Movie News

గేమ్ ఛేంజర్.. ఫ్యాన్స్ నమ్మట్లా

శంకర్ దర్శకత్వంలో రామ్ చరణ్.. ఈ వార్త బయటికి వచ్చినపుడు మెగా అభిమానులు ఆనందం అంతా ఇంతా కాదు. మెగాస్టార్ చిరంజీవి సహా ఎంతోమంది టాలీవుడ్ స్టార్లు శంకర్‌తో సినిమా చేయాలని ఆశపడగా.. వాళ్లెవ్వరి కోరికా తీరలేదు. అలాంటిది చరణ్‌కు ఈ ఛాన్స్ వచ్చిందని ఫ్యాన్స్ సంబరపడ్డారు. ‘ఆర్ఆర్ఆర్’ లాంటి మెగా హిట్‌తో చరణ్ గ్లోబల్ స్టార్‌గా అవతరించిన నేపథ్యంలో శంకర్ లాంగటి లెజెండరీ డైరెక్టర్‌తో సరైన సినిమా పడితే దీని రేంజే వేరుగా ఉంటుందని అనుకున్నారు.

కానీ ఏ ముహూర్తాన మొదలైందో కానీ.. ఈ సినిమాకు మేకింగ్ దశలో అస్సలు కలిసి రావట్లేదు. కొన్నాళ్లు చకచకా షూటింగ్ జరిగినప్పటికీ.. తర్వాత అన్నీ అవాంతరాలే. ‘ఇండియన్-2’ను దీంతో పాటే సమాంతరంగా చేయాలనుకున్నప్పటి నుంచి ‘గేమ్ చేంజర్’ ముందుకు సాగట్లేదు. ఎన్నోసార్లు షూటింగ్‌కు బ్రేక్ పడింది. షెడ్యూళ్లు రద్దయ్యాయి.

అన్ని అడ్డంకులనూ దాటి ఎట్టకేలకు ఓ పెద్ద షెడ్యూల్ చేయడానికి అన్ని ఏర్పాట్లూ చేసుకోగా.. అంతలోనే షూట్ క్యాన్సిల్ అని వార్త బయటికి వచ్చింది. ఈ వార్త బయటికి రాగానే మెగా అభిమానులు మరోసారి శంకర్ మీద పడిపోయారు. కానీ ఈసారి షెడ్యూల్ రద్దవడానికి శంకర్ కారణం కాదంటూ వెంకటేశ్వర క్రియేషన్స్ సంస్థ ట్విట్టర్లో ఒక స్టేట్మెంట్ ఇచ్చింది.

ఈ షెడ్యూల్లో భాగం కావాల్సిన కొందరు ముఖ్యమైన ఆర్టిస్టుల డేట్లు సర్దుబాటు కాకపోవడం వల్లే షూట్ క్యాన్సిల్ చేయాల్సి వచ్చిందని ప్రకటించారు. కానీ ఈ ప్రకటనను అభిమానులు నమ్మట్లేదు. కొందరు ఆర్టిస్టుల డేట్లు సర్దుబాటు కానంత మాత్రాన మొత్తంగా షెడ్యూల్ ఆపేస్తారా.. సినిమాలో ఇంకా చాలా భాగం షూట్ చేయాల్సి ఉన్న నేపథ్యంలో వారి కాంబినేషన్ లేకుండా వేరే సన్నివేశాలు ప్లాన్ చేసుకోవచ్చు కదా అని ప్రశ్నిస్తున్నారు.

శంకర్‌ను పదే పదే టార్గెట్ చేస్తుండటంతో కవర్ చేయడం కోసం మొక్కుబడిగా ఒక ప్రకటన ఇచ్చినట్లుందే తప్ప.. ఇందులో వాస్తవం కనిపించడం లేదని… షూట్ ఆలస్యం కావడానికి శంకరే కచ్చితంగా బాధ్యుడని.. ‘ఆర్ఆర్ఆర్’ లాంటి మెగా హిట్ తర్వాత చరణ్ అందుబాటులోకి వస్తే అతణ్ని సరిగా ఉపయోగించుకోలేకపోతున్నాడని.. విలువైన సమయాన్ని వృథా చేస్తున్నాడని శంకర్ మీద మెగా అభిమానులు విరుచుకుపడుతున్నారు.

This post was last modified on September 25, 2023 6:29 pm

Share

Recent Posts

డూమ్స్‌డే మీద ఎందుకు ఇంత క్రేజంటే

ఇండియాలో హాలీవుడ్ సూపర్ హీరోల సినిమాలకు ఎంత క్రేజ్ ఉందో ప్రత్యేకంగా చెప్పనక్కర్లేదు. ప్రాంతీయ భాషల్లో డబ్బింగ్ చేయడం మొదలుపెట్టాక…

6 minutes ago

11 నెలల పసిపాపనూ వదలట్లేదు

దేశంలో చిన్నారుల భద్రత మరోసారి ప్రశ్నార్థకంగా మారింది. ఉత్తరాఖండ్‌లోని హరిద్వార్‌లో అత్యంత విషాదకరమైన ఘటన చోటుచేసుకుంది. కేవలం 11 నెలల…

2 hours ago

దిల్ రాజు మాట నిల‌బ‌డుతుందా?

టాలీవుడ్ అగ్ర నిర్మాత దిల్ రాజుకు, స్టార్ డైరెక్ట‌ర్ అనిల్ రావిపూడికి ఉన్న అనుబంధం గురించి కొత్త‌గా చెప్పాల్సిన ప‌ని…

6 hours ago

రావిపూడి రేంజ్ ఏమిటో అర్థమయ్యిందిగా

తక్కువ టైంలో బెస్ట్ క్వాలిటీ, రీజనబుల్ బడ్జెట్ లో అత్యధిక రిటర్న్స్ తెచ్చిపెట్టగల దర్శకులు ఎవరయ్యా అంటే టాలీవుడ్ మొత్తం…

11 hours ago

నెల్సన్ తొలి సినిమా ఉన్న లాప్ ట్యాప్ ఎవడో లేపేసాడు

నెల్సన్ దిలీప్ కుమార్.. ప్రస్తుతం సౌత్ ఇండియాలో మోస్ట్ వాంటెడ్ డైరెక్టర్లలో ఒకడు. సూపర్ స్టార్ రజినీకాంత్‌తో అతను తీసిన…

11 hours ago

చెల్లెలు శ్రీలీలతో నాగవంశికి గొడవలు

పుట్టి పెరిగింది కర్ణాటకలో అయినా.. క‌థానాయిక‌గా ప‌రిచ‌య‌మైంది కూడా కన్నడ ఇండస్ట్రీలోనే అయినా.. శ్రీలీల అచ్చమైన తెలుగమ్మాయే. ‘పెళ్ళిసంద-డి’ చిత్రంతో…

12 hours ago