చిరంజీవి మళ్లీ రిజెక్ట్ చేసారా?

తెలుగు చిత్ర పరిశ్రమలోని స్టార్‍ హీరోల్లో దాదాపు అందరితోను (చిరంజీవి, వెంకటేష్‍ మినహా) పూరి జగన్నాథ్‍ సినిమాలు తీసాడు. సినిమాలపై ఇష్టం కలగడానికి, దర్శకుడిగా మారడానికి కారణం చిరంజీవి అని పూరి పలుమార్లు చెబుతుంటాడు. చిరంజీవిపై పూరి అభిమానం ‘ఇడియట్‍’లాంటి సినిమాల్లో క్లియర్‍గా చూపించాడు. అయితే ఇంతవరకు తన ఫేవరెట్‍ హీరోతో పూరి సినిమా చేయలేదు. ఖైదీ నంబర్‍ 150 ముందు ఈ కాంబినేషన్‍ దాదాపు ఓకే అయినట్టే అయి కాన్సిల్‍ అయిపోయింది.

లాక్‍డౌన్‍లో చిరంజీవి కోసం పూరి ఒక కథ రాస్తున్నట్టు విస్తృతంగా వినిపించింది. అయితే ఇప్పుడు పూరి మలి చిత్రం నాగార్జునతో వుంటుందని మీడియాలో వార్తలొస్తున్నాయి. దీనిపై నాగ్‍ కానీ, పూరి కానీ ఇంకా అధికారికంగా స్పందించలేదు. నాగార్జునకు అయితే వైల్డ్ డాగ్‍ కాకుండా మరో రెండు సినిమాల కమిట్‍మెంట్స్ వున్నాయి. మరి చిరంజీవి కోసం పూరి కథ రాసాడో లేదో, రాసినా వినిపించాడో లేదో తెలియదు. ఆ కథే నాగార్జునకి చెప్పి ఓకే చేయించుకున్నాడని అంటున్నారు. బహుశా నాగార్జున బర్త్ డేకి, అంటే ఆగస్టు 29కి ఈ న్యూస్‍పై కాసింత క్లారిటీ రావచ్చు.