Movie News

డర్టీ హరి.. వేరే దర్శకుడిని చేయమంటే?

ఒకప్పుడు ఫ్యామిలీ ఎంటర్టైనర్లకు కేరాఫ్ అడ్రస్‌గా నిలిచాడు సీనియర్ నిర్మాత ఎం.ఎస్.రాజు. మనసంతా నువ్వే, ఒక్కడు, వర్షం, నువ్వొస్తానంటే నేనొద్దంటానా చిత్రాలతో ఆయన పేరే ఒక బ్రాండుగా మారింది టాలీవుడ్లో. ఇప్పుడు టాలీవుడ్ నంబర్ వన్ ప్రొడ్యూసర్ స్థాయిలో ఉన్న దిల్ రాజుకు కూడా ఎం.ఎస్.రాజే స్ఫూర్తి.

ఐతే నిర్మాతగా కుటుంబ సమేతంగా చూడదగ్గ చిత్రాలే తీసిన రాజు.. దర్శకుడిగా ‘డర్టీ హరి’ లాంటి బోల్డ్ సినిమా తీయడం ఆశ్చర్యకరం. అందులో కొన్ని సీన్లు చూసి.. ఈ చిత్రాన్ని 60 ఏళ్లు పైబడ్డ వ్యక్తి తీశాడు అంటే చాలామంది షాకవుతారేమో. నిజానికి ఈ సినిమాను తనే తీయాలని రాజు అనుకోలేదట. కథ రాసింది తనే అయినా వేరే యంగ్ డైరెక్టర్‌తో తీయిస్తే యూత్‌ఫుల్‌గా ఉంటుందని అనుకున్నాడట. అందుకోసం ఒక యువ దర్శకుడిని సంప్రదిస్తే.. ఇంత బోల్డ్ సినిమా తాను తీయలేను అని చేతులెత్తేశాడట. ఆ స్థితిలో తనే ఆ సినిమా తీసినట్లు రాజు వెల్లడించాడు.

దర్శకులే కాక యువ నటులు కూడా బోల్డ్ సినిమాలు చేసే విషయంలో జాగ్రత్తగా ఉంటున్నారని.. కానీ తాను మాత్రం యువకులను కూడా భయపెట్టే సబ్జెక్టులు చేయాలని అనుకుంటున్నానని.. ట్రెడిష‌న్‌ను బ్రేక్ చేసే సినిమాలతో సంచలనం సృష్టించాలన్నది తన ఉద్దేశమని రాజు అన్నారు. మారుతున్న ప్రేక్షకుల అభిరుచికి తగ్గట్లు సినిమాలు చేయాలని.. అలా మారలేకపోతే రిటైరై ఇంట్లో మనవళ్లతో ఆడుకోవడం మంచిదని రాజు తేల్చేశారు.

ఇక సీనియర్ నటుడు నరేష్‌తో తాను చేసిన ‘మళ్ళీ పెళ్ళి’ గురించి మాట్లాడుతూ.. ఇది రియల్ స్టోరీనా, కల్పిత కథనా అని చెప్పలేమన్నారు. సినిమా చూస్తే అందరికీ ఒక క్లారిటీ వస్తుందని చెప్పారు. ఈ కథ రాశాక తాను నరేష్‌ను సంప్రదించానని.. ఆయనైతే ఈ సినిమాకు న్యాయం చేయగలరని భావించానని.. ఆయన పూర్తి స్వేచ్ఛ ఇచ్చారని.. ఎంత డెప్త్‌గా సినిమా తీస్తారో తీయండి అని చెప్పి తాను కోరుకున్నవి అన్నీ ఇచ్చారని రాజు వెల్లడించారు. ‘మళ్ళీ పెళ్లి’ ఈ నెల 26న ప్రేక్షకుల ముందుకు రానున్న సంగతి తెలిసిందే.

This post was last modified on May 21, 2023 10:50 am

Share

Recent Posts

మ‌హావ‌తార న‌ర‌సింహ.. తెలుగు రైట‌ర్ ఆవేద‌న‌

మ‌హావ‌తార న‌ర‌సింహ‌.. గ‌త ఏడాది పాన్ ఇండియా స్థాయిలో సెన్సేష‌న్ క్రియేట్ చేసిన సినిమా. ఈ యానిమేష‌న్ మూవీ రిలీజ‌య్యే…

51 minutes ago

ఛలో దర్శకుడిని తిట్టారా పొగిడారా

టాలీవుడ్ టాలెంటెడ్ దర్శకుల్లో వెంకీ కుడుముల పేరు ఖచ్చితంగా ఉంటుంది. రష్మిక మందన్న ఇవాళ ఈ స్థాయికి వచ్చిందంటే ఛలో…

1 hour ago

లిఫ్ట్ అడిగేటప్పుడు జాగ్రత్త మహిళలు

మహిళల భద్రతపై మరోసారి ఆందోళన కలిగించే ఘటన తెలంగాణలో చోటుచేసుకుంది. ఇంటికి వెళ్లేందుకు ఆటోలో లిఫ్ట్ ఇస్తామని నమ్మించిన ఇద్దరు…

1 hour ago

అక్రమ సంబంధాల వివాదం… మళ్ళీ సీఈవోగా వస్తానంటున్న జెన్సెన్

ప్రపంచ టెక్ రంగంలో సంచలనం సృష్టించిన ఎన్విడియా మాజీ సీఈవో జెన్సెన్ హువాంగ్ వ్యవహారం మరో మలుపు తిరిగింది. వివాహేతర…

2 hours ago

పాపం… ట్రైన్ ఎక్కిద్దాం అని వెళ్ళి ఫైన్ కట్టి వచ్చారు

బంధువులను రైలు ఎక్కించడానికి వెళ్లినవాళ్లు అనుకోకుండా అదే రైలులో ప్రయాణించాల్సి వచ్చింది. పైగా టికెట్లు లేకపోవడంతో ఏకంగా రూ.36,140 చెల్లించాల్సి…

2 hours ago

చిరు లీక్స్ రొటీన్ అవుతున్నాయా

మెగాస్టార్ చిరంజీవి స్క్రీన్ మీదే కాదు స్టేజి పైన ఉన్నప్పుడు కూడా ఆయన ఎనర్జీ వేరే లెవెల్ లో ఉంటుంది.…

2 hours ago