మాములుగా ఒక స్టార్ హీరో సినిమా బడ్జెట్ వల్ల రెండు మూడేళ్లు నిర్మాణంలో ఉండటం సహజం. రాజమౌళి లాంటి వాళ్లయితే దానికి న్యాయం చేకూరుస్తూ ప్యాన్ ఇండియా మూవీస్ ని అద్భుతంగా తీస్తారు. అయితే యాక్షన్ ఎంటర్ టైనర్ కి పది సంవత్సరాలు పట్టడం అంటే మహా విచిత్రం. చియాన్ విక్రమ్ గా మనకు అపరిచితుడు లాంటి బ్లాక్ బస్టర్ల ద్వారా దగ్గరైన ఈ విలక్షణ హీరో నటించిన ధృవ నచ్చత్తిరమ్ షూటింగ్ 2013లో మొదలైంది. ముప్పాతిక భాగం తీశాక ఏవేవో కారణాల వల్ల ఆగిపోయింది. దర్శకుడు గౌతమ్ వాసుదేవ్ మీనన్ చేతులు ఎత్తేసి యాక్టింగ్ వైపు వెళ్లిపోయారు.
కట్ చేస్తే ఇప్పుడు దీనికి మోక్షం కలిగింది. యుద్ధ కాండం పేరుతో మొదటి భాగాన్ని దసరా పండగ సందర్భంగా రిలీజ్ చేసేందుకు నిర్మాతలు ప్లాన్ చేస్తున్నారు. పెళ్లి చూపులు ఫేమ్ రీతూ వర్మ ఇందులో హీరోయిన్. అయితే విజయదశమికి ఆల్రెడీ విపరీతమైన పోటీ నెలకొంది. భగవంత్ కేసరి, టైగర్ నాగేశ్వరరావు, లియో, శివరాజ్ కుమార్ ఘోస్ట్ నువ్వా నేనాని తలపడుతున్నాయి. మధ్యలో రావడం వల్ల విక్రమ్ కు కలిగే నష్టమే ఎక్కువ. ఎందుకంటే ఇక్కడ చెప్పినవాటిలో మూడింటికి విపరీతమైన క్రేజ్ ఉంది. అనవసరంగా తలపెడితే డ్యామేజ్ తప్ప ఏం ప్రయోజనం లేదు .
త్వరలోనే దీనికి సంబందించిన నిర్ణయం తీసుకోబోతున్నారు. ధృవ నచ్చత్తిరమ్ ప్రొడ్యూసర్లు కేవలం తమిళ మార్కెట్ నే లక్ష్యంగా పెట్టుకున్నట్టు కనిపిస్తోంది. అయినా కూడా రిస్కే. హరీష్ జైరాజ్ సంగీతం అందించిన ఈ యాక్షన్ థ్రిల్లర్ కు ఏడుగురు కెమెరా మెన్ లు పని చేశారు. మనోజ్ పరమహంస, రవిచంద్రన్, కథిర్ లాంటి ప్రముఖులు వాళ్లలో ఉన్నారు. ఇంత పెద్ద టీమ్ ని, కోట్ల రూపాయలు ఖర్చు పెట్టిన గ్రాండియర్ ని ఇలా ఇంత సుదీర్ఘమైన కాలం ల్యాబులో మగ్గేలా చేయడం నిజంగా ట్రాజెడీ. ఫ్యాన్స్ లోనే దీని మీద ఆసక్తి తగ్గిపోయింది. ప్రమోషన్లు ఎలా చేసి బజ్ తెస్తారో చూడాలి మరి.
This post was last modified on August 21, 2023 12:37 am
యూత్ హీరో రాజ్ తరుణ్ కు మంచి హిట్టు దక్కి ఎంత కాలమయ్యిందో చెప్పడం కష్టం. సీనియర్ హీరోలతో సపోర్టింగ్…
ఎన్నికలు అయిపోయాయి. ఫలితాలు ఇంకో పద్దెనిమిది రోజుల్లో రాబోతున్నాయి. ఎవరికి వారు విజయం పట్ల ధీమాగా ఉన్నారు. అధికార పార్టీ,…
మొన్నటిదాకా టాలీవుడ్ టాప్ హీరోయిన్ గా అత్యధిక డిమాండ్ అనుభవించిన పూజా హెగ్డే కెరీర్ ప్రారంభంలో వచ్చిన ఐరన్ లెగ్…
ప్రకాశం జిల్లాలో ఆమంచి కృష్ణమోహన్ రాజకీయంగా ఒక బలమైన నాయకుడే అని చెప్పాలి. అయితే తన రాజకీయ భవిష్యత్తు కోసం…
తెలంగాణలో సికింద్రాబాద్ కంటోన్మెంట్ ఎమ్మెల్యే లాస్యనందిత రెండు ప్రమాదాలు తప్పించుకుని మూడో ప్రమాదంలో మరణించిన విషయం తెలిసిందే. నెలల వ్యవధిలో…
ప్రముఖ హీరో జూనియర్ ఎన్టీఆర్ 2003లో జూబ్లీహిల్స్ హౌసింగ్ సొసైటీలో 681 చదరపు గజాల స్థలం సుంకు గీత అనే…