ప్రోమోలు బాగా లేవు. పెద్దగా పబ్లిసిటీ కూడా చేయలేదు. సినిమాకు టాక్ బాగా లేదు. ఇలాంటి సినిమాకు బాక్సాఫీస్ దగ్గర మంచి వసూళ్లు రావడం ఆశ్చర్యం కలిగించే విషయమే. ఈ ఉపోద్ఘాతం ‘బిచ్చగాడు-2’ గురించే అని ఈపాటికే అర్థమై ఉంటుంది. గత శుక్రవారం తమిళ, తెలుగు భాషల్లో విడుదలైన ఈ చిత్రం తొలి రోజు నుంచి మంచి వసూళ్లతో సాగిపోతోంది. తొలి వీకెండ్లో తెలుగు వరకే ఈ చిత్రం రూ.10 కోట్ల దాకా గ్రాస్ కలెక్ట్ చేసింది. తమిళంలో అంతకుమించి వసూళ్లు వచ్చాయి. వీక్ డేస్‌లో కూడా ఈ చిత్రానికి మంచి వసూళ్లే వస్తున్నాయి. దీంతో పాటుగా రిలీజైన ‘అన్నీ మంచి శకునములే’ బాక్సాఫీస్ దగ్గర పెద్దగా ప్రభావం చూపించలేకపోవడంతో ‘బిచ్చగాడు-2’ డామినేషన్ కొనసాగుతోంది.
నిజానికి కంటెంట్ పరంగా చూస్తే ‘బిచ్చగాడు-2’ బాగా వీక్. కానీ ‘బిచ్చగాడు’ బ్రాండ్ దీనికి బాగా కలిసొచ్చింది. ఏడేళ్ల కిందట ఆ సినిమా చూసి ప్రేక్షకులు కదిలిపోయారు. కొన్ని వారాల పాటు థియేటర్లకు పెద్ద ఎత్తున తరలివచ్చి సినిమాకు తిరుగులేని విజయాన్ని కట్టబెట్టారు.
సరైన కథ.. బలమైన కథనం లేని సినిమాను జనం ఇంతగా నెత్తిన పెట్టుకోవడం ఆశ్చర్యం కలిగించే విషయమే. ఐతే ఒకవేళ ‘బిచ్చగాడు’ దర్శకుడు శశినే ఈ చిత్రాన్ని రూపొందించి ఉంటే.. ఫస్ట్ పార్ట్ లాగే దీన్ని కూడా హృద్యంగా తీర్చిదిద్ది ఉంటే ఎలా ఉండేదన్న ఆలోచన ఎగ్జైట్ చేసేదే. ‘బిచ్చగాడు’ సక్సెస్‌లో విజయ్ ఆంటోనీ పాత్ర తక్కువే. ఆ పాత్రలో ఇంకో నటుడెవరైనా చేసినా పెద్దగా తేడా ఉండేది కాదు. ఆ సినిమా బలమంతా.. కాన్సెప్ట్, ఎమోషన్లలోనే ఉంది.
శశి గతంలో సొల్లామలే (తెలుగు రీమేక్-శీను), రోజా కూట్టం (తెలుగు డబ్బింగ్-రోజా పూలు), పూ లాంటి హృద్యమైన సినిమాలు తీశాడు. ‘బిచ్చగాడు’ ఆయన కెరీర్లో ది బెస్ట్‌గా నిలిచింది. ఆయనతో పోలిస్తే దర్శకుడిగా ‘బిచ్చగాడు-2’లో విజయ్ ఆంటోనీ చేసింది పెద్దగా ఏం లేదు. కేవలం అతను ఆ బ్రాండ్‌ను వాడుకున్నాడంతే. ఇద్దరికీ ఎక్కడ చెడిందో ఏమో కానీ.. ‘బిచ్చగాడు-2’ను తనే స్వయంగా డైరెక్ట్ చేశాడు విజయ్. అలా కాకుండా శశికే ఈ సినిమాను కూడా అప్పగించి ఉంటే.. అతను తనదైన శైలిలో హార్ట్ టచింగ్‌గా సినిమాను తీసి ఉంటే.. ‘బిచ్చగాడు-2’ కల్ట్ బ్లాక్ బస్టర్ అయ్యేదేమో.
This post was last modified on May 24, 2023 2:59 pm
ప్రపంచంలోనే అతిపెద్ద టెక్నాలజీ కంపెనీల్లో ఒకటైన ఎన్విడియాలో ఊహించని పరిస్థితి నెలకొంది. కంపెనీని 33 ఏళ్ల పాటు నడిపించిన జెన్సన్…
వచ్చే ఏడాది వన్డే వరల్డ్ కప్ జరగనుండగా టీమ్ఇండియాకు ఓ సమస్య పెద్ద తలనొప్పిగా మారుతోంది. స్వదేశంలో భారీ స్కోర్లు…
వచ్చే వారం విడుదల కాబోతున్న సినిమాల్లో ఈ నగరానికి ఏమైంది రిపీట్ మీద బయ్యర్ వర్గాలు చాలా ఆశలు పెట్టుకున్నాయి.…
హిట్ మెషీన్‌గా పేరున్న అనిల్ రావిపూడి.. సంక్రాంతికి త‌న సినిమాను తీసుకొచ్చాడంటే అది బ్లాక్ బస్టర్ అవ్వాల్సిందే. ఈ ఏడాది…
రెండు వారాల ముందే ‘ఆదర్శ కుటుంబం’ సినిమా రిలీజైంది. ఆ చిత్రానికి ముందు అనుకున్న సంగీత దర్శకుడు హర్షవర్ధన్ రామేశ్వర్.…
అమెరికాలో శుక్రవారం విమాన ప్రయాణాలు ఒక్కసారిగా నిలిచిపోయాయి. ఫెడరల్ ఏవియేషన్ అడ్మినిస్ట్రేషన్ (FAA) దేశవ్యాప్తంగా విమానాల రాకపోకలను తాత్కాలికంగా నిలిపివేస్తూ…