అశోక్ సెల్వన్.. తమిళంలో మంచి పేరు సంపాదించిన యంగ్ హీరో. అతను అందగాడే కాదు.. మంచి నటుడు కూడా. మరక్కార్, పొన్నియన్ సెల్వన్, నిన్నిలా నిన్నిలా లాంటి అనువాద చిత్రాలతో అతను తెలుగు ప్రేక్షకులకు కూడా బాగానే పరిచయం. విశ్వక్సేన్ సినిమా ‘అశోకవనంలో అర్జున కళ్యాణం’లో అతను క్యామియో రోల్ కూడా చేశాడు. ఇక తమిళంలో అయితే ‘ఓ మై కడవులే’, ‘పోర్ తొలిల్’ లాంటి మంచి మంచి హిట్లు అతడి ఖాతాలో ఉన్నాయి. ఈ యంగ్ హీరో ఓ ఇంటివాడయ్యాడు.
అతను ఒక సినిమా అమ్మాయినే ప్రేమించి పెళ్లి చేసుకున్నాడు. తన పేరు.. కీర్తి పాండ్యన్. 90వ దశకంలో తమిళ అనువాద చిత్రాలతో పరిచయం ఉన్న వాళ్లకు ఈ పేరు బాగానే తెలిసి ఉంటుంది. కీర్తి.. సీనియర్ నటుడు అరుణ్ పాండ్యన్ తనయురాలు కావడం విశేషం. తండ్రి వారసత్వాన్ని కొనసాగిస్తూ కీర్తి పాండ్యన్ సినిమాల్లోకి అడుగు పెట్టింది. కథానాయికగా కొన్ని సినిమాలు చేసింది. మలయాళ హిట్ ‘హెలెన్’ రీమేక్లో లీడ్ రోల్ చేసి మెప్పించింది. అశోక్, కీర్తి కొంత కాలంగా ప్రేమలో ఉన్నారు. వీళ్లిద్దరూ కలిసి ‘బ్లూ స్టార్’ అనే సినిమాలో నటించారు. అప్పుడు మొదలైన పరిచయం.. ఆ తర్వాత ప్రేమగా మారింది.
కొన్ని నెలల ముందే అశోక్, కీర్తిల పెళ్లి గురించి వార్తలు వచ్చాయి. ఆ వార్తల్నే నిజం చేస్తూ ఇద్దరూ పెళ్లి చేసుకున్నారు. సినిమా వాళ్ల పెళ్లి అంటే బాగా హడావుడి ఉంటుంది కానీ.. వీళ్లిద్దరూ మాత్రం ఒక గుడిలో సింపుల్గా పెళ్ల చేసేసుకున్నారు. కుటుంబ సభ్యులతో పాటు కొందరు బంధు మిత్రులు మాత్రమే హాజరయ్యారు. మీడియాకు కూడా వీరి వివాహం గురించి ముందు సమాచారం లేదు. సైలెంట్గా పెళ్లాడేసి ఫొటోలను సోషల్ మీడియాలో షేర్ చేసి షాకిచ్చారు అశోక్, కీర్తి. అశోక్ ప్రస్తుతం నాలుగైదు సినిమాల్లో నటిస్తున్నాడు.
This post was last modified on September 13, 2023 4:21 pm
సోషల్ మీడియాలో ఒక వీడియో వైరల్ కావడానికి పెద్దగా కారణాలు అవసరం లేదు. కొన్నిసార్లు సెలబ్రిటీలకు కూడా సాధ్యం కాని…
టాలీవుడ్ లో టాలెంటెడ్ దర్శకులకు లోటు లేదు. కానీ దాన్ని పరిపూర్ణంగా, క్రమం తప్పకుండా వాడుకునేవాళ్ళు ఎంతమంది అంటే సమాధానం…
ఈ వారం విడుదల కాబోతున్న వాటిలో ఎక్కువ ప్రామిసింగ్ గా కనిపిస్తున్న సినిమా ఆకాశంలో ఒక తార. స్వప్న సినిమా,…
తెలంగాణలో కాంగ్రెస్, బీజేపీ నేతలపై బీఆర్ఎస్ వర్కింగ్ ప్రెసిడెంట్, మాజీ మంత్రి కేటీఆర్ తీవ్రస్థాయిలో విమర్శలు గుప్పిస్తున్న సంగతి తెలిసిందే.…
ఒకప్పుడు తెలుగులో స్ట్రెయిట్ సినిమాలకు ధీటుగా తమిళ డబ్బింగులు ఆడేవి. వీటి ప్రభావం ఎంతగా ఉండేదంటే దెబ్బకు మన నిర్మాతలు…
కరోనా వచ్చి వెళ్ళిపోయిన ఒకటి రెండు సంవత్సరాలు ఓటిటిలో వచ్చే కంటెంట్, కొత్త సినిమాల గురించి సోషల్ మీడియాలో డిబేట్లు…