ఈ వీకెండ్లో పేరుకు అరడజనుకు పైగానే సినిమాలు రిలీజయ్యాయి కానీ.. అందులో ప్రధానంగా ప్రేక్షకుల దృష్టిని ఆకర్షించిందైతే కీడా కోలా, మా ఊరి పొలిమేర-2 చిత్రాలే. ఈ రెండు చిత్రాల్లోనూ స్టార్ కాస్ట్ లేకపోయినా సరే.. వీటికి ట్రేడ్ వర్గాల్లోనే కాక ప్రేక్షకుల్లోనూ మంచి క్రేజ్ వచ్చింది. పెళ్ళిచూపులు, ఈ నగరానికి ఏమైంది చిత్రాల తర్వాత తరుణ్ భాస్కర్ నుంచి వస్తున్న సినిమా కావడంతో అతడి పేరు మీదే కీడా కోలా సేల్ అయింది. దానికి యూత్లో మంచి క్రేజ్ వచ్చిందన్నా అందుక్కారణం తరుణే.
ఇక మా ఊరి పొలిమేర సినిమా హాట్ స్టార్ ఓటీటీలో రిలీజై అక్కడ మంచి స్పందన తెచ్చుకోగా.. దానికి కొనసాగింపుగా మంచి బడ్జెట్ పెట్టి మా ఊరి పొలిమేర-2 తీసి థియేటర్లలో రిలీజ్ చేశారు. దీనికి మాస్ ప్రేక్షకుల్లో కొంచెం క్రేజ్ కనిపించింది. శుక్రవారం రిలీజైన ఈ రెండు చిత్రాలకు మరీ మంచి టాకేమీ రాలేదు. రెంటికీ డివైడ్ టాక్ వచ్చింది. కీడాకోలాలో కొన్ని ఫన్ మూమెంట్స్ ఉన్నప్పటికీ కథ మరీ వీక్గా ఉండటం, ఒక పూర్తి స్థాయి ఫీచర్ ఫిలిం చూస్తున్న ఫీలింగ్ కలగకపోవడం మైనస్ అయింది.
అయినా సరే.. ఈ రోజు ఉదయం చాలా చోట్ల మార్నింగ్ షోలు ఫుల్ అయ్యాయి. సాయంత్రం షోలకు కూడా మంచి ఆక్యుపెన్సీ కనిపిస్తోంది. యూత్ థియేటర్లను కళకళలాడించారు. ఒక స్టార్ హీరో సినిమా రేంజిలో థియేటర్లలో స్పందన కనిపించింది. ముఖ్యంగా తరుణ్ తెరపై కనిపించినపుడు వచ్చిన రెస్పాన్స్ మామూలుగా లేదు. తన క్రేజ్ మీదే సినిమా నడుస్తోంది.
ఇక మా ఊరి పొలిమేర-2ను తక్కువ అంచనా వేసిన వాళ్లంతా ఈ రోజు థియేటర్లలో ఆక్యుపెన్సీలు చూసి షాకయ్యే ఉంటారు. సింగిల్ స్క్రీన్లలో ఈ చిత్రానికి మంచి స్పందన వచ్చింది. అడ్వాన్స్ బుకింగ్స్ కంటే వాకిన్స్ ద్వారా థియేటర్లు బాగా నిండాయి. ఈ సినిమాలో బోలెడన్ని ట్విస్టులున్నా.. లాజిక్ లెస్గా ఉందని, సగటు ప్రేక్షకులు జీర్ణించుకోలేని అంశాలున్నాయని టాక్ వస్తున్నప్పటికీ.. మాస్ ప్రేక్షకులు సినిమా కోసం ఎగబడుతున్న పరిస్థితి కనిపిస్తోంది. రెండు సినిమాలూ తొలి వీకెండ్ ఓపెనింగ్స్తోనే ఈజీగా గట్టెక్కేసేలా కనిపిస్తున్నాయి.
తెలుగులో చాలా కొద్ది మంది హీరోయిన్లకు మాత్రమే సాధ్యమైన స్టార్ ఇమేజ్ సంపాదించింది సమంత. విజయశాంతి, అనుష్కల తర్వాత హీరోలతో…
కేవలం పది కోట్ల బడ్జెట్లో తెరకెక్కిన సినిమా.. అబ్సెషన్. ఈ హాలీవుడ్ హార్రర్ మూవీ విడుదలైనప్పటి నుంచి వరల్డ్ వైడ్…
స్టార్ హీరో సినిమాల రిపీట్ వేల్యూకి ప్రధానంగా దోహదం చేసేది పాటలే. ఫైట్లు, ఎలివేషన్లు, యాక్షన్ ఎపిసోడ్లు ఎక్కువ లేని…
సంక్రాంతికి రిలీజైన మన శంకరవరప్రసాద్ గారులో ప్రాణ స్నేహితులుగా నటించిన చిరంజీవి, వెంకటేష్ మొదటిసారి స్క్రీన్ పంచుకుని ఎంత పెద్ద…
హెడింగ్ చూడగానే ఏవో ముళ్లచెట్ల వల్ల ఎవరికో ఏదో అయిపోయి షూటింగ్ బ్రేక్ పడిందని అనుకోకండి. ఇక్కడ అడ్డంకులనే కోణంలో…
రాష్ట్రంలో అటవీ సంపదను కాపాడడంతోపాటు.. వన్యప్రాణుల సంరక్షణకు సైతం ప్రాధాన్యం ఇస్తున్న ఉప ముఖ్యమంత్రి, అటవీ శాఖ మంత్రి పవన్…