కరోనా టైంలో ఓటీటీలో చడీచప్పుడు లేకుండా వచ్చిన కొన్ని సినిమాలు ప్రేక్షకుల నుంచి గొప్ప ఆదరణ దక్కించుకున్నాయి. అలాంటి సినిమాల్లో మా ఊరి పొలిమేర ఒకటి. కామెడీ, క్యారెక్టర్ రోల్స్ చేసే సత్యం రాజేష్ ఇందులో ప్రధాన పాత్ర పోషించడం విశేషం. బాలాదిత్య, గెటప్ శీను ఇతర ముఖ్య పాత్రలు చేశారు. ఈ సినిమా చేతబడుల చుట్టూ తిరిగే థ్రిల్లర్. సినిమాలో కొన్ని గగుర్పొడిచే సీన్లు ఉంటాయి.
అలాగే కొన్ని ట్విస్టులు కూడా అదిరిపోతాయి. చాలా తక్కువ బడ్జెట్లోనే ఆసక్తికరంగా సినిమా తీసి మెప్పించాడు దర్శకుడు అనిల్ విశ్వనాథ్. హాట్ స్టార్ ఓటీటీలో పెద్దగా అంచనాలు లేకుండా విడుదలై.. నెమ్మదిగా ప్రేక్షకుల దృష్టిని ఆకర్షించి మంచి ఆదరణ పొందింది మా ఊరి పొలిమేర. ఈ చిత్రానికి సీక్వెల్ ఉంటుందని.. ఆ సినిమాలోనే హింట్ ఇచ్చారు.
ఇప్పుడు పొలిమేర-2 పేరుతో సీక్వెల్ కూడా రెడీ చేసేశారు. ఫస్ట్ పార్ట్కు మంచి ఆదరణ దక్కడంతో కొంచెం బడ్జెట్ పెంచి, కాస్టింగ్ పరంగా ఆకర్షణలు జోడించి సినిమాను తీర్చిదిద్దింది టీం. ఈ సినిమాకు కాస్త బజ్ ఉండటంతో థియేటర్లలోనే రిలీజ్ చేయబోతున్నారు. ఈ సినిమాకు బిజినెస్ కూడా బాగానే జరిగింది.
ఈ చిత్ర థియేట్రికల్ హక్కులను.. నందిపాటి వంశీతో కలిసి బన్నీ వాసు ఫ్యాన్సీ రేటుకు సొంతం చేసుకున్నాడట. గీతా ఫిలిం డిస్ట్రిబ్యూషన్ సంస్థ ద్వారా పొలిమేర-2 రిలీజ్ కాబోతోంది. నవంబరు 2న ఈ చిత్రాన్ని రిలీజ్ చేయనున్నట్లు ఇప్పటికే ప్రకటించారు. గీతా సంస్థ ద్వారా రిలీజ్ అంటే ఒక స్థాయిలోనే ఉంటుంది. సినిమాను బాగా ప్రమోట్ చేసి జనాల్లోకి తీసుకెళ్తారు కూడా. మొత్తానికి ఈ చిన్న సినిమాకు రిలీజ్ ముంగిట పెద్ద బూస్ట్ దక్కబోతున్నట్లే.
This post was last modified on October 7, 2023 11:13 pm
నిన్న ఎలాగూ కొత్త తెలుగు సినిమాలు లేవనే కారణంగా మిరల్ అనే డబ్బింగ్ మూవీని రిలీజ్ చేశారు. ప్రేమిస్తేతో టాలీవుడ్…
గుంటూరు కారం విడుదలై అయిదు నెలలు పూర్తి కావొస్తున్నా త్రివిక్రమ్ శ్రీనివాస్ కొత్త సినిమా ఇప్పటిదాకా మొదలుకాలేదు. అసలు పూర్తి…
బీజేపీ, జనసేనలతో కూటమి కట్టిన టీడీపీ ఏపీలో జరిగిన ఎన్నికల్లో పోరాటం చేసిన విషయం తెలిసిందే. పోలింగ్ శాతం పెరిగిన…
గేమ్ ఛేంజర్ దెబ్బకు ఏకంగా మూడు సంవత్సరాలకు పైగా దానికే కేటాయించాల్సి వచ్చిన రామ్ చరణ్ శంకర్ మీద ఉన్న…
ఎన్నికల సమరం ముగియడంతో ఆంధ్రప్రదేశ్ ముఖ్యమంత్రి వైఎస్ జగన్ కుటుంబంతో కలిసి విదేశాలకు విహారయాత్రకు వెళ్లారు. జగన్ విదేశీ పర్యటనకు…
చాంతాడంత కారణాలు చెప్పుకుని జనం థియేటర్లకు రావడం లేదని ఎంత బాధ పడినా వాస్తవిక పరిస్థితిని అర్థం చేసుకుంటే కనక…