ఎన్టీఆర్‍ హీరోయిన్‍ అలా సెటిలైంది!

లో బడ్జెట్‍ సినిమాలతో తెలుగమ్మాయి ఈషా రెబ్బా కుర్రకారులో అభిమానులను బాగానే సంపాదించుకుంది. ఎన్టీఆర్‍ సినిమాలో నటించేంతగా దర్శకుల దృష్టిలో పడింది. అయితే ‘అరవింద సమేత’లో చేసిన చిన్న పాత్ర ఆమెకు కెరియర్‍ పరంగా ఎలాంటి పుష్‍ ఇవ్వలేకపోయింది.

పక్కింటి అమ్మాయి ఇమేజ్‍ వుంటే అవకాశాలు ఎక్కువగా రావడం లేదని తనలోని గ్లామర్‍ కోణం తెలిసేలా ఈషా ఇన్‍స్టాగ్రామ్‍ పేజీని సెక్సీ ఫోటోలతో నింపేసింది. అయితే ఆమె ఎంతగా ప్రయత్నించినా చిన్న సినిమాలు మినహా చెప్పుకోతగ్గ అవకాశాలేమీ రాలేదు. దీంతో ఈషా వెబ్‍ సిరీస్‍లపై దృష్టి పెట్టింది. లస్ట్ స్టోరీస్‍ తెలుగు వెర్షన్‍లో చాలా బోల్డ్ క్యారెక్టర్‍ చేస్తోన్న ఈషా సంపత్‍ నంది చేస్తోన్న సిరీస్‍లో కాల్‍ గాళ్‍ క్యారెక్టర్‍ చేస్తోంది.

ఒక కాల్‍ గాళ్‍ జీవితంలోని మూడు దశలు ఈ సిరీస్‍లో చూపిస్తారు. చాలా ఛాలెంజింగ్‍ క్యారెక్టర్‍ అంటూ ఈషా ఎక్సయిట్‍ అవుతోంది. గ్లామర్‍ హీరోయిన్‍గా అవకాశాలు వస్తాయని చేసిన ఫోటో సెషన్లు ఈషాకు ఇలాంటి బోల్డ్ క్యారెక్టర్లు తెచ్చిపెడుతున్నాయి. ఈ తరహా సిరీస్‍కి వ్యూయర్‍షిప్‍ ఎక్కువ కనుక ఈషాకి ఈ రంగంలో సక్సెస్‍ ఈజీ అవుతుందనే అనిపిస్తోంది. అయితే అన్నీ ఈ తరహా కథలకే పరిమితం కాకుండా తన పక్కింటి అమ్మాయి ఇమేజ్‍ని కూడా కాపాడుకుంటే మంచిది.