ఈ ఏడాది టాలీవుడ్ అతి పెద్ద బ్లాక్ బస్టర్స్ లో ఒకటిగా పేరు తెచ్చుకున్న బేబీ సంచలనం అంత ఈజీగా మర్చిపోయేది కాదు. తొంభై కోట్లకి పైగా గ్రాస్ సాధించి ట్రేడ్ సైతం నివ్వెరపోయేలా చేసింది. ఓటిటిలో మిశ్రమ స్పందన రావడంతో శాటిలైట్ లో ఫ్లాప్ కావడం ఖాయమనే అంచనాలు నెలకొన్నాయి. అయితే వాటిని బ్లాస్ట్ చేస్తూ గత వారం టెలికాస్ట్ అయిన బేబీ 5.89 అర్బన్, 5.67 రూరల్ టిఆర్పి రేటింగ్ తో ఆ రోజు వచ్చిన మరో రెండు సూపర్ హిట్స్ ని మించి సాధించింది. నాని దసరా 4.99తో రెండో స్థానంలో, శ్రీవిష్ణు సామజవరగమన 3.05 రేటింగ్ తో మూడో స్థానంలో నిలిచాయి.
ఇక్కడ మరో విశేషం ఉంది. బేబీని ప్రసారం చేసిన ఈటీవీకి సీరియల్స్ మినహాయించి సినిమాల పరంగా పెద్దగా ఆదరణ లేదు. కారణం కొత్త వాటిని కొనకపోవడమే. అప్పుడప్పుడు ఒకటి అరా కొనుగోలు చేస్తూ ఉంటుంది. ఉమామహేశ్వర ఉగ్రరూపస్య, డియర్ మేఘ, పంచతంత్రం లాంటివి వేళ్ళ మీద లెక్కబెట్టొచ్చు. అవన్నీ యావరేజ్ చిత్రాలు. కానీ బేబీ లాంటి బ్లాక్ బస్టర్ ఈటివికి దక్కడం విశేషం. దానికి తగ్గట్టే అంచనాలకు మించి రేటింగ్ తెచ్చుకోవడం ఇంకో ట్విస్టు. దీన్ని బట్టి ఆనంద్ దేవరకొండ వైష్ణవి చైతన్యల ప్రేమకథ ఎంత సెన్సేషన్ చేసిందో అర్థం చేసుకోవచ్చు.
ఇలా జరగడానికి కారణం లేకపోలేదు. దసరా, సామజవరగమనలను జనం ఓటిటిలో విపరీతంగా చూసేశారు. నెట్ ఫ్లిక్స్, ఆహా లేని వాళ్ళు సైతం ఆన్ లైన్ లో ఉన్న వివిధ మార్గాల ద్వారా, లోకల్ సిటీ కేబుల్ ద్వారా శుభ్రంగా వీక్షించారు. అలాంటప్పుడు మళ్ళీ అదే పనిగా యాడ్స్ తో చూసేందుకు ఆసక్తి చూపించరు. కానీ బేబీ కేసు వేరు. థియేటర్లలో కేవలం యూత్ ఎగబడ్డారు. ఫ్యామిలీ ఆడియన్స్ ఎక్కువగా వెళ్ళలేదు. పైగా క్యాస్టింగ్ వల్ల ఆహాలో చూసేందుకు పరుగులు పెట్టలేదు. దీంతో ఈ అవకాశం కాస్తా ఈటీవీకి కలిసి వచ్చి ఇలా ఊహించని విధంగా మంచి రేటింగ్స్ ఇచ్చింది.
This post was last modified on October 7, 2023 7:58 am
నిన్న ఎలాగూ కొత్త తెలుగు సినిమాలు లేవనే కారణంగా మిరల్ అనే డబ్బింగ్ మూవీని రిలీజ్ చేశారు. ప్రేమిస్తేతో టాలీవుడ్…
గుంటూరు కారం విడుదలై అయిదు నెలలు పూర్తి కావొస్తున్నా త్రివిక్రమ్ శ్రీనివాస్ కొత్త సినిమా ఇప్పటిదాకా మొదలుకాలేదు. అసలు పూర్తి…
బీజేపీ, జనసేనలతో కూటమి కట్టిన టీడీపీ ఏపీలో జరిగిన ఎన్నికల్లో పోరాటం చేసిన విషయం తెలిసిందే. పోలింగ్ శాతం పెరిగిన…
గేమ్ ఛేంజర్ దెబ్బకు ఏకంగా మూడు సంవత్సరాలకు పైగా దానికే కేటాయించాల్సి వచ్చిన రామ్ చరణ్ శంకర్ మీద ఉన్న…
ఎన్నికల సమరం ముగియడంతో ఆంధ్రప్రదేశ్ ముఖ్యమంత్రి వైఎస్ జగన్ కుటుంబంతో కలిసి విదేశాలకు విహారయాత్రకు వెళ్లారు. జగన్ విదేశీ పర్యటనకు…
చాంతాడంత కారణాలు చెప్పుకుని జనం థియేటర్లకు రావడం లేదని ఎంత బాధ పడినా వాస్తవిక పరిస్థితిని అర్థం చేసుకుంటే కనక…