NBK 109 – చాలా పెద్ద కథే ఉంది

భగవంత్ కేసరి టీజర్ వచ్చిన ఆనందంలో ఉన్న బాలకృష్ణ అభిమానులకు ఎన్బికె 109 అనౌన్స్ మెంట్ కూడా ఇచ్చేసరికి ఇంకో స్వీట్ సర్ప్రైజ్ దక్కింది. ఈ ఏడాది సంక్రాంతికి వాల్తేరు వీరయ్య రూపంలో బ్లాక్ బస్టర్ ఇచ్చిన దర్శకుడు బాబీ  ఈ ప్రాజెక్ట్ ని చేపట్టబోతున్నారు. సితార బ్యానర్ కాబట్టి బడ్జెట్ పరంగా రాజీ ఉండదు. ఎలాగూ త్రివిక్రమ్ సలహాలు ఉండనే ఉంటాయి. అయితే దీని తాలూకు ప్రీ లుక్ ని వదిలిన సినిమా టీమ్ అందులో కొన్ని కీలకమైన క్లూస్ ఇచ్చింది. వాటిని జాగ్రత్తగా డీకోడ్ చేసుకుంటే లీకైన విషయాలతో లైట్ గా స్టోరీ లైన్ అల్లేసుకోవచ్చు.

ఇది 1980 నుంచి 90 మధ్యలో జరిగే కథగా సాగుతుందట. బయట ప్రపంచానికి తెలిసిన హీరో లోపలి లోకం వేరే ఉంటుంది. అది బయటికి కనిపించదు. బ్యాక్ డ్రాప్ ముంబైలో మొదలవుతుంది. రివెంజ్ డ్రామా షేడ్స్ ఉన్నాయి. పాత ట్రంకు పెట్టె, దానిలో మారణాయుధాలు, గోల్డ్ ఫ్లేక్ సిగరెట్ డబ్బా, మ్యాన్షన్ హౌస్ మందు బాటిల్, గొడ్డలి, సుత్తి, బులెట్లు ఇలా అన్నీ ఉన్నాయి. మరి బాలయ్య పోలీస్ ఆఫీసరా లేక కిల్లరా అనేది ఇప్పుడే చెప్పలేం. మాస్ ఎంటర్ టైనర్లు రాసుకునే బాబీ ఈసారి ఏదో స్టైలిష్ గా ట్రై చేసినట్టు ఉన్నాడు. లుక్ లో ఉన్న ముంబై మ్యాప్ ఆసక్తిని పెంచుతోంది

వచ్చే ఏడాది సంక్రాంతికి లేదా వేసవి కన్నా ముందు ఎన్బికె 109 రిలీజవుతుంది. పండగకే రావొచ్చు కానీ ప్రాజెక్ట్ కె, ఇండియన్ 2 లాంటి ప్యాన్ ఇండియా మూవీస్ ఉండటంతో మార్చ్ లేదా ఏప్రిల్ లో ప్లాన్ చేయొచ్చు. సంగీత దర్శకుడు ఎవరో రివీల్ చేయలేదు. తమన్ ఆల్రెడీ వరసగా బాలయ్యవి మూడు చేశాడు. నాలుగోది ఇచ్చినా వద్దనడు. బాబీ ఎక్కువ వర్క్ చేసింది దేవిశ్రీ ప్రసాద్ తో. తనతోనే కంఫర్ట్ గా ఫీలవుతాడు. కానీ నిర్మాత నాగవంశీ మాత్రం తమన్ వైపే మొగ్గు చూపొచ్చు. ఇది కొంత కాలం సస్పెన్స్  గానే ఉండబోతోంది. హీరోయిన్ ఎంపిక త్వరలో చేస్తారు