తెలుగు తెరపైన లేడీ క్యారెక్టర్లు చాలా వరకు సాఫ్ట్గానే కనిపిస్తాయి. మన దగ్గర లేడీ విలన్లే చాలా తక్కువగా కనిపిస్తారసలు. ఇక మిగతా లేడీ క్యారెక్టర్లలో చాలా వరకు నామమాత్రంగా ఉండేవే. హీరోయిన్ల పాత్రల గురించి చెప్పాల్సిన పని లేదు. పది సినిమాల్లో ఒకటో రెండో మినహాయిస్తే.. మిగతావన్నింట్లోనూ హీరోయిన్ ఉందంటే ఉంది అన్నట్లుగా ఉంటుంది.
ఒకవేళ ఆ పాత్రలో బలం ఉన్నా.. అది పాజిటివ్ క్యారెక్టరే అయ్యుంటుంది. హీరోయిన్ పాత్రను నెగెటివ్ షేడ్స్తో చూపించడం చాలా అరుదు. అలా చూపించినా ప్రేక్షకులు హర్షించరు అనే భావన ఉంటుంది. ఐతే ఇప్పుడు ట్రెండ్ మారుతోంది. హీరోయిన్లలోని నెగెటివ్ షేడ్స్ను ఎలివేట్ చేస్తూ.. దాన్ని సక్సెస్ మంత్రంగా మార్చేస్తున్నారు దర్శకులు. ఈ ట్రెండు మొదలైంది ‘ఆర్ఎక్స్ 100’ సినిమాతోనే అని చెప్పాలి. ఆ చిత్రంలో హీరోయిన్ పాత్ర ప్రేక్షకులకు మామూలు షాక్ కాదు.
అప్పటికే ఓ అబ్బాయిని ప్రేమించి, పెళ్లికి కూడా సిద్ధమైన అమ్మాయి.. మధ్యలో శారీరక సుఖం కోసం ఇంకొక అబ్బాయిని లైన్లో పెట్టి, అతణ్ని వాడుకుని వదిలేయడం.. మళ్లీ వేరే అబ్బాయిని పెళ్లాడటం.. ఇలాంటి కాన్సెప్ట్ ప్రేక్షకులను షాక్కు గురి చేసింది. ఈ ట్విస్టే సినిమాకు మేజర్ హైలైట్గా నిలిచింది. కుర్రాళ్లు ఈ సినిమాకు బాగా కనెక్ట్ అయిపోయి దాన్ని బ్లాక్ బస్టర్ చేసి పెట్టారు. ఇక వేసవిలో రిలీజైన ‘విరూపాక్ష’ సినిమా ఇంకో రకం. అదేమీ లవ్ స్టోరీ కాదు. కానీ అందులో హీరోయినే మెయిన్ విలన్ అనే విషయం చివరి వరకు తెలియదు. అది తెలిసినపుడు ప్రేక్షకులు షాక్ అవుతారు.
ఆ సినిమా కూడా బాక్సాఫీస్ దగ్గర ఇరగాడేసింది. ఇప్పుడు రిలీజైన ‘బేబి’లో హీరోయిన్ పాత్రను చూసి ఈ సినిమాను ‘ఆర్ఎక్స్ 200’గా అబివర్ణిస్తున్నారు ప్రేక్షకులు. ఇందులో కూడా హీరోయిన్ ఒకేసారి ఇద్దరబ్బాయిలతో వ్యవహారం నడుపుతుంది. మనస్ఫూర్తిగా తనను ప్రేమించే అబ్బాయితో కనెక్ట్ అయి ఉంటూనే ఇంకొక అబ్బాయికి సర్వం అర్పించేస్తుంది. ఈ పాత్ర.. సినిమాలోని సన్నివేశాలతో చాలామంది యూత్ బాగా రిలేట్ అవుతున్నారు. ఈ సినిమాను యూత్ ఎగబడి చూస్తున్నారు. బాక్సాఫీస్ దగ్గర సినిమాకు మంచి ఓపెనింగ్స్ వస్తున్నాయి.
This post was last modified on July 15, 2023 5:12 pm
హీరోల పారితోషకాలు అంతకంతకూ పెరిగిపోతుండడంపై నిర్మాతల్లో ఆందోళన వ్యక్తమవుతున్న మాట వాస్తవం. పైకి చెప్పకపోయినా ఈ విషయంలో అసంతృప్తితో ఉన్నారన్నది ఇండస్ట్రీలో…
అధికారంలో ఉన్న నాయకులు, అధికారంలో లేని నాయకులు ఇలా రెండు వర్గాలుగా విభజించినప్పుడు సాధారణంగా పదవులు పొందిన వారు సంతృప్తి…
మూడు రోజుల తెలుగు వారి పెద్ద పండుగ.. సంక్రాంతి. ఇళ్లకే కాదు.. గ్రామాలకు సైతం శోభను తీసుకువచ్చే సంక్రాంతికి.. కోడి…
ఈ సంక్రాంతికి ‘భర్త మహాశయులకు విజ్ఞప్తి’ చిత్రంతో ప్రేక్షకులను పలకరించబోతోంది డింపుల్ హయతి. కెరీర్లో ఆమెకు ఇంకా పెద్ద బ్రేక్ రాలేదు. ఇప్పటికే ఖిలాడి,…
బీజేపీ కురువృద్ధ నాయకుడు, దేశ మాజీ ఉపరాష్ట్రపతి ముప్పవరపు వెంకయ్యనాయుడు.. ప్రస్తుతం ప్రత్యక్ష రాజకీయాల నుంచి తప్పుకొన్నారు. అయితే.. ఆయన…
చుక్క పడందే నిద్ర పట్టని వారు చాలా మంది ఉన్నారు. వీరిలో చిన్న చితకా మందుబాబులను పక్కన పెడితే, మద్యం…