కృష్ణ అండ్ హిజ్ లీల హీరోయిన్ పెళ్ల‌యిపోయింది

థియేట్రిక‌ల్ రిలీజ్ లేకుండా నేరుగా ఓటీటీ ఫ్లాట్ ఫామ్స్‌లో రిలీజైన తెలుగు సినిమాల్లో అతి పెద్ద హిట్ అంటే.. కృష్ణ అండ్ హిజ్ లీల‌లోనే. అందులో లీడ్ క్యారెక్ట‌ర్లు ఆక‌ట్టుకున్నాయి. వాటిని పోషించిన ఆర్టిస్టులూ మెప్పించారు. ఈ చిత్రంలో రాధ పాత్ర‌లో మెరిసిన కొత్త‌మ్మాయి షాలిని వ‌డ్నిక‌ట్టి. సంప్ర‌దాయంగా క‌నిపిస్తూనే గ్లామ‌ర్‌తోనూ ఆక‌ట్టుకున్న ఈ అమ్మాయి.. ఎంతోమందిని త‌న అభిమానులుగా మార్చుకుంది. ఈ అమ్మాయి ఉన్న‌ట్లుండి త‌న పెళ్లి క‌బురుతో వార్త‌ల్లోకి వ‌చ్చింది.

శుక్ర‌వారం షాలిని.. మ‌నోజ్ బీద అనే కుర్రాడిని పెళ్లాడింది. క‌రోనా నిబంధ‌న‌ల మ‌ధ్య త‌క్కువ‌మంది అతిథులతో వీరి పెళ్లి జ‌రిగింది. మ‌నోజ్ ఓ ద‌ర్శ‌కుడు కావ‌డం విశేషం. ఈ కుర్రాడు త‌మిళంలో వంజ‌గ‌ర్ ఉలగం అనే సినిమా తీశాడు. జోక‌ర్ సినిమాతో గొప్ప ప్ర‌శంస‌లందుకున్న గురు సోమసుంద‌రం ఇందులో లీడ్ రోల్ చేశాడు. ఓ విభిన్న‌మైన సినిమాగా ఈ సినిమాకు పేరొచ్చింది. ఆ త‌ర్వాత మ‌నోజ్ నుంచి సినిమా రాలేదు. షాలినితో కొన్నేళ్లుగా మ‌నోజ్ రిలేష‌న్‌షిప్‌లో ఉన్నాడు. షాలిని విష‌యానికి వ‌స్తే.. ఆమె ప్ల‌స్ అనే క‌న్న‌డ సినిమాతో క‌థానాయిక‌గా ప‌రిచయం అయింది.

ఆ త‌ర్వాత క‌న్న‌డ‌తో పాటు త‌మిళంలోనూ కొన్ని సినిమాలు చేసింది. తెలుగులో యురేక‌తో ఆమె క‌థానాయిక‌గా ప‌రిచయం అయింది. కానీ పేరొచ్చింది మాత్రం కృష్ణ అండ్ హిజ్ లీల‌తోనే. ఈ సినిమా చూసి షాలినికి మంచి భ‌విష్య‌త్తుంద‌ని.. హీరోయిన్‌గా మంచి రేంజికి వెళ్తుంద‌ని అనుకుంటే.. ఉన్న‌ట్లుండి లా పెళ్లి ముచ్చ‌ట‌తో షాకిచ్చింది.