కాంట్రవర్సీకి భయపడుతోన్న ఆది పురుషుడు!

రామాయణంలోని రామ-రావణ యుద్ధ ఘట్టం ప్రధానంగా ‘ఆదిపురుష్‍’ చిత్రాన్ని తెరకెక్కిస్తోన్న ఓం రౌత్‍ ఇది రామాయణ కథ అని చెప్పడానికి జంకుతున్నాడు. ఎందుకంటే ఈ చిత్రంలోని పాత్రలను ఇంతకాలం జనం దృష్టిలో వున్నట్టుగా చూపించడం లేదట. రాముడిని నీలమేఘ శ్యాముడిగా చూపిస్తూ రాగా, రావణుడికి కూడా ఒక ఖచ్చితమైన రూపాన్ని ఇచ్చారు. కానీ ‘ఆదిపురుష్‍’లో ప్రభాస్‍ జుట్టు, గడ్డం, మీసం పెంచి మరో రకంగా కనిపించబోతున్నాడు. అలాగే రావణుడు కూడా పది తలలు వగైరా రెగ్యులర్‍ లుక్‍తో కనిపించబోవడం లేదు.

రామాయణం అని చెప్పి ఇలా చూపిస్తే గొడవలు అవుతాయని, చాలా మంది అభ్యంతరం చెబుతారని, ఇదసలు రామాయణంతో సంబంధం లేని కథ అన్నట్టు మేకర్స్ కట్టు కథ చెబుతున్నారు. ఇదొక మైథలాజికల్‍ ఫాంటసీ చిత్రమనే అంటున్నారు కానీ ఎక్కడా రాముడి ప్రస్తావన లేదా రామాయణ ప్రస్తావన రాకుండా జాగ్రత్త పడుతున్నారు.

అయితే ఈ సినిమా కథ తెలిసిన నాగ్‍ అశ్విన్‍ లాంటి వాళ్లు మాత్రం రాముడిగా ప్రభాస్‍ కనిసిస్తున్నాడని లీక్‍ చేసేసారు. ఈ చిత్రాన్ని తెలుగు, హిందీ భాషలలో విడివిడిగా చిత్రీకరించనున్నారు. కొన్ని పాత్రలకు హిందీ, తెలుగు వెర్షన్స్ లో వేర్వేరు నటీనటులుంటారు.