అనిరుధ్ లోకేష్ ఇది మాత్రం ఈజీ కాదు

సౌత్ సెన్సేషన్స్ గా పేరు తెచ్చుకున్న దర్శకుడు లోకేష్ కనగరాజ్, మ్యూజిక్ డైరెక్టర్ అనిరుద్ రవిచందర్ త్వరలో మేకప్ వేసుకోబోతున్నారు. ఈ ఇద్దరు ప్రధాన పాత్రల్లో సన్ పిక్చర్స్ ఓ భారీ ప్యాన్ ఇండియా మూవీని నిర్మించబోతోంది. అయితే డైరెక్షన్ వేరే వాళ్ళు చేస్తున్నారు లెండి. టాప్ ఫైట్ మాస్టర్స్ గా పేరు తెచ్చుకున్న జంట త్రయం అన్బు అరువు ఈ చిత్రంతో మెగా ఫోన్ చేపట్టబోతున్నారు. లియో రిలీజయ్యాక రెగ్యులర్ షూటింగ్ స్టార్ట్ కానుంది. ఇది పూర్తి చేశాకే లోకేష్ రజినీకాంత్ 171కి టేకప్ చేయబోతున్నాడు. వినడానికి బాగానే ఉంది.

అసలు సవాల్ ఇకపై ఎదురు కానుంది. ఎందుకంటే టెక్నికల్ గా వీళ్ళెంత గొప్పవాళ్ళయినా కెమెరా ముందు మెప్పించడం అంత సులభం కాదు. తమిళంలో జివి ప్రకాష్ కుమార్ ఇలా రెండు పడవల ప్రయాణంలో సక్సెస్ అయ్యాడు కానీ మరీ పెద్ద రేంజ్ కు చేరుకోలేదు. రెహమాన్, ఇళయరాజా, దేవా లాంటి దిగ్గజాలు ఏదో ఒకటి రెండు ఫ్రేమ్స్ లో కనిపించడం తప్పించి నటించే రిస్కు తీసుకోలేదు. సో అనిరుద్ కి ఇది పెద్ద ఛాలెంజే. ఇక లోకేష్ కనగరాజ్ విషయానికి వస్తే పదేళ్లు హిట్టు లేని కమల్ హాసన్ లాంటి సీనియర్ హీరోకు సైతం బ్లాక్ బస్టర్ ఇచ్చిన ట్రాక్ రికార్డు సొంతం.

మరి అందరికీ ఎలా నటించాలో చెప్పిన లోకేష్ వేరొకరు చెబితే ఎలా చేస్తాడనేది ఆసక్తికరంగా మారింది. ఇతనికి మంచి ఫ్యాన్ ఫాలోయింగ్ ఉంది. ఇది దృష్టిలో ఉంచుకునే అన్బు అరివులు మంచి పాత్ర సెట్ చేశారట. సరే అనిరుద్ చేతి నిండా భారీ సినిమాలు పెట్టుకుని వాటి ట్యూన్ల కంపోజింగ్ కోసం దర్శకులు ఎదురు చూస్తున్న టైంలో ఇలా నటన పేరుతో కాల్ షీట్లు ఇచ్చుకుంటూ పోతే ఇబ్బందులు రాకపోవు. బ్యాలన్స్ చేసుకోవడం చాలా కష్టం. అసలే జూనియర్ ఎన్టీఆర్, విజయ్ దేవరకొండ క్రేజీ ప్రాజెక్టులతో పాటు మరికొన్ని వెయిటింగ్ లో ఉన్నాయి. ఎలా మేనేజ్ చేసుకుంటాడో లెట్ సీ