ఈ వారం బాక్సాఫీస్ చాలా డల్లుగా ఉంది. కొత్తగా చెప్పుకోదగ్గ సినిమాలేవీ రిలీజ్ కాలేదు. అయిన వాటిని ప్రేక్షకులు ఏమాత్రం పట్టించుకోవడం లేదు. గత వారంలో వచ్చిన ‘బ్రో’, అంతకంటే ముందు రిలీజైన ‘బేబి’ చిత్రాలే ఉన్నంతలో బాక్సాఫీస్ను ఉపయోగించుకున్నాయి. కొత్త సినిమాల కోసం ఎదురు చూసేవాళ్లందరి చూపూ వచ్చే వారం రిలీజయ్యే రెండు సినిమాల మీదే ఉంది.
అందులో ఒకటి మెగాస్టార్ చిరంజీవి నటించిన ‘భోళా శంకర్’ కాగా.. మరొకటి సూపర్ స్టార్ రజినీకాంత్ మూవీ ‘జైలర్’. మామూలుగా రిలీజ్ వీక్లో సోమవారానికి కానీ కొత్త చిత్రాల బుకింగ్స్ ఓపెన్ కావు. కానీ ఇండిపెండెన్స్ డే వీకెండ్ కోసం ప్రేక్షకులు ఎంతో ఆసక్తిగా ఎదురు చూస్తున్న నేపథ్యంలో ‘భోళా శంకర్’, ‘జైలర్’ సినిమాల అడ్వాన్స్ బుకింగ్స్ను రిలీజ్కు వారం ముందే ఓపెన్ చేసేశారు. పెద్ద సంఖ్యలో థియేటర్లు బుకింగ్స్ మొదలుపెట్టాయి.
చిరంజీవి చివరి సినిమా ‘వాల్తేరు వీరయ్య’తో పోలిస్తే ‘భోళా శంకర్’ అడ్వాన్స్ బుకింగ్స్ అంత ఆశాజనకంగా లేవు. ఈ సినిమా మీద అంచనాలు ముందు నుంచి తక్కువగానే ఉన్నాయి. రీమేక్ మూవీ కావడం, దారుణమైన ట్రాక్ రికార్డున్న మెహర్ రమేష్ డైరెక్ట్ చేయడం.. టీజర్, ట్రైలర్ ఏమంత ఎగ్జైటింగ్గా లేకపోవడం ‘భోళా శంకర్’కు ప్రతికూలం అయ్యాయి. అందుకే బుకింగ్స్ కొంచెం స్లోగా నడుస్తున్నాయి. అలా అని చిరు ప్రభావాన్ని తక్కువగా కూడా చూడలేం. ఇలాంటి సినిమాతో కూడా ఆయన తొలి రోజు పెద్ద ఎత్తున హౌస్ ఫుల్స్ పెట్టబోతున్నాడన్నది స్పష్టం.
ఉదయం 7 గంటల నుంచే రెండు తెలుగు రాష్ట్రాల్లో ‘భోళా శంకర్’ షోలు పడబోతున్నాయి. సినిమాకు టికెట్ల ధరలేమీ పెంచలేదు. నార్మల్ రేట్లతోనే సినిమా ఓ మోస్తరు బుకింగ్స్తో నడుస్తోంది. ‘భోళా శంకర్’ కంటే ఒక రోజు ముందు, గురువారం రిలీజ్ కానున్న రజినీ సినిమా ‘జైలర్’కు తొలి రోజు పెద్ద సంఖ్యలోనే థియేటర్లిచ్చారు. ఈ సినిమాకు కూడా ఉదయం 7.30 నుంచే షోలు మొదలవుతున్నాయి. రజినీ గత సినిమాలతో పోలిస్తే దీనికి అడ్వాన్స్ బుకింగ్స్లో జోరు కనిపిస్తోంది. ‘భోళా శంకర్’కు దీటుగా థియేటర్లు ఫుల్ అయ్యేలా కనిపిస్తోంది.
This post was last modified on August 6, 2023 1:45 pm
వరస ఫెయిల్యూర్స్ తో మార్కెట్ ని రిస్క్ లో పెట్టుకున్న విజయ్ దేవరకొండకు ది ఫ్యామిలీ స్టార్ ఇచ్చిన షాక్…
నిన్న సాయంత్రం విడుదలైన దేవర పార్ట్ 1 మొదటి ఆడియో సింగల్ ఫియర్ కు ఊహించని స్థాయిలో ఇటు ఛార్ట్…
రవితేజ ‘టచ్ చేసి చూడు’ సినిమా గుర్తుందా ? అందులో అలజడి సృష్టిస్తున్న అల్లరిమూకలను అరికట్టేందుకు రవితేజ పోలీసులకు రౌడీ…
ఇంకో ముప్పై ఏడు రోజుల్లో విడుదల కాబోతున్న కల్కి ఏడి 2898 కోసం అభిమానులే కాదు యావత్ ఇండస్ట్రీ మొత్తం…
కాలు జారితే తీసుకోవచ్చు. కానీ, నోరు జారితే మాత్రం తీసుకోవడం కష్టం. పైగా ఇది పరువు, ప్రతిష్టలకు కూడా సంబంధించిన…
ఏపీలో ఈ నెల 13న జరిగిన పోలింగ్ అనంతరం.. పల్నాడు, తిరుపతి, అనంతపురం జిల్లాల్లో చోటు చేసు కున్న హింస..…