గత ఏడాది మాచర్ల నియోజకవర్గం తర్వాత నితిన్ ని చూసి చాలా గ్యాప్ వచ్చేసింది. ఇప్పుడు ఎక్స్ ట్రాడినరీ మ్యాన్ గా రాబోతున్నాడు. స్టార్ రైటర్ గా ఎన్నో బ్లాక్ బస్టర్లకు పని చేసి అల్లు అర్జున్ నా పేరు సూర్య నా ఇల్లు ఇండియాతో దర్శకుడిగా మారిన వక్కంతం వంశీ డైరెక్షన్ లో రాబోతున్న రెండో మూవీ ఇది. నితిన్ స్వంత బ్యానర్ లోనే ఇది రూపొందుతోంది. టాలీవుడ్ టాప్ డిమాండ్ ఉన్న శ్రీలీల హీరోయిన్ కావడంతో పాటు మ్యూజికల్ గా హరీష్ జైరాజ్ తోడవ్వడంతో ఆకర్షణలు కూడా ఎక్స్ ట్రా అయ్యాయి. నవంబర్ 8 విడుదల కాబోతున్న ఈ ఎంటర్ టైనర్ టీజర్ ఇందాకా రిలీజ్ చేశారు.
సినీ పరిశ్రమలో జూనియర్ ఆర్టిస్టుగా పని చేసే ఓ కుర్రాడు(నితిన్). ఆ మాత్రం దానికే పెద్ద హీరోలా ఫీలవుతూ ఉంటాడు. తండ్రి ఎంత తిట్టినా ఏదీ చెవికెక్కదు. ఎవరైనా దేంట్లో నటించావంటే బాహుబలి దండాలయ్యా పాట జనాల మందలో నాలుగో లైన్ మధ్యలో ఉంటానని చూసుకోమని గర్వంగా చెబుతాడు. గుంపులో గోవిందా అయినా సరే గ్లామర్ విషయంలో ప్రత్యేక శ్రద్ధ తీసుకునే ఇతగాడికి ఓ లవర్(శ్రీలీల) కూడా ఉంటుంది. అంత హ్యాపీస్ లాగా సాగిపోతున్న ఇతని జీవితంలో ఎలాంటి అలజడులు, విలన్లు లేరా అంటే ప్రస్తుతానికి వాటిని రివీల్ చేయకుండా జాగ్రత్త పడ్డారు.
అప్పుడెప్పుడో ఖడ్గంలో రవితేజని జూనియర్ ఆర్టిస్ట్ గా చూశాక అంతకు మించిన ఫుల్ లెన్త్ రోల్ లో నితిన్ కొత్తగా, వెరైటీగా కనిపిస్తున్నాడు. వక్కంతం మార్కు తింగరితనం ఇందులోనూ కనిపిస్తోంది. నిమిషంన్నరే కాబట్టి ఎక్కువ జడ్జ్ చేయడానికి ఛాన్స్ లేకుండా తెలివిగా కట్ చేశారు. రెగ్యులర్ ట్రెండ్ ని ఫాలో కాకుండా మెయిన్ స్టోరీకి సంబంధించిన క్లూస్ ఇవ్వకుండా మేనేజ్ చేశారు. హరీష్ జైరాజ్ బ్యాక్ గ్రౌండ్ స్కోర్, ప్రొడక్షన్ వేల్యూస్ బాగానే కనిపిస్తున్నాయి. రావు రమేష్, సంపత్ రాజ్ తప్ప క్యాస్టింగ్ ని పెద్దగా రివీల్ చేయలేదు. ట్రైలర్ కోసం చాలానే దాచి పెట్టారు. వేచి చూడాలి మరి
This post was last modified on October 30, 2023 8:42 pm
కలిసి రాజకీయం చేయకపోయినా వైఎస్సార్సీపీ, బీఆర్ఎస్ పార్టీల మధ్య కొన్ని పోలికలు కనిపిస్తున్నాయి. అటు ఏపీలో, ఇటు తెలంగాణలో ఈ…
సోషల్ మీడియాలో చాలా చురుగ్గా ఉంటూ.. తన సినిమాల ఈవెంట్లలో, ఇంటర్వ్యూల్లో హాట్ హాట్ కామెంట్లు చేస్తుంటాడు ప్రముఖ తెలుగు…
మెగా ప్రిన్స్ వరుణ్ తేజ్ 'కొరియన్ కనకరాజు'తో ఇప్పుడు తప్పకుండా హిట్ కొట్టాల్సిన పరిస్థితి వచ్చింది. గతంలో 'గద్దలకొండ గణేష్'…
ఆదివారం రోజు అందులోనూ ప్రత్యేకంగా సాయంత్రం షోలకు ఆక్యుపెన్సీలు బాగుండటం సహజమే కానీ ఈవారం మాత్రం బయ్యర్లు ఆనందంతో మునిగిపోయేలా…
తెలంగాణలో ఫీజు రీయింబర్స్మెంట్ పథకం అమలులో కీలక మార్పులు తెచ్చేందుకు ముఖ్యమంత్రి రేవంత్ రెడ్డి నిర్ణయించినట్లు ప్రచారం జరుగుతుంది. కళాశాలలకు…
నీట్ ప్రశ్నపత్రం లీకేజీకి వ్యతిరేకంగా విద్యార్థులు చేపట్టిన ఢిల్లీ నిరసనలో ఉగ్రవాదుల కుట్ర కోణం బయట పడిందని ఢిల్లీ టాస్క్ఫోర్స్…