కడుపు కోతను మించిన బాధ ఇంకేదీ ఉండదని అంటారు. అల్లారుముద్దుగా పెంచుకున్న పిల్లలు ఎదిగొస్తున్న వయసులో దూరమైతే పడే వేదన అంతా ఇంతా కాదు. తమిళ నటుడు, సంగీత దర్శకుడు విజయ్ ఆంటోనీ ఇటీవలే ఆ క్షోభను ఎదుర్కొన్నాడు. అతడి కూతురు మీరా మానసిక సమస్యలతో ఆత్మహత్యకు పాల్పడ్డ సంగతి తెలిసిందే. కూతురిని పోగొట్టుకున్న బాధలో కుంగిపోయి ఉన్నాడు విజయ్.
తన కూతురితో పాటే తాను కూడా చనిపోయాను అంటూ అతను ఒక ఎమోషనల్ నోట్ సోషల్ మీడియాలో షేర్ చేసిన సంగతి తెలిసిందే. ఆ మాటతో విజయ్ ఎంతటి క్షోభను అనుభవించాడో అర్థం చేసుకోవచ్చు. ఇత బాధలో కూడా విజయ్ ఆంటోని తన వృత్తి ధర్మాన్ని మాత్రం వీడలేదు. పుట్టెడు దుఃఖంలోనూ తన కొత్త చిత్రం రత్తం ప్రమోషన్స్ కోసం అతను బయటకు వచ్చాడు.
కూతురు చనిపోయిన తొమ్మిది రోజులకు మీడియా ముందుకు వచ్చి రత్తం ప్రమోషనల్ ఈవెంట్లో పాల్గొన్నాడు. ఈ కార్యక్రమానికి అతను తన చిన్న కూతురితో కలిసి రావడం గమనార్హం. మామూలుగానే విజయ్ ఆంటోనీ కొంచెం మూడీగా ఉంటాడు. ఈ ఈవెంట్లోనూ అతను అలాగే కనిపించాడు. రత్తం సెప్టెంబరు 28నే రిలీజ్ కావాల్సింది. కానీ మీరా మృతి నేపథ్యంలో ఒక వారం సినిమాను వాయిదా వేశారు.
ఈ రోజుల్లో ప్రమోషన్లు ఎంత అవసరమో ప్రత్యేకంగా చెప్పాల్సిన పని లేదు. దీంతో విజయ్ ఆంటోనీ ఇంత బాధలోనూ ప్రమోషన్కు వచ్చాడు. తమిళ్ పడం అనే సెన్సేషనల్ మూవీ తీసిన సి.ఎస్.అముదన్ ఈ చిత్రాన్ని రూపొందించాడు. మహిమా నంబియార్ కథానాయికగా నటించింది. విజయ్ ఆంటోనీకి బిచ్చగాడు-2 మినహా కొన్నేళ్ల నుంచి సరైన హిట్ లేదు. రత్తంతో అతను బౌన్స్ బ్యాక్ అవుతాడేమో చూడాలి.
2024 సార్వత్రిక ఎన్నికల్లో ఏపీతో పాటు కేంద్రంలో ఎన్డీఏ ప్రభుత్వం అధికారంలోకి రావడంలో జనసేన అధినేత పవన్ కల్యాణ్ కీలక…
తెలంగాణ రక్షణ సేన(టీఆర్ఎస్) పార్టీ అధ్యక్షురాలు కవిత ఏం మాట్లాడినా.. ఆలోచించే మాట్లాడతారన్న పేరుంది. పైగా మాటల విషయంలో ఆమె…
ఏపీ హోం మంత్రి వంగలపూడి అనితపై వైసీపీ నేత, మాజీ మంత్రి గుడివాడ అమర్ నాథ్ చేసిన వివాదాస్పద వ్యాఖ్యలపై…
జనసేన అధ్యక్షుడు, ఆంధ్రప్రదేశ్ ఉప ముఖ్యమంత్రి పవన్ కళ్యాణ్ రేపు వరంగల్లో పర్యటించనున్నారు. ప్రాణాంతక వ్యాధితో పోరాడుతున్న చిన్నారి నిరంజన్…
ఏపీలో సుస్థిర ప్రభుత్వం కొనసాగుతుందని.. మళ్లీ మళ్లీ ప్రభుత్వం మారే పరిస్థితి కూడా ఉండదని సీఎం చంద్రబాబు ఉద్ఘాటించారు. ఆ…
పెద్ది హడావిడి అయిపోతోంది. మూడో వారంలో అడుగు పెట్టబోతున్న తరుణంలో బుకింగ్స్ బానే ఉన్నాయి కానీ కలెక్షన్ల పరంగా మరీ…