Movie News

కొత్త ట్విస్టు – సల్మాన్ నెత్తి మీద సలార్ బాంబు

నిన్న సాయంత్రం నుంచి సలార్ వాయిదాకు సంబంధించిన వార్త బాలీవుడ్ నుంచి టాలీవుడ్ దాకా అందరినీ ఊపేసింది. ఊహించని పరిణామాలకు ఒక్కసారిగా షాక్ తిన్న ఇతర నిర్మాతలు మళ్ళీ సలార్ ఎప్పుడు వస్తుందనే టెన్షన్ లో బిపి తెచ్చుకున్న వాళ్ళు కూడా ఉన్నారు. ఒకదశలో సంక్రాంతికి ఉండొచ్చనే ప్రచారం మహేష్ బాబు, రవితేజ ఫ్యాన్స్ లో ఆందోళన కలిగించింది. ఎవరితో పోటీ ఉంటుందనే దాని మీద రకరకాల ఊహాగానాలు చెలరేగాయి. తాజా అప్ డేట్ ఏంటంటే డిసెంబర్ ప్యాక్ అయిన నేపథ్యంలో సలార్ ఫ్రెష్ గా నవంబర్ నెలలో విడుదలయ్యేందుకు ప్లాన్ చేసుకుంటోంది.

ఇది నేరుగా సల్మాన్ ఖాన్ నెత్తి మీద బాంబు వేసినట్టే. ఎందుకంటే నవంబర్ 10న టైగర్ 3 విడుదలకు యష్ రాజ్ ఫిలింస్ సన్నాహాల్లో ఉంది. డేట్ ఇంకా అఫీషియల్ గా ప్రకటించలేదు కానీ డిస్ట్రిబ్యూటర్లకు చెప్పిన తేదీ మాత్రం అదే. సలార్ దాంతో నేరుగా తలపడకపోవచ్చు. వారం ముందు వచ్చినా లేదా కొంత ఆలస్యంగా వచ్చినా ప్రభాస్ దెబ్బ సౌత్ మార్కెట్స్ లో గట్టిగానే పడుతుంది. ప్రభాస్ క్రేజ్ ఉత్తరాది రాష్ట్రాల్లోనూ ఉంది కాబట్టి థియేటర్లు కేవలం కండల వీరుడికే దక్కుతాయని లేదు. పైగా డార్లింగ్ కు అండగా కరణ్ జోహార్ లాంటి వాళ్ళు ఉన్నారు.

ఈ పరిణామాలు రాను రాను చాలా ఆసక్తికరంగా మారబోతున్నాయి. పోస్ట్ ప్రొడక్షన్ పనులు విపరీతంగా పెండింగ్ లో ఉండటంతో పాటు డిజిటల్ హక్కుల విక్రయంలో జరిగిన ఆలస్యం కూడా వాయిదాకు కారణమనే వార్త షికారు చేస్తోంది. హోంబాలే ఫిలిమ్స్ మాత్రం మంచి అవకాశం పోగొట్టుకుందని ఫ్యాన్స్ ఫీలవుతున్నారు. సెప్టెంబర్ 28 ఇచ్చే లాంగ్ వీకెండ్ ని చేతులారా వదిలేసుకొని నవంబర్ లో అంత అనుకూలంగా లేని టైంలో రావడం ఏమిటని ప్రశ్నిస్తున్నారు. బిజినెస్ పరంగానూ నిర్మాతలు చెప్పిన భారీ రేట్ల వల్ల కొన్ని ఏరియాలు ఇంకా క్లోజ్ చేయలేదట. చూడాలి ఇంకా ఏమేం జరుగుతుందో.

This post was last modified on September 2, 2023 5:21 pm

Share

Recent Posts

మ‌హావ‌తార న‌ర‌సింహ.. తెలుగు రైట‌ర్ ఆవేద‌న‌

మ‌హావ‌తార న‌ర‌సింహ‌.. గ‌త ఏడాది పాన్ ఇండియా స్థాయిలో సెన్సేష‌న్ క్రియేట్ చేసిన సినిమా. ఈ యానిమేష‌న్ మూవీ రిలీజ‌య్యే…

23 minutes ago

ఛలో దర్శకుడిని తిట్టారా పొగిడారా

టాలీవుడ్ టాలెంటెడ్ దర్శకుల్లో వెంకీ కుడుముల పేరు ఖచ్చితంగా ఉంటుంది. రష్మిక మందన్న ఇవాళ ఈ స్థాయికి వచ్చిందంటే ఛలో…

37 minutes ago

లిఫ్ట్ అడిగేటప్పుడు జాగ్రత్త మహిళలు

మహిళల భద్రతపై మరోసారి ఆందోళన కలిగించే ఘటన తెలంగాణలో చోటుచేసుకుంది. ఇంటికి వెళ్లేందుకు ఆటోలో లిఫ్ట్ ఇస్తామని నమ్మించిన ఇద్దరు…

56 minutes ago

అక్రమ సంబంధాల వివాదం… మళ్ళీ సీఈవోగా వస్తానంటున్న జెన్సెన్

ప్రపంచ టెక్ రంగంలో సంచలనం సృష్టించిన ఎన్విడియా మాజీ సీఈవో జెన్సెన్ హువాంగ్ వ్యవహారం మరో మలుపు తిరిగింది. వివాహేతర…

1 hour ago

పాపం… ట్రైన్ ఎక్కిద్దాం అని వెళ్ళి ఫైన్ కట్టి వచ్చారు

బంధువులను రైలు ఎక్కించడానికి వెళ్లినవాళ్లు అనుకోకుండా అదే రైలులో ప్రయాణించాల్సి వచ్చింది. పైగా టికెట్లు లేకపోవడంతో ఏకంగా రూ.36,140 చెల్లించాల్సి…

1 hour ago

చిరు లీక్స్ రొటీన్ అవుతున్నాయా

మెగాస్టార్ చిరంజీవి స్క్రీన్ మీదే కాదు స్టేజి పైన ఉన్నప్పుడు కూడా ఆయన ఎనర్జీ వేరే లెవెల్ లో ఉంటుంది.…

1 hour ago