పెద్దలు ఊరికే అనలేదు. ఏదైనా మితంగా ఉండాలి లేదంటే వెగటుగా మారిపోతుందని. లోకేష్ కనగరాజ్ కు ఇది తెలిసొచ్చే టైం వచ్చేసింది. మార్కెట్ హడావిడి, ప్రమోషన్లు, విజయ్ ఇమేజ్ వల్ల లియో తమిళ వసూళ్లు ఘనంగా ఉండొచ్చు కానీ ఇతర భాషల్లో మాత్రం నెగటివ్ రెస్పాన్స్ మూటగట్టుకుంది. భారీ అంచనాలతో థియేటర్లకు వెళ్లిన ఆడియన్స్ తీవ్రంగా నిరాశపడినట్టు అటు పబ్లిక్ టాక్, ఇటు ఆన్ లైన్ అభిప్రాయాల్లో స్పష్టంగా వ్యక్తమవుతోంది. అడ్వాన్స్ బుకింగ్స్ పుణ్యమాని వీకెండ్ కాస్త బలంగా ఉన్నప్పటికీ ఒకవేళ బ్లాక్ బస్టర్ అయ్యుంటే ఊచకోత ఇంకో స్థాయిలో ఉండేదన్నది వాస్తవం.
కాస్త విశ్లేషించుకుని చూస్తే లోకేష్ అతి నమ్మకమే చేటు చేసినట్టు కనిపిస్తోంది. సినిమాటిక్ యునివర్స్ కి విపరీతమైన పబ్లిసిటీ వచ్చేలా చేసి తద్వారా తానేదో మార్వెల్, డిసి రేంజ్ లో ఒక సరికొత్త ప్రపంచాన్ని సృష్టించబోతున్నట్టు చేసుకున్న మార్కెటింగ్ ఇప్పుడు అసలుకే మోసం తెచ్చేలా ఉంది. సాంకేతికంగా లోకేష్ చాలా ఉన్నతంగా సినిమాలు తీస్తున్న మాట నిజం. కానీ లియో కథ మరీ కిందస్థాయికి వెళ్ళిపోయి అవుట్ డేటెడ్ ట్రీట్మెంట్ తో ప్రేక్షకుల సహనానికి పరీక్ష పెట్టింది. రిలీజ్ కు ముందు విక్రమ్, ఖైదీలు చూసి థియేటర్లకు రమ్మని చెప్పడం కూడా అతిగానే పరిగణించాలి.
ఇప్పుడు లోకేష్ చేతిలో రజనీకాంత్ 171 ఉంది. లియో ఫలితం ఎలా ఉన్నా దాని హైప్ కు వచ్చిన డ్యామేజ్ ఏమి లేదు కానీ ఉన్నఫళంగా తన స్క్రీన్ ప్లే మీద ఈ సెన్సషనల్ డైరెక్టర్ ఎక్కువ దృష్టి పెట్టాల్సిన అవసరం వచ్చింది. ఏదైతే తన బలమో అదే బలహీనతగా మారుతున్న వేళ వీలైనంత త్వరగా మేలుకోవాలి. ఖైదీ నాటి ఫిలిం మేకర్ ని బయటికి తీయాలి. విక్రమ్ తరహా గొప్ప నైపుణ్యాన్ని ప్రదర్శించాలి. లియో లాంటి అరిగిపోయిన మాఫియా డ్రామాలు ఎంచుకోకుండా వైవిధ్యానికి పెద్ద పీఠ వేస్తూ స్టోరీ సెలక్షన్ చేసుకుంటే ఫ్యాన్స్ లో తగ్గిన నమ్మకం టన్నుల్లో వెనక్కు వస్తుంది.
This post was last modified on October 20, 2023 12:08 am
హీరోల పారితోషకాలు అంతకంతకూ పెరిగిపోతుండడంపై నిర్మాతల్లో ఆందోళన వ్యక్తమవుతున్న మాట వాస్తవం. పైకి చెప్పకపోయినా ఈ విషయంలో అసంతృప్తితో ఉన్నారన్నది ఇండస్ట్రీలో…
అధికారంలో ఉన్న నాయకులు, అధికారంలో లేని నాయకులు ఇలా రెండు వర్గాలుగా విభజించినప్పుడు సాధారణంగా పదవులు పొందిన వారు సంతృప్తి…
మూడు రోజుల తెలుగు వారి పెద్ద పండుగ.. సంక్రాంతి. ఇళ్లకే కాదు.. గ్రామాలకు సైతం శోభను తీసుకువచ్చే సంక్రాంతికి.. కోడి…
ఈ సంక్రాంతికి ‘భర్త మహాశయులకు విజ్ఞప్తి’ చిత్రంతో ప్రేక్షకులను పలకరించబోతోంది డింపుల్ హయతి. కెరీర్లో ఆమెకు ఇంకా పెద్ద బ్రేక్ రాలేదు. ఇప్పటికే ఖిలాడి,…
బీజేపీ కురువృద్ధ నాయకుడు, దేశ మాజీ ఉపరాష్ట్రపతి ముప్పవరపు వెంకయ్యనాయుడు.. ప్రస్తుతం ప్రత్యక్ష రాజకీయాల నుంచి తప్పుకొన్నారు. అయితే.. ఆయన…
చుక్క పడందే నిద్ర పట్టని వారు చాలా మంది ఉన్నారు. వీరిలో చిన్న చితకా మందుబాబులను పక్కన పెడితే, మద్యం…