అదేంటో తమన్ పాటలతోనే కాదు ఒక్కోసారి మాటలతోనూ ట్రోలింగ్ కు గురవుతాడు. భగవంత్ కేసరి ప్రమోషన్ల భాగంగా దర్శకుడు బాబీ బాలయ్య టీమ్ తో చేసిన ఇంటర్వ్యూలో భాగంగా తమన్ చెప్పిన కొన్ని విషయాలు రాంగ్ ట్రిగ్గర్ అయ్యాయి. జీవం లేని సన్నివేశాలు చనిపోయిన శవం లాంటివని, వాటిని మంచి మ్యూజిక్ ఇచ్చి లేపమంటే ఎవరి వల్లా కాదని అన్నాడు. అనిల్ రావిపూడి మంచి అవుట్ ఫుట్ తెచ్చాడు కాబట్టి తాను బెస్ట్ ఇవ్వగలిగానని, అఖండకు అలాగే జరిగిందని ఇంకో ఉదాహరణ ఇచ్చాడు. నిజానికి తమన్ తేడా వచ్చిన ఫలితాల గురించి ఏ సినిమా పేరు చెప్పలేదు.
సరిగ్గా ఇక్కడే మహేష్ బాబు ఫ్యాన్స్ ఎంట్రీ ఇచ్చారు. వాళ్లకు ముందు నుంచి సర్కారు వారి పాటకు తమన్ పనితనం మీద వీలు దొరికినప్పుడల్లా ట్రోల్ చేస్తూనే ఉంటారు. అల వైకుంఠపురముని మించి ఇస్తాడనుకుంటే యావరేజ్ ఆల్బమ్ తో నిరాశ పరిచాడని నిలదీస్తుంటారు. ముఖ్యంగా బీచ్ ఫైట్ కు చప్పగా బిజిఎం ఇవ్వడాన్ని చాలాసార్లు ప్రస్తావించారు. గుంటూరు కారంకి తన పేరే ప్రకటించినప్పుడు సోషల్ మీడియా పెద్ద ఎత్తున నో అనే క్యాంపైన్ రన్ చేశారు. ఇప్పుడు తమన్ అన్నది తమనేనని భావించి కారాలు మిరియాలు నూరడం మొదలుపెట్టారు.
హిట్టో ఫ్లాపో ఏ సినిమాకైనా సంగీత దర్శకుడు ఒకే పనితనం ఇవ్వాలన్నది ఫ్యాన్స్ కామెంట్. ఎన్నో డిజాస్టర్లకు మణిశర్మ, రెహమాన్ లాంటి వాళ్ళు మేజిక్ చేసిన ఉదాహరణలు చాలా ఉన్నాయి. అంతే తప్ప చచ్చిన శవంతో ఒక దర్శకుడి పనితనాన్ని అవమానించడం ఏమిటని అభిమనుల ప్రశ్న. ఇద్దరి వైపు లాజిక్ ఉంది కానీ తమన్ కాస్త అత్యుత్సాహపడి పోలికను తప్పుగా ఎంచుకున్నాడు కానీ లేకపోతే ఇంత బ్యాక్ ఫైర్ వచ్చేది కాదు. గుంటూరు కారం, గేమ్ ఛేంజర్ లతో తమన్ చాలా బలంగా ఋజువు చేసుకోవాల్సిన అవసరం చాలా ఉంది. ఏ మాత్రం తేడా వచ్చినా ఇంతకు రెండింతలు టార్గెట్ చేసుకుంటారు.
This post was last modified on October 25, 2023 6:03 pm
మొన్న శుక్రవారం విడుదలైన ఈ నగరానికి ఏమైంది రిపీట్ అంచనాలకు మించి హైదరాబాద్, ఓవర్సీస్ లో అదరగొడుతోంది. వసూళ్లు ఊహించిన…
టాక్ మిశ్రమంగా ఉన్నా ఓమ్ వసూళ్లు బాగున్నాయి. వీకెండ్ తర్వాత ఎంత శాతం డ్రాప్ ఉంటుందనేది రెండు రోజులు ఆగితే…
టాలీవుడ్ తెరమీద రక్తధారలు కొనసాగుతున్నాయి. హీరోలు మారుతున్నా వయొలెన్స్ బ్యాక్ డ్రాప్ సినిమాలు కాసులు కురిపించే దిశగా ప్రేక్షకులు ముందుకు…
ఏపీ పంచాయతీ ఎన్నికల వేళ ఓ స్వామీజీ కూడా ఎన్నికల రంగంలోకి దిగారు. ఉమ్మడి అనంతపురం జిల్లా మడకశిర నియోజకవర్గంలోని…
తన కుమార్తె అంజలి పెళ్లిని బెంగళూరులోని యలహంక ప్యాలెస్లో చేస్తామని ప్రకటించిన ఏపీ కాంగ్రెస్ అధ్యక్షురాలు షర్మిల పంతం ఒకవైపు..…
ఏపీలో గ్రామ పంచాయతీ ఎన్నికల కోలాహలం జరుగుతున్న క్రమంలో జనసేన పార్టీ కీలక నిర్ణయం తీసుకుంది. ఈ ఎన్నికల్లో ఎలాంటి…