దీపావళి లాంటి మంచి పండుగ సీజన్ను మన వాళ్లు ఎప్పుడూ పెద్దగా ఉపయోగించుకున్నది లేదు. ఈసారి కూడా అందుకు భిన్నమేమీ కాదు. ప్రతిసారీ ఏదో ఒక మిడ్ రేంజ్ సినిమా అయినా ఉండేది కానీ.. ఈ ఏడాది మరీ దారుణంగా తెలుగు నుంచి అసలు రిలీజే లేకుండా పోయింది. డబ్బింగ్ సినిమాలే ఈ పండక్కి హవా సాగించబోతున్నాయి. తమిళ అనువాదాలు జపాన్, జిగర్తండా డబులెక్స్.. హిందీ డబ్బింగ్ మూవీ టైగర్-3 దీపావళికి తెలుగు రాష్ట్రాల థియేటర్లను ముంచెత్తబోతున్నాయి.
ఈ మూడు చిత్రాలకూ భారీగానే థియేటర్లు ఇవ్వబోతున్నారు. అవి మంచి వసూళ్లు కూడా సాధించే అవకాశాలున్నాయి. తెలుగు సినిమాలు లేవన్న మాటే కానీ.. తెలుగు నిర్మాతలకు దీపావళి సినిమాల్లో స్టేక్స్ లేకుండా ఏమీ లేదు. కార్తి సినిమా జపాన్ను అన్నపూర్ణ స్టూడియోస్ బేనర్ మీద రిలీజ్ చేయబోతున్నారు. కార్తితో ఊపిరి సినిమా చేసినప్పటి నుంచి అతడితో నాగ్ అనుబంధం కొనసాగుతోంది. కార్తి చివరి సినిమా సర్దార్ను కూడా అన్నపూర్ణ బేనర్ మీదే రిలీజ్ చేశారు. జపాన్ మీద మంచి అంచనాలుండటంతో ఓపెనింగ్స్ బాగానే వస్తాయని అంచనా వేస్తున్నారు.
ఇక కార్తీక్ సుబ్బరాజ్ దర్శకత్వంలో లారెన్స్, ఎస్.జె.సూర్య నటించిన జిగర్ తండా డబులెక్స్కు కూడా తెలుగులో కొంత క్రేజ్ ఉంది. ఈ చిత్రాన్ని సురేష్ బాబు, ఏషియన్ సునీల్ కలిసి రిలీజ్ చేస్తుండటం విశేషం. ప్రోమోలు బాగున్నాయి కాబట్టి దీనికి కూడా మంచి ఓపెనింగ్స్ రావచ్చు. ఇక టైగర్-3 విషయానికి వస్తే యశ్ రాజ్ ఫిలిమ్స్ వాళ్లు సినిమాను ఇక్కడి వాళ్లకేమీ అమ్మలేదు. కానీ దిల్ రాజు లాంటి పెద్ద డిస్ట్రిబ్యూటర్ల భాగస్వామ్యంతో తెలుగులో పెద్ద స్థాయిలోనే రిలీజ్ చేయబోతున్నారు. మొత్తానికి అనువాద సినిమాల మీద పెద్ద పెద్దోళ్లే చేతులు వేశారన్నమాట.
This post was last modified on November 5, 2023 1:59 am
యూత్ హీరో రాజ్ తరుణ్ కు మంచి హిట్టు దక్కి ఎంత కాలమయ్యిందో చెప్పడం కష్టం. సీనియర్ హీరోలతో సపోర్టింగ్…
ఎన్నికలు అయిపోయాయి. ఫలితాలు ఇంకో పద్దెనిమిది రోజుల్లో రాబోతున్నాయి. ఎవరికి వారు విజయం పట్ల ధీమాగా ఉన్నారు. అధికార పార్టీ,…
మొన్నటిదాకా టాలీవుడ్ టాప్ హీరోయిన్ గా అత్యధిక డిమాండ్ అనుభవించిన పూజా హెగ్డే కెరీర్ ప్రారంభంలో వచ్చిన ఐరన్ లెగ్…
ప్రకాశం జిల్లాలో ఆమంచి కృష్ణమోహన్ రాజకీయంగా ఒక బలమైన నాయకుడే అని చెప్పాలి. అయితే తన రాజకీయ భవిష్యత్తు కోసం…
తెలంగాణలో సికింద్రాబాద్ కంటోన్మెంట్ ఎమ్మెల్యే లాస్యనందిత రెండు ప్రమాదాలు తప్పించుకుని మూడో ప్రమాదంలో మరణించిన విషయం తెలిసిందే. నెలల వ్యవధిలో…
ప్రముఖ హీరో జూనియర్ ఎన్టీఆర్ 2003లో జూబ్లీహిల్స్ హౌసింగ్ సొసైటీలో 681 చదరపు గజాల స్థలం సుంకు గీత అనే…