సూపర్ స్టార్ రజినీకాంత్ నటిస్తున్న కొత్త చిత్రం ‘అన్నాత్తె’. తెలుగులో ‘శౌర్యం’ లాంటి హిట్ సినిమాతో దర్శకుడిగా పరిచయమై.. ఆ తర్వాత శంఖం, దరువు లాంటి ఫ్లాప్ చిత్రాలు తీసి.. ఆపై తమిళంలో విక్రమార్కుడు రీమేక్ ‘సిరుత్తై’తో సక్సెస్ సాధించి.. అజిత్తో వరుసగా ‘వీరం’, ‘వేదాళం’, ‘విశ్వాసం’ లాంటి బ్లాక్బస్టర్లు అందింంచిన శివ దర్శకత్వం వహిస్తున్న చిత్రమిది.
శివ స్టయిల్లోనే పూర్తిగా గ్రామీణ నేపథ్యంలో సాగే చిత్రమిది. ఇందులో రజినీ ఫస్ట్ లుక్ చూస్తే అదే విషయం స్పష్టమైంది. కరోనా లేకపోతే ఈ సినిమా ఇప్పటికే పూర్తి కావాల్సింది. వచ్చే సంక్రాంతికి రిలీజ్ అని కూడా అనుకున్నారు. కానీ వైరస్ ఆ ప్రణాళికలను భగ్నం చేసింది. రజినీ ఇంకో ఐదారు నెలలు షూటింగ్కు రానని చెప్పేయడంతో ఈ సినిమా వచ్చే ఏడాది వేసవికి వాయిదా పడింది.
కాగా ఈ చిత్రంలో ఓ కీలక పాత్రకు తెలుగు యాక్షన్ హీరో, శివ మిత్రుడు గోపీచంద్ను ఎంచుకున్నట్లు వార్తలొచ్చాయి. పూర్తిగా తమిళ నేటివిటీతో తెరకెక్కుతున్న ఈ చిత్రంలో ఎవరైనా తెలుగు నటుడిని పెట్టుకుంటే ఇక్కడి మార్కెట్కు ఉపయోగపడుతుందని అనుకున్నాడు శివ.
ఐతే ఈ సినిమాలో తాను నటిస్తున్నట్లు వచ్చిన వార్తల్ని గోపీచంద్ ఖండించాడు. తాజా సమాచారం ప్రకారం ఆ పాత్రకు యంగ్ టాలెంటెడ్ యాక్టర్ సత్యదేవ్ను ఎంచుకున్నట్లు సమాచారం. హీరోగా ఆశించిన విజయాలందుకోలేదు కానీ.. సత్యదేవ్ టాలెంట్ ఏంటో ఎప్పట్నుంచో చూస్తున్నాం.
ఈ మధ్య ‘ఉమామహేశ్వర ఉగ్రరూపస్య’తో మరోసారి అతను తన టాలెంట్ చూపించాడు. ఇటీవలే తమన్నా, సత్యదేవ్ కలయికలో ‘గుర్తుందా శీతాకాలం’ అనే సినిమాను అనౌన్స్ చేశారు. అది అతడికి మంచి అవకాశమే. ఈలోపు రజినీ సినిమాలో అవకాశం అందుకున్నాడంటే విశేషమే.
This post was last modified on August 25, 2020 2:21 pm
బాలీవుడ్ లోనే కాదు భారతీయ సినీ చరిత్రలోనే అత్యంత ఖరీదయిన సినిమాగా తెరకెక్కుతున్న రామాయణ పార్ట్ 1 టీజర్ ఇవాళ…
ఏపీ రాజధాని అమరావతికి చట్టబద్ధత కల్పించే లక్ష్యంతో గత నెల 28న ఏపీ అసెంబ్లీ ప్రత్యేకంగా భేటీ అయి.. దీనిపై…
అసెంబ్లీ ఎన్నికలు జరుగుతున్న కేరళలో పలు రాష్ట్రాలకు చెందిన కాంగ్రెస్ పార్టీ సీనియర్లు, ఫైర్ బ్రాండ్లు, మంచి గళం వినిపించే…
అటు తమిళం, ఇటు తెలుగు ప్రేక్షకులను అమితంగా ఆకట్టుకున్న భారీ చిత్రాల్లో ‘యుగానికి ఒక్కడు’ ఒకటి. కార్తికి స్టార్ ఇమేజ్ తీసుకొచ్చిన…
వైసీపీ అధినేత వైఎస్ జగన్ మోహన్ రెడ్డికి మూడు అనే అంకె అంటే చాలా ఇష్టంగానే ఉన్నట్టుంది. కనీసం రాజధాని కూడా…
ప్రస్తుతం ఎవరు ఔనన్నా.. కాదన్నా.. దేశానికే కాదు.. దేశంలోని రాజకీయాలకు కూడా ప్రధాని మోడీ పెద్దదిక్కుగా మారారన్నది వాస్తవం. ఆయనను…