గుడ్డొచ్చి పిల్లను వెక్కిరించిందట. అలా ఉంది కొందరు నెటిజెన్ల అత్యుత్సాహం. గత ఏడాది కాలంలో తమిళ దర్శకులు మూడు మాస్ బ్లాక్ బస్టర్లు ఇచ్చారు. అవి విక్రమ్, జైలర్, జవాన్. ఇది సత్యం. అలా అని ఇంకే భాషలోనూ వేరెవరూ ఇలా హ్యాండిల్ చేయలేరనే రీతిలో జబ్బలు చరుచుకోవడం మాత్రం కామెడీనే. ఎందుకంటే మాస్ బాక్సాఫీస్ కి కొత్త గ్రామర్ తీసుకొచ్చిందే టాలీవుడ్. గుండమ్మ కథలో ఎన్టీఆర్ పాత్రతో మొదలుపెడితే అఖండలో బాలకృష్ణ దాకా ఎన్నో ఉదాహరణలు కళ్ళముందు కనిపిస్తాయి. ఇదంతా చరిత్రలో ఉన్న వాస్తవమే. మసిపూసి మారేడుకాయ చేయాల్సిన అవసరమే లేదు.
టికెట్ రేట్లు కేవలం రెండు మూడు రూపాయలు ఉన్న కాలంలోనే అడవిరాముడు ప్రభంజనం కోట్ల రూపాయలను రుచి చూపించింది. ఒరిజినల్ వెర్షన్ల కన్నా మంగమ్మ గారి మనవడు, ఘరానా మొగుడు, ముద్దుల మావయ్య, పెదరాయుడు, చంటి లాంటి సినిమాలు ఇండస్ట్రీ హిట్లు సాధించాయంటే మాస్ పల్స్ మీద మన దర్శకులకున్న పట్టే. రాఘవేంద్రరావు నుంచి అనిల్ రావిపూడి ఎవరికి వాళ్ళు తమదైన శైలిలో కమర్షియల్ జానర్ ని కొత్త పుంతలు తొక్కించారు. జవాన్ ని చూసి మురిసిపోతున్నాం కానీ ఇలాంటి హీరోయిజం బోయపాటి శీను తులసి, లెజెండ్ లాంటి వాటిలో ఎన్ని చూపించలేదు.
రాజమౌళి సింహాద్రి, విక్రమార్కుడులో ఎలివేషన్లను లెక్కబెట్టుకుంటూ వెళ్తే గంటలు చాలవు. బాహుబలి, ఆర్ఆర్ఆర్ ఉత్తరాది ప్రేక్షకులను ఎలా కట్టిపడేశాయి. అవి చూసే మేమెంతో స్ఫూర్తి చెందానని సాక్ష్యాత్తు అమీర్ ఖాన్, షారుఖ్ ఖాన్ లే ఒప్పుకున్నారు. ఈ ఏడాదిలోనే వాల్తేరు వీరయ్య, వీరసింహారెడ్డికి కురిసిన కనక వర్షం మర్చిపోతే ఎలా. కాబట్టి ఇప్పుడేదో మనం వెనుకబడి కోలీవుడ్ దూసుకుపోతోంది అనుకుంటే అమాయకత్వమే. సలార్ వాయిదా అనే మాటే ప్రకంపనలు సృష్టించింది. ప్రాజెక్ట్ కె గురించి దేశమంతా ఎదురు చూస్తోంది. అడగ్గానే బాలీవుడ్ లెజెండ్స్ నటించారు.
ఎలా చూసుకున్నా దక్షిణాది నుంచి మాస్ డామినేషన్ మొదలయ్యింది తెలుగు నుంచే. నరసింహ, అరుణాచలంలు మనవి కాకపోవచ్చు. కానీ సమరసింహారెడ్డి, ఇంద్ర సునామి ఎవరివి. బాషా మాదని అరవ మిత్రులు చెప్పుకోవచ్చు. కానీ అసలదే అమితాబ్ బచ్చన్ హమ్ నుంచి స్ఫూర్తి పొందింది. కాబట్టి ప్రతి సింహానికి ఒక రోజు వస్తుందని సామెత చెప్పినట్టు ఇప్పుడేదో మనోళ్లు కొంత నెమ్మదించి ఉండవచ్చు. అంతమాత్రాన తక్కువంచనా వేస్తే ఎలా. రేపు భగవంత్ కేసరి కావొచ్చు లేదా గుంటూరు కారం అవ్వొచ్చు. సరైన టాక్ వస్తే దిమ్మదిరిగే స్థాయిలో మళ్ళీ రికార్డుల వేట మొదలుపెడతాయి. ఎటొచ్చి ఇవన్నీ మనకు కొత్త కాదు.
పెద్ది, మా ఇంటి బంగారం తర్వాత ఈ సీజన్ లో బాక్సాఫీస్ కు మళ్ళీ జోష్ వచ్చింది. థియేటర్లు కళకళలాడుతున్నాయి.…
తమిళ సినిమాల్లో చాలా ఏళ్ల నుంచి తిరుగులేని ఆధిపత్యం చలాయిస్తున్నాడు అనిరుధ్ రవిచందర్. అతడి హవా తమిళానికే పరిమితం కావట్లేదు…
బూత్ స్థాయిలో బలోపేతం అయ్యే దిశగా జనసేన కసరత్తు షురూ చేసింది. ప్రస్తుతం రాష్ట్ర వ్యాప్తంగా పార్టీ నాయకులు ఉన్నప్పటికీ..…
ఏపీ రాజధాని అమరావతిలో రైతుల భూములను వారి అనుమతి లేకుండానే కూటమి సర్కారు లాక్కుంటోందని శనివారం పెద్ద రచ్చే జరిగింది. రాజధాని నిర్మాణం కోసం తమ భూములను…
లెనిన్ సినిమా ప్రమోషన్లలో హీరో అఖిల్ అక్కినేని గురించి ఒక ఇంట్రెస్టింగ్ కామెంట్ చేశాడు నిర్మాతల్లో ఒకరైన నాగవంశీ. లెనిన్…
పిల్లలు సంపద అని సీఎం చంద్రబాబు మరోసారి స్పష్టం చేశారు. తాను చెప్పిన మాటకే కట్టుబడి ఉన్నానని తెలిపారు. దీనిని…