మన దగ్గర హీరో కావాలంటే ఒడ్డూ పొడుగూ రంగు అన్నీ చూస్తాం కానీ.. తమిళంలో ఆ పరిస్థితి ఉండదు. చాలా మామూలుగా కనిపించే వాళ్లు కూడా హీరోలైపోతుంటారు. ధనుష్ అలా హీరో అయిన వాడే. తొలి సినిమాలో అతణ్ని చూసి ఇతనేం హీరో అనుకున్న వాళ్లే చాలామంది.
కానీ తర్వాత తర్వాత అద్భుతమైన పెర్ఫామెన్స్లతో స్టార్గా ఎదగడానికి రూపం అడ్డంకే కాదని అతను రుజువు చేశాడు. అతడి స్ఫూర్తితో ఇంకొంతమంది హీరోలయ్యారు. ఎ.ఆర్.రెహమాన్ మేనల్లుడు జి.వి.ప్రకాష్ కూడా ఈ కోవకు చెందిన వాడే. అతను తక్కువ ఎత్తుంటాడు. పెద్ద బాడీ కూడా ఉండదు. లుక్స్ కూడా యావరేజే. అయితేనేం ఓవైపు సంగీత దర్శకుడిగా పని చేస్తూనే మరోవైపు హీరోగా సినిమాలు చేశాడు.
‘సర్వం తాళమయం’ సహా కొన్ని సినిమాలు అతడికి చాలా మంచి పేరు తెచ్చాయి. ఇప్పుడతడి చేతిలో ఐదారు సినిమాలుండటం విశేషం. ఏ రోజూ ఖాళీ లేకుండా సినిమాలు చేసుకుంటూ పోతున్నాడతను. జి.వి.ప్రకాష్ కుమార్ త్వరలోనే హాలీవుడ్లోనూ అరంగేట్రం చేయబోతుండటం విశేషం. అతను ‘ట్రాప్ సిటీ’ అనే ఇంగ్లిష్ సినిమాలో ఓ కీలక పాత్ర పోషించాడు. రికీ బర్చెల్ ఈ చిత్రానికి దర్శకుడు. ఒక డ్రగ్ సరఫరా చేసే కుర్రాడు.. ర్యాపర్గా ప్రపంచ స్థాయికి ఎదిగే నేపథ్యంలో సాగే కథ ఇది.
ఇందులో బ్రాండన్ టీ జాక్సన్ లీడ్ రోల్ చేయగా.. ప్రకాష్ ఇందులో డాక్టర్గా కనిపించనున్నాడట. దీని ట్రైలర్ కూడా ఆల్రెడీ రిలీజైంది. కరోనా ప్రభావం తగ్గాక ఈ చిత్రాన్ని విడుదల చేయబోతున్నారు. రెహమాన్ సంగీత దర్శకుడిగా హాలీవుడ్లో పని చేస్తే ఆయన మేనల్లుడు నటుడిగా హాలీవుడ్లో అరంగేట్రం చేస్తుండటం విశేషమే.
This post was last modified on August 14, 2020 4:37 pm
చేవెళ్ల బీజేపీ ఎంపీ అభ్యర్థి కొండా విశ్వేశ్వర్ రెడ్డికి పెద్ద చిక్కొచ్చి పడింది. ఈవీఎంలో ఆయన గుర్తు 2వ నెంబర్…
దర్శకుడు ఎస్వీ కృష్ణారెడ్డి తీసిన ఓ సినిమాలో నటించిన రోజా.. రంగుపడుద్ది అనే డైలాగుతో అలరించారు. అయితే..ఇప్పుడు ఆమెకు నిజంగానే…
జాతీయ రాజకీయాల్లో చక్రం తిప్పాలని ఆశపడ్డ బీఆర్ఎస్ అధినేత, మాజీ ముఖ్యమంత్రి కేసీఆర్ గతంలో ఏ చిన్న అవకాశం దొరికినా…
తన 12 మెట్ల కిన్నెర వాయిద్యంతో జాతీయస్థాయిలో గుర్తింపు పొంది రాష్ట్రపతి రాంనాథ్ కోవింద్ చేతుల మీదుగా పద్మశ్రీ అవార్డు అందుకున్న కిన్నెర మొగులయ్య…
ప్రతి సినిమాకు విభిన్నంగా కొత్తగా ప్రయత్నిస్తున్న సుహాస్ తాజాగా ప్రసన్నవదనంతో థియేటర్లలో అడుగు పెట్టాడు. ఈ ఏడాది అంబాజీపేట మ్యారేజీ…
దర్శకుడు శేఖర్ కమ్ముల సెన్సిటివ్ సినిమాలు తీస్తాడనే పేరే కానీ సీరియస్ సబ్జెక్టులు టచ్ చేస్తే అవుట్ ఫుట్ ఏ…