ఇప్పుడంతా ఓటీటీలదే హవా. కరోనా టైం నుంచి ఈ ఫ్లాట్ ఫామ్స్ ఎలా ఆధిపత్యాన్ని చలాయిస్తున్నాయో తెలిసిందే. థియేటర్లకు సవాలు విసిరే స్థాయిలో బోలెడన్ని ఓటీటీలు వచ్చాయి. భారీగా పెట్టుబడి పెట్టి ఒరిజినల్ కంటెంట్ అందిస్తూ ప్రేక్షకులను ఆకట్టుకునే ప్రయత్నం చేస్తున్నాయి. ఈ కోవలో కొంచెం లేటుగా రేసులోకి వచ్చిన ఓటీటీ.. ఈటీవీ విన్.
ఉషా కిరణ్ మూవీస్ దగ్గరున్న సినిమాలు, ఇతర కంటెంట్తో కొన్నేళ్లు ఉచితంగానే అన్నీ చూసే అవకాశం కల్పించిన ఈటీవీ విన్.. ఈ మధ్యే పెయిడ్ సబ్స్క్రిప్షన్ మోడ్లోకి మారింది. ఒరిజినల్స్ రూపొందిస్తూ ప్రేక్షకులను ఆకట్టుకోవాలని చూస్తోంది. ఐతే ఈటీవీ విన్ నుంచి ఇప్పటిదాకా వచ్చిన సినిమాలు, సిరీస్లు ఏవీ అంత ట్రెండీగా అనిపించలేదు. ఆడియన్స్ను పెద్దగా అట్రాక్ట్ చేయలేదు. కృష్ణారామా, దిల్ సే సహా ఇందులో వచ్చిన ఒరిజినల్స్ అంతగా ఆకట్టుకోలేకపోయాయి.
ఐతే ఈటీవీ విన్ వాళ్లు ఎట్టకేలకు మంచి కంటెంట్ ఉన్న సిరీస్తో వస్తున్నట్లు కనిపిస్తోంది. 90s-ఎ మిడిల్ క్లాస్ బయోపిక్ పేరుతో కొత్త సిరీస్ రూపొందించింది ఈటీవీ విన్. ప్రస్తుతం బిగ్ బాస్ షోలో మంచి పాలోయింగ్తో సాగిపోతున్న శివాజీ ఇందులో ప్రధాన పాత్ర పోషించాడు. తొలిప్రేమలో పవన్ కళ్యాణ్ చెల్లెలిగా నటించిన వాసుకి ఇందులో శివాజీకి జోడీగా నటించింది. సోషల్ మీడియాలో మీమ్ వీడియోలతో పాపులర్ అయిన మౌళి ఇందులో శివాజీ కొడుకుగా నటించాడు.
సీనియర్ హీరో విక్టరీ వెంకటేష్ చేతుల మీదుగా రిలీజైన ఈ సిరీస్ టీజర్ ఆకట్టుకుంది. 90ల నాటి వాతావరణాన్ని ప్రతిబింబిస్తూనే ఆహ్లాదకరమైన వినోదంతో ఈ టీజర్ ఆకట్టుకుంది. ఈటీవీ విన్లో ఇప్పటిదాకా వచ్చిన సిరీస్లన్నింటితో పోలిస్తే ఇది ఎంగేజింగ్గా అనిపిస్తోంది. ఓ మధ్య తరగతి కుటుంబంలో జరిగే సంఘటనల చుట్టూ నడిచే ఈ సిరీస్ను ఆదిత్య హాసన్ రూపొందించాడు. వచ్చే జనవరి 5 నుంచి ఈ సిరీస్ స్ట్రీమ్ కానుంది.
This post was last modified on November 2, 2023 10:15 pm
అధికారంలో ఉన్న నాయకులు, అధికారంలో లేని నాయకులు ఇలా రెండు వర్గాలుగా విభజించినప్పుడు సాధారణంగా పదవులు పొందిన వారు సంతృప్తి…
మూడు రోజుల తెలుగు వారి పెద్ద పండుగ.. సంక్రాంతి. ఇళ్లకే కాదు.. గ్రామాలకు సైతం శోభను తీసుకువచ్చే సంక్రాంతికి.. కోడి…
ఈ సంక్రాంతికి ‘భర్త మహాశయులకు విజ్ఞప్తి’ చిత్రంతో ప్రేక్షకులను పలకరించబోతోంది డింపుల్ హయతి. కెరీర్లో ఆమెకు ఇంకా పెద్ద బ్రేక్ రాలేదు. ఇప్పటికే ఖిలాడి,…
బీజేపీ కురువృద్ధ నాయకుడు, దేశ మాజీ ఉపరాష్ట్రపతి ముప్పవరపు వెంకయ్యనాయుడు.. ప్రస్తుతం ప్రత్యక్ష రాజకీయాల నుంచి తప్పుకొన్నారు. అయితే.. ఆయన…
చుక్క పడందే నిద్ర పట్టని వారు చాలా మంది ఉన్నారు. వీరిలో చిన్న చితకా మందుబాబులను పక్కన పెడితే, మద్యం…
కుప్పం.. ఏపీ సీఎం చంద్రబాబు సొంత నియోజకవర్గం. గత 40 సంవత్సరాలుగా ఏక ఛత్రాధిపత్యంగా చంద్రబాబు ఇక్కడ విజయం దక్కించుకుంటున్నారు.…