Movie News

ఓజీ.. ఏందయ్యా ఈ హైప్?

పవర్ స్టార్ పవన్ కళ్యాణ్ అభిమానులకు పసందైన విందు అంది చాలా కాలం అయిపోయింది. ‘అత్తారింటికి దారేది’ తర్వాత పవన్ నుంచి సంతృప్తికర చిత్రం ఏదీ రాలేదు. 2019 ఎన్నికలకు ముందు ఆయన చేసిన చివరి చిత్రం ‘అజ్ఞాతవాసి’ ఎంత పెద్ద డిజాస్టరో తెలిసిందే. రీఎంట్రీ తర్వాత చేసిన ‘వకీల్ సాబ్’, ‘భీమ్లా నాయక్’ ఓ మోస్తరుగా ఆడగా.. ‘బ్రో’ ఫ్లాప్ అయింది. ఈ మూడూ రీమేక్ సినిమాలు కావడం అభిమానుల్లో అసంతృప్తిని రేకెత్తించాయి.

పవన్ స్థాయికి.. ఆయన చేస్తున్న సినిమాలకు పొంతన ఉండట్లేదని.. ఒక పవర్ ఫుల్ స్ట్రెయిట్ మూవీలో పవన్ నటిస్తే బాక్సాఫీస్ మోత మామూలుగా ఉండదని.. తన ముందు ఎవ్వరూ నిలవలేరని అభిమానులు ఆవేదన చెందుతుంటారు సామాజిక మాధ్యమాల్లో. యువ దర్శకుడు సుజీత్‌తో పవన్ చేస్తున్న ‘ఓజీ’ అలాంటి సినిమానే అవుతుందని ఫ్యాన్స్ ఆశిస్తున్నారు.

ఈ సినిమా హఠాత్తుగా సెట్స్ మీదికి వెళ్లి.. చకచకా కొన్ని షెడ్యూళ్లు షూటింగ్ జరుపుకుంది. పవన్ కళ్యాణ్ పుట్టిన రోజు కానుకగా ఈ సినిమా టీజర్ లాంచ్ చేయబోతున్నారు. కొన్ని వారాల కిందటే ఈ విషయాన్ని ప్రకటిస్తూ రిలీజ్ చేసిన పోస్టర్ చాలా ఎగ్జైటింగ్‌గా అనిపించింది. ఇక పవన్ పుట్టిన రోజు రాబోయే టీజర్ మీద అంచనాలైతే మామూలుగా లేవు. ఈ టీజర్ గురించి సినిమా యూనిట్ నుంచి కొన్ని ఎగ్జైటింగ్ హింట్స్ బయటికి వస్తున్నాయి. టీజర్లో పవన్ స్క్రీన్ ప్రెజెన్స్.. విజువల్స్.. డైలాగ్స్.. ఎలివేషన్.. బ్యాగ్రౌండ్ స్కోర్.. అన్నీ ఒక రేంజిలో ఉంటాయంటున్నారు.

చివర్లో పవన్ పూర్తిగా రక్తం అంటుకున్న చేతితో గన్ను పట్టుకుని ఒక స్మైల్‌తో డైలాగ్ చెబుతాడని.. అది చూసి అభిమానులకు పూనకాలు రావడం ఖాయమని ఒక ప్రచారం నడుస్తోంది. టీజర్ గురించి సోషల్ మీడియాలో జరుగుతున్న ప్రచారంతో పవన్ అభిమానుల్లో ఎగ్జైట్మెంట్ అంతకంతకూ పెరిగిపోతోంది. ఒక టీజర్ రిలీజ్ కావడానికి ముందు ఇంత చర్చ జరగడం.. ఇంత హైప్ క్రియేట్ కావడం అరుదైన విషయం. మరి నిజంగా టీజర్ అంచనాలకు తగ్గట్లే ఉండి అభిమానులను ఉర్రూతలూగిస్తుందేమో చూడాలి.

This post was last modified on August 30, 2023 7:47 pm

Share

Recent Posts

అక్రమ సంబంధాల వివాదం… మళ్ళీ సీఈవోగా వస్తానంటున్న జెన్సెన్

ప్రపంచ టెక్ రంగంలో సంచలనం సృష్టించిన ఎన్విడియా మాజీ సీఈవో జెన్సెన్ హువాంగ్ వ్యవహారం మరో మలుపు తిరిగింది. వివాహేతర…

3 minutes ago

పాపం… ట్రైన్ ఎక్కిద్దాం అని వెళ్ళి ఫైన్ కట్టి వచ్చారు

బంధువులను రైలు ఎక్కించడానికి వెళ్లినవాళ్లు అనుకోకుండా అదే రైలులో ప్రయాణించాల్సి వచ్చింది. పైగా టికెట్లు లేకపోవడంతో ఏకంగా రూ.36,140 చెల్లించాల్సి…

13 minutes ago

చిరు లీక్స్ రొటీన్ అవుతున్నాయా

మెగాస్టార్ చిరంజీవి స్క్రీన్ మీదే కాదు స్టేజి పైన ఉన్నప్పుడు కూడా ఆయన ఎనర్జీ వేరే లెవెల్ లో ఉంటుంది.…

17 minutes ago

విజయ్‌తో ఫొటో.. పనిమనిషి కల నిజం చేసిన ప్రియాంక గాంధీ

ప్రియాంక గాంధీ తన ఇంట్లో గత 22 ఏళ్లుగా పనిచేస్తున్న మహిళకు ఒక మధురమైన అనుభూతిని అందించారు. తమిళనాడు సీఎం…

1 hour ago

ఇకపై బైకులకు కూడా సేఫ్టీ ఎయిర్‌బ్యాగ్స్

కార్లలో ప్రమాదం జరిగినప్పుడు ప్రాణాలను కాపాడటంలో ఎయిర్‌బ్యాగ్స్ కీలక పాత్ర పోషిస్తాయి. అదే టెక్నాలజీని ఇప్పుడు హెల్మెట్‌లోనూ ఉపయోగించే ఆలోచన…

2 hours ago

ధోనీ ఎందుకింత స్పెషల్?

ధోనీ బ్యాటింగ్‌కు వస్తున్నాడంటే చాలు.. చెన్నైతో సంబంధం లేని జట్ల అభిమానులు కూడా అతడి కోసం ఎదురుచూసేవారు. ఒక్కోసారి సొంత…

2 hours ago