మెగా పవర్ స్టార్ రామ్ చరణ్ ఆర్ఆర్ఆర్ తర్వాత లెజెండరీ డైరెక్టర్ శంకర్తో మొదలుపెట్టిన గేమ్ ఛేంజర్ మూవీ అనుకున్నంత వేగంగా ముందుకు సాగట్లేదు. మధ్యలో శంకర్ ఇండియన్-2ను పూర్తి చేయాల్సిన పని పడటంతో ఈ సినిమా షూటింగ్ ఆగి ఆగి సాగుతోంది. త్వరలోనే కొత్త షెడ్యూల్ మొదలవుతుందని అంటున్నారు. ఇదిలా ఉంటే బుచ్చిబాబు సానాతో చేయాల్సిన కొత్త సినిమాకు సంబంధించి స్క్రిప్టును ఫైనలైజ్ చేసి వీలైనంత త్వరగా సినిమాను పట్టాలెక్కించాలని చూస్తున్నాడు చరణ్.
స్క్రిప్టు దాదాపుగా పూర్తయినట్లే చెబుతున్నారు. కాస్ట్ అండ్ క్రూ ఎంపిక జరుగుతోందట ప్రస్తుతం. ఈ సందర్భంగా కొన్ని ఆసక్తికర అప్డేట్స్ గురించి చర్చ జరుగుతోంది. ఈ చిత్రంలో తమిళ విలక్షణ నటుడు విజయ్ సేతుపతి ఓ కీలక పాత్ర పోషించనున్నట్లు సమాచారం. బుచ్చిబాబు తొలి సినిమా ఉప్పెనలో విజయ్ సేతుపతి విలన్ పాత్ర చేసిన సంగతి తెలిసిందే. ఆ సినిమాకు ఆ పాత్ర అతి పెద్ద బలంగా నిలిచింది. సేతుపతికి తెలుగులో ఇదొక మరపురాని పాత్రగా నిలిచింది. ఆ అభిమానంతోనే బుచ్చిబాబు తర్వాతి చిత్రంలోనూ ఓ ముఖ్య పాత్ర చేయడానికి సేతుపతి ఓకే చెప్పాడట.
బహుశా ఇది విలన్ పాత్రే అయ్యుంటుందని భావిస్తున్నారు. ఈ చిత్రానికి లెజెండరీ మ్యూజిక్ డైరెక్టర్ ఏఆర్ రెహమాన్ సంగీతం సమకూర్చనున్నాడట. ముందు ఎన్టీఆర్తో సినిమా చేయాలని అనుకున్నపుడే బుచ్చిబాబు రెహమాన్ను సంప్రదించడం తెలిసిందే. మరి కథ మారిందా అదేనా అన్నది తెలియదు కానీ.. ఈ సినిమాకు రెహమానే సంగీతం అందించనున్నాడట. ఇదొక స్పోర్ట్స్ డ్రామా అని అంటున్నారు. ఈ చిత్రానికి జాన్వి కపూర్ను కథానాయికగా పరిగణిస్తున్నారట.
ఇటీవలే విడుదలైన బాలీవుడ్ మూవీ 'మై వాపస్ ఆవుంగా'కు తొలి రోజు రివ్యూలు ఏమంత ఆశాజనకంగా లేవు. పబ్లిక్ టాక్…
సాయిధరమ్ తేజ్ హీరోగా రెండేళ్ల ముందు మొదలైన సినిమా.. సంబరాల యేటిగట్టు. తన మార్కెట్ స్థాయికి మించి పెద్ద బడ్జెట్లో…
పెద్ది మొదటి రెండు వారాలు బాగా సందడి చేసి కలెక్షన్ల వర్షం కురిపించాక మళ్ళీ దాన్ని కొనసాగించే సినిమా ఏది…
పవర్ స్టార్ పవన్ కళ్యాణ్ కెరీర్లో ‘ఉస్తాద్ భగత్ సింగ్’యే చివరి చిత్రం అవుతుందనే అంచనాలు కలిగాయి ఒక దశలో.…
తెలుగు రాష్ట్రాలకు చెందిన విద్యార్థులు, యువ ఉద్యోగుల మరణ వార్తలు అమెరికా నుంచి వరుసగా వస్తుండటం ఆందోళన కలిగిస్తోంది. రోడ్డు…
వైసీపీ ఆధ్వర్యంలో ఉమ్మడి తూర్పుగోదావరి జిల్లాలోని కోనసీమలో ఆదివారం నిర్వహించిన కాపుల సభలో మాజీ మంత్రి, ఉత్తరాంధ్రకు చెందిన బొత్స…