దర్శకుడు అంటే పరిమితంగా మాట్లాడాలి. గుంభనంగా కనిపించాలి.. ఇలా రకరకాల రూల్స్ ఉంటాయి. బేసిగ్గా ఉత్సాహం ఎక్కువైనా.. వేరే కళలు ఏవైనా ఉన్నా కూడా వాటిని దాచుకుని కొంచెం హుందాగా.. గంభీరంగా ఉండటానికే ప్రయత్నిస్తారు డైరెక్టర్లు. కానీ కొంతమంది మాత్రం ఈ రూల్స్ అన్నీ బ్రేక్ చేసేస్తుంటారు. వారిలో ఎక్కడ లేని హుషారుంటుంది. తమలోని రకరకాల టాలెంట్లను సందర్భం వస్తే ప్రదర్శించడానికి వెనుకాడరు.
టాలీవుడ్ యువ దర్శకుడు అనిల్ రావిపూడి ఈ కోవకే చెందుతాడు. అతను ఎక్కడున్నా అల్లరే అల్లరి అన్నట్లుంటుంది. కమెడియన్లను మించి అతనే ఎక్కువగా కామెడీ చేస్తుంటాడు. తన సినిమాలు, లేదా వేరే చిత్రాల ప్రమోషన్ల కోసం అతను చేసే ప్రమోషనల్ వీడియోలు భలే ఫన్నీగా ఉంటాయి. ఇక అనిల్ మంచి డ్యాన్సర్ అనే విషయంలో గతంలోనే కొన్ని సందర్భాల్లో రుజువైంది. మెగాస్టార్ చిరంజీవి హాజరైన ఒక వేడుకలో ఆయన స్టెప్ను అనుకరించి చూపించిన తీరుకు అందరూ ఆశ్చర్యపోయారు.
ఇప్పుడు మరోసారి తన డ్యాన్సింగ్ టాలెంట్ చూపించాడు అనిల్. ప్రస్తుతం అనిల్ రావిపూడి.. నందమూరి బాలకృష్ణతో ఓ సినిమా చేస్తున్న సంగతి తెలిసిందే. ఈ సినిమా సెట్స్లో అతను ఫైట్ మాస్టర్, డ్యాన్స్ మాస్టర్లతో కలిసి ఫేమస్ “బాలయ్యా బాలయ్యా” పాటకు డ్యాన్స్ వేయడం విశేషం. ఫైట్ మాస్టర్ ఓవర్ కాన్ఫిడెంట్గా ఉన్నాడు.. డ్యాన్స్ మాస్టర్ కూడా జాయినయ్యాడు.. అని చెబుతూ.. అనిల్ వాళ్లతో కలిసి బాలయ్య పాటకు డ్యాన్స్ చేశాడు.
ఈ తరం కుర్రాడిలా చాలా స్టైలిష్గా డ్రెస్ చేసుకుని.. అంతే స్టైలిష్గా అనిల్ వేసిన స్టెప్పులు చూసి ఎవ్వరైనా ఆశ్చర్యపోవాల్సిందే. ఇప్పుడున్న స్టార్ దర్శకుల్లో ఇంత డ్యాన్సింగ్ టాలెంట్ ఉండి.. దాన్ని దాచుకోకుండా ఇలా ప్రదర్శించేవాళ్లు ఇంకెవరూ ఉండరు అంటే అతిశయోక్తి కాదేమో. అనిల్ను యూత్కు బాగా చేరువ చేసింది ఈ హుషారే. తాజా వీడియోలో అతడి టాలెంట్ చూశాక.. అనిల్ సినిమాలు తీయడమే కాదు.. అందులో నటించినా జనం చూస్తారనే అభిప్రాయం వ్యక్తం చేస్తున్నారు నెటిజన్లు.
This post was last modified on May 18, 2023 10:19 am
మే మొదటి వారం కొత్త రిలీజులు నిరాశపరిచిన నేపథ్యంలో అందరి కళ్ళు రాబోయే శుక్రవారం మీద ఉన్నాయి. స్టార్ హీరోలవి…
ఆంధ్రప్రదేశ్లో గత అసెంబ్లీ ఎన్నికలు జరగడానికి ముందే ప్రభుత్వ వ్యతిరేకత తీవ్ర స్థాయికి చేరుకుని వైకాపా ఘనవిజయం సాధించబోతున్న సంకేతాలు…
రెగ్యులర్ కథల జోలికి వెళ్లకుండా డిఫరెంట్ గా ప్రయత్నిస్తూ కార్తికేయ 2తో పెద్ద బ్లాక్ బస్టర్ ఖాతాలో వేసుకున్న యూత్…
రాజకీయాలు మారాయి. ఒకప్పుడు భర్తలు ఎన్నికల రంగంలో ఉంటే.. భార్యలు ఉడతా భక్తిగా ప్రచార కార్యక్రమాలు చూసుకునే వారు. అది…
ఎదురుచూసేకొద్దీ బాక్సాఫీస్ కు జోష్ ఇచ్చే సినిమాలు రావడం అంతకంతా ఆలస్యమవుతూనే ఉంది. థియేటర్లు వెలవెలబోతున్నాయి. తెగుతున్న సింగల్ డిజిట్…
రాజకీయంగా చైతన్యం ఉన్న రాష్ట్రం తెలంగాణ. అటు క్రికెట్ అయినా.. ఇటు రాజకీయాలైనా.. తెలంగాణ లో హాట్ టాపిక్కే. ఇక్కడ…