Movie News

అల్లు శిరీష్ చెప్పినా.. జనం నమ్మట్లేదు

మెగా ఫ్యామిలీలో అనుకున్నంతగా సక్సెస్ కానీ హీరోల్లో అల్లు శిరీష్ ఒకడు. ఉన్నంతలో అల్లు అరవింద్ అండ్ కో తన కోసం మంచి ప్రాజెక్టులే సెట్ చేస్తున్నా.. అతను కోరుకున్న సక్సెస్ మాత్రం రావట్లేదు. ‘శ్రీరస్తు శుభమస్తు’ మినహాయిస్తే శిరీష్ కెరీర్లో పెద్ద హిట్ లేదు. తన చివరి సినిమా ‘ఊర్వశివో రాక్షసివో’ మంచి టాక్ తెచ్చుకున్నప్పటికీ.. బాక్సాఫీస్ దగ్గర అనుకున్నంత స్థాయిలో వసూళ్లు కూడా రాబట్టలేక యావరేజ్ మూవీగా నిలిచింది.

ఆ తర్వాత కొంచెం గ్యాప్ తీసుకున్న శిరీష్, ఇప్పుడు ‘బడ్డీ’ అనే కొత్త సినిమాతో ప్రేక్షకులను పలకరించబోతున్న విషయం వెల్లడైంది. ఈ సినిమా ప్రి లుక్ చూడగానే ఇది తమిళ చిత్రం ‘టెడ్డీ’కి రీమేక్ అన్న నిర్ణయానికి వచ్చేశారు జనాలు. కానీ ఈ సినిమా ఫస్ట్ లుక్ రిలీజ్ చేస్తూ.. ఇది రీమేక్ కాదని శిరీష్ స్పష్టం చేశాడు. కానీ అతను ఆ మాట అన్నా కూడా జనాలకు ఇది రీమేక్ కాదన్న నమ్మకం కలగట్లేదు.

‘టెడ్డీ’ సినిమాలో మాదిరే ఇందులోనూ ఒక టెడ్డీ బేర్‌ది ముఖ్య పాత్ర అనే విషయం పోస్టర్ చూస్తే అర్థమవుతోంది. పైగా ఈ పోస్టర్ కూడా.. ‘టెడ్డీ’ ప్రోమోలకు చాలా దగ్గరగా ఉంది. అన్నింటికీ మించి ‘టెడ్డీ’ సినిమాను నిర్మించిన తమిళ ప్రొడక్షన్ హౌస్ స్టూడియో గ్రీన్ పేరు ‘బడ్డీ’ పోస్టర్ మీదా ఉంది. అలాంటపుడు ఇది రీమేక్ కాదని ఎలా అనుకుంటాం? గీతా ఆర్ట్స్ వాళ్లు రీమేక్‌ల విషయంలో కొంచెం తెలివిగానే అడుగులు వేస్తుంటారు.

‘ఊర్వశివో రాక్షసివో’ సినిమాను స్ట్రెయిట్ మూవీలాగే ప్రమోట్ చేశారు. ఎక్కడా రీమేక్ అన్న ప్రస్తావనే రాలేదు. మాతృకతో పోలిస్తే కొన్ని మార్పులు చేర్పులు చేయడం వల్ల రైటింగ్ క్రెడిట్ కూడా ఒరిజినల్ రైటర్‌కు ఇవ్వలేదు. ఇప్పుడు ‘టెడ్డీ’ విషయంలో అదే శైలిని అనుసరిస్తున్నట్లు కనిపిస్తోంది. రీమేక్ అంటే జనాల్లో ఆసక్తి తగ్గిపోతోంది కాబట్టే ఈ పద్ధతిని అనుసరిస్తున్నట్లు కనిపిస్తోంది. సామ్ ఆంటోన్ ఈ చిత్రానికి దర్శకత్వం వహిస్తున్నాడు. 

This post was last modified on May 31, 2023 6:24 pm

Share

Recent Posts

మ‌హావ‌తార న‌ర‌సింహ.. తెలుగు రైట‌ర్ ఆవేద‌న‌

మ‌హావ‌తార న‌ర‌సింహ‌.. గ‌త ఏడాది పాన్ ఇండియా స్థాయిలో సెన్సేష‌న్ క్రియేట్ చేసిన సినిమా. ఈ యానిమేష‌న్ మూవీ రిలీజ‌య్యే…

57 minutes ago

ఛలో దర్శకుడిని తిట్టారా పొగిడారా

టాలీవుడ్ టాలెంటెడ్ దర్శకుల్లో వెంకీ కుడుముల పేరు ఖచ్చితంగా ఉంటుంది. రష్మిక మందన్న ఇవాళ ఈ స్థాయికి వచ్చిందంటే ఛలో…

1 hour ago

లిఫ్ట్ అడిగేటప్పుడు జాగ్రత్త మహిళలు

మహిళల భద్రతపై మరోసారి ఆందోళన కలిగించే ఘటన తెలంగాణలో చోటుచేసుకుంది. ఇంటికి వెళ్లేందుకు ఆటోలో లిఫ్ట్ ఇస్తామని నమ్మించిన ఇద్దరు…

2 hours ago

అక్రమ సంబంధాల వివాదం… మళ్ళీ సీఈవోగా వస్తానంటున్న జెన్సెన్

ప్రపంచ టెక్ రంగంలో సంచలనం సృష్టించిన ఎన్విడియా మాజీ సీఈవో జెన్సెన్ హువాంగ్ వ్యవహారం మరో మలుపు తిరిగింది. వివాహేతర…

2 hours ago

పాపం… ట్రైన్ ఎక్కిద్దాం అని వెళ్ళి ఫైన్ కట్టి వచ్చారు

బంధువులను రైలు ఎక్కించడానికి వెళ్లినవాళ్లు అనుకోకుండా అదే రైలులో ప్రయాణించాల్సి వచ్చింది. పైగా టికెట్లు లేకపోవడంతో ఏకంగా రూ.36,140 చెల్లించాల్సి…

2 hours ago

చిరు లీక్స్ రొటీన్ అవుతున్నాయా

మెగాస్టార్ చిరంజీవి స్క్రీన్ మీదే కాదు స్టేజి పైన ఉన్నప్పుడు కూడా ఆయన ఎనర్జీ వేరే లెవెల్ లో ఉంటుంది.…

2 hours ago