‘బాహుబలి’లో ఎన్నో అద్భుత యాక్షన్ విన్యాసాలు చూపించాడు దర్శక ధీరుడు రాజమౌళి. ఐతే ‘ది కంక్లూజన్’ క్లైమాక్స్లో ఒక సన్నివేశం మాత్రం మరీ అతిగా అనిపించింది. తాటి చెట్లను రబ్బరు తరహాలో పూర్తిగా పక్కకు వంచి.. దాని మీద బాహుబలి సైన్యం ఎక్కి లాగి చెట్లను విడిచి పెడితే అవి విసిరి కొట్టినట్లుగా వెళ్లడం బాహుబలి అనుచరులు నేరుగా కోటలోకి వెళ్లిపడటం.. ఇదంతా చూసి ప్రేక్షకులు నవ్వుకున్నారు.
ఎంత సినిమాటిక్ లిబర్టీ తీసుకున్నప్పటికీ తాటి చెట్లు ఇలా వంగడమేంటి.. వాటి మీద ప్రయాణించి సైనికులు కోటలోకి వెళ్లడమేంటి అనుకున్నారందరూ. కానీ ఇప్పుడు ముంబయి వరదల ధాటికి అక్కడి కొబ్బరి చెట్లు, తాటి చెట్లు ఊగుతున్న దృశ్యాలు కొన్ని సోషల్ మీడియాలో చూసిన వాళ్లకు బాహుబలిలో చూపించింది మరీ అతిశయోక్తి లాగా ఏమీ అనిపించలేదు. వర్షానికి తోడు ఈదురు గాలులు కూడా తోడవడంతో ముంబయిలోని ఓ ప్రాంతంలో ఓ కొబ్బరి చెట్టు గడ్డి పోచ తరహాలో ఊగిన వీడియో ఒకటి సోషల్ మీడియాలో కనిపిస్తోంది.
దీన్ని చూసిన ఓ నెటిజన్.. రాజమౌళికి సారీ చెప్పాడు. బాహుబలిలో చూపించిన దృశ్యాల్ని చూసి కామెడీ చేశానని.. జక్కన్నను ఎగతాళి చేశానని.. కానీ ఈ దృశ్యం చూస్తే అదేమీ అతిశయోక్తిలా లేదని అన్నాడు. ముంబయిలో వర్షం, గాలుల భీభత్సం ఏ స్థాయిలో ఉందో చెప్పడానికి ఇది ఉదాహరణ. అక్కడి ప్రఖ్యాత డీవై పాటిల్ స్టేడియం కూడా దారుణంగా దెబ్బ తింది. పైకప్పు సహా అన్నీ ధ్వంసమయ్యాయి. ఇంకా నగర వ్యాప్తంగా ఎన్నో భవనాలు, ఇతర నిర్మాణాలు దారుణాతి దారుణంగా దెబ్బ తిన్నాయి. వందల కోట్ల నష్టం వాటిల్లింది. అసలే కరోనా ధాటికి అల్లాడుతున్న ముంబయిని వర్షాలు మరింత విషాదంలో ముంచెత్తుతున్నాయి.
This post was last modified on August 7, 2020 12:02 am
ప్యాన్ ఇండియా సినిమాల వాయిదా పర్వం కొనసాగుతూనే ఉంది. జూన్ 13 విడుదలను లాక్ చేసుకుని ఆ మేరకు తమిళనాడు…
సీనియర్ జర్నలిస్ట్ రవిప్రకాష్ గురించి తెలుగు నాట తెలియనివారెవరు.? మీడియాకి సంబంధించి ‘సీఈవో’ అన్న పదానికి పెర్ఫెక్ట్ నిర్వచనంగా రవిప్రకాష్…
బుల్లితెర యాంకర్, బిగ్ బాస్ రియాల్టీ షో ఫేం శ్యామల, వైఎస్సార్ కాంగ్రెస్ పార్టీ తరఫున ఆంధ్ర ప్రదేశ్లో ఎన్నికల…
బీఆర్ఎస్ అధినేత, మాజీ ముఖ్యమంత్రి కేసీఆర్ ఏదో అనుకుంటే ఇంకేదో అయింది. జాతీయ రాజకీయాల్లో చక్రం తిప్పాలనే కలలు గన్న…
కాంగ్రెస్ పీసీసీ చీఫ్ షర్మిల సంచలన వ్యాఖ్యలు చేశారు. కొన్నాళ్లుగా వైసీపీ అధినేత, సొంత అన్నపై ఆమె తీవ్రస్థాయిలో యుద్ధం…
పెద్ద హీరోల పుట్టిన రోజులు, ఇంకేదైనా ప్రత్యేక సందర్భాలు వస్తే అభిమానులు వాళ్లు నటిస్తున్న కొత్త చిత్రాల నుంచి అప్డేట్స్…