్ట్ చేయబోతున్నట్లు తెలుస్తోంది. ఈ నేపథ్యంలో మిగతా దర్శకులు కూడా ఈ దిశగా ఆలోచించే అవకాశాలు కనిపిస్తున్నాయి. ఐతే త్రివిక్రమ్ ఇలాంటి ప్రయత్నం చేస్తాడని ఎవ్వరూ ఊహించి ఉండరు. కానీ ‘గుంటూరు కారం’లో ఆ టచ్ కనిపిస్తుండటం విశేషం.

నిన్ననే ‘గుంటూరు కారం’ నుంచి దమ్ మసాలా అంటూ సాగే తొలి పాటను రిలీజ్ చేశారు. అందులో కొన్ని దృశ్యాలు త్రివిక్రమ్ బ్లాక్‌బస్టర్ మూవీ ‘అరవింద సమేత’తో కనెక్ట్ అయ్యాయి. ‘అరవింద సమేత’లో శుభలేఖ సుధాకర్ రాజకీయ పార్టీ నేతగా కనిపిస్తాడన్న సంగతి తెలిసిందే. ఆయన ప్రాతినిధ్యం వహించే పార్టీ గుర్తు ‘కాగడా’గా చూపిస్తారు.

‘గుంటూరు కారం’ పాటలో రెండు చోట్ల కాగడా గుర్తు కనిపిస్తుంది. ఒక షాట్‌లో మహేష్ బాబు కారు మీద కూడా ఆ గుర్తును చూడొచ్చు. ఇది చూసి ‘అరవింద సమేత’కు దీనికి కనెక్షన్ ఉందని.. ‘అరవింద సమేత’లో విలన్‌గా చేసిన జగపతిబాబే ఇందులోనూ నటిస్తుండటంతో త్రివిక్రమ్ ఏదో స్పెషల్‌గా ప్లాన్ చేశాడని నెటిజన్లు థియరీలు చెబుతున్నారు. మరి త్రివిక్రమ్ క్యాజువల్‌గా ఆ గుర్తును వాడాడా.. లేక నిజంగానే ఆయన కూడా ‘మల్టీవర్స్’ ట్రెండును అందిపుచ్చుకుంటున్నాడా అన్నది చూడాలి.

This post was last modified on November 8, 2023 2:19 pm

Share

Recent Posts

మ‌హావ‌తార న‌ర‌సింహ.. తెలుగు రైట‌ర్ ఆవేద‌న‌

మ‌హావ‌తార న‌ర‌సింహ‌.. గ‌త ఏడాది పాన్ ఇండియా స్థాయిలో సెన్సేష‌న్ క్రియేట్ చేసిన సినిమా. ఈ యానిమేష‌న్ మూవీ రిలీజ‌య్యే…

2 hours ago

ఛలో దర్శకుడిని తిట్టారా పొగిడారా

టాలీవుడ్ టాలెంటెడ్ దర్శకుల్లో వెంకీ కుడుముల పేరు ఖచ్చితంగా ఉంటుంది. రష్మిక మందన్న ఇవాళ ఈ స్థాయికి వచ్చిందంటే ఛలో…

2 hours ago

లిఫ్ట్ అడిగేటప్పుడు జాగ్రత్త మహిళలు

మహిళల భద్రతపై మరోసారి ఆందోళన కలిగించే ఘటన తెలంగాణలో చోటుచేసుకుంది. ఇంటికి వెళ్లేందుకు ఆటోలో లిఫ్ట్ ఇస్తామని నమ్మించిన ఇద్దరు…

2 hours ago

అక్రమ సంబంధాల వివాదం… మళ్ళీ సీఈవోగా వస్తానంటున్న జెన్సెన్

ప్రపంచ టెక్ రంగంలో సంచలనం సృష్టించిన ఎన్విడియా మాజీ సీఈవో జెన్సెన్ హువాంగ్ వ్యవహారం మరో మలుపు తిరిగింది. వివాహేతర…

2 hours ago

పాపం… ట్రైన్ ఎక్కిద్దాం అని వెళ్ళి ఫైన్ కట్టి వచ్చారు

బంధువులను రైలు ఎక్కించడానికి వెళ్లినవాళ్లు అనుకోకుండా అదే రైలులో ప్రయాణించాల్సి వచ్చింది. పైగా టికెట్లు లేకపోవడంతో ఏకంగా రూ.36,140 చెల్లించాల్సి…

3 hours ago

చిరు లీక్స్ రొటీన్ అవుతున్నాయా

మెగాస్టార్ చిరంజీవి స్క్రీన్ మీదే కాదు స్టేజి పైన ఉన్నప్పుడు కూడా ఆయన ఎనర్జీ వేరే లెవెల్ లో ఉంటుంది.…

3 hours ago