ఉప్పెన లాంటి బ్లాక్‌బ‌స్ట‌ర్ మూవీతో హీరోగా ప‌రిచ‌యం అయ్యాడు మెగా కుర్రాడు పంజా వైష్ణ‌వ్ తేజ్. చిరంజీవి త‌న‌యుడు రామ్ చ‌ర‌ణ్ స‌హా ఏ అరంగేట్ర హీరోకూ సాధ్యం కాని వ‌సూళ్ల‌ను త‌న తొలి చిత్రంతో అత‌ను సాధించ‌గ‌లిగాడు. అది పూర్తిగా అత‌డి ఘ‌న‌త అని చెప్ప‌లేం కానీ.. ఊహించ‌ని రికార్డులైతే త‌న పేరు మీద న‌మోద‌య్యాయి. కానీ ఈ స‌క్సెస్‌ను అత‌ను నిల‌బెట్టుకోలేక‌పోయాడు.
వైష్ణ‌వ్ త‌ర్వాతి రెండు చిత్రాలు కొండ‌పొలం, రంగ రంగ వైభ‌వంగా చేదు అనుభ‌వాల‌ను మిగిల్చాయి. ఇప్పుడు అత‌డి ఆశ‌ల‌న్నీ సితార ఎంట‌ర్టైన్మెంట్స్ బేన‌ర్లో శ్రీకాంత్ రెడ్డి అనే కొత్త ద‌ర్శ‌కుడితో చేస్తున్న ఆదికేశ‌వ మీదే ఉన్నాయి. ఈ రోజే ఈ సినిమా టైటిల్, ఫ‌స్ట్ టీజ‌ర్ లాంచ్ చేశారు. ఈసారి వైష్ణ‌వ్ పూర్తి స్థాయి మాస్ సినిమా చేస్తున్న సంకేతాల‌ను ఈ టీజ‌ర్ ఇచ్చింది. కానీ ఈ టీజ‌ర్ చూసిన వాళ్ల‌కు కొన్ని భ‌యాలు కూడా క‌లిగాయి.
గుడిని టార్గెట్ చేసే విల‌న్ బ్యాచ్.. వారిని అడ్డుకుని గుడికి ర‌క్ష‌ణ‌గా నిలిచే హీరో.. ఇదీ టీజర్లో క‌నిపించిన లైన్. ఇదే లైన్ గ‌త ఏడాది ఆచార్య సినిమాలో చూశాం. చిరంజీవి నటించిన ఆ చిత్రం మెగా అభిమానుల‌కు ఒక పీడక‌ల‌లా మిగిలిపోయింది. వైష్ణ‌వ్ కూడా మెగా ఫ్యామిలీ హీరోనే కావ‌డం.. స్టోరీ లైన్ ఆచార్య‌కు ద‌గ్గ‌ర‌గా ఉండ‌టంతో ఆ సినిమా తాలూకు చేదు అనుభ‌వాలన్నీ గుర్తుకు వ‌స్తున్నాయి.
స్టోరీ లైన్ ద‌గ్గ‌ర‌గా ఉన్నంత‌మాత్రాన సినిమా కూడా అలాంటి ఫ‌లితాన్నే అందుకుంటుంద‌ని చెప్ప‌లేం కానీ.. మెగా అభిమానులైతే కొంత కంగారు ప‌డుతున్నారు. టీజర్లో అంత‌గా కొత్త‌ద‌నం ఏమీ కూడా క‌నిపించ‌లేదు. మ‌రి త్రివిక్ర‌మ్ ఓకే చేసి నిర్మాణ భాగ‌స్వామిగా వ్య‌వ‌హ‌రిస్తున్న సినిమా కాబ‌ట్టి కంటెంట్ ఉన్న‌దే అయి ఉంటుంద‌ని ఆశిస్తున్నారు. చూద్దాం ఏమ‌వుతుందో. ఈ చిత్రం జులైలో విడుద‌ల కానుంది.
ఏపీ సీఎం చంద్ర‌బాబు మ‌ళ్లీ పాత‌కాల‌పు పాల‌న‌ను ప్ర‌జ‌ల‌కు ప‌రిచ‌యం చేయ‌నున్నారా? ప్ర‌భుత్వ ఆఫీసులు, ప్రాజెక్టుల ప‌నుల ను ఆయ‌న…
సరికొత్త చరిత్ర లిఖితమయ్యింది. ఇప్పటిదాకా హిందీ బ్లాక్ బస్టర్స్ అంటే షోలే, హమ్ ఆప్కే హై కౌన్, దిల్వాలే దుల్హనియా…
ఏపీ సీఎం చంద్ర‌బాబు 45 ఏళ్లుగా రాజ‌కీయాల్లో ఉన్నారు. ఇప్ప‌టికి మూడు సార్లు ముఖ్య‌మంత్రిగా ప‌నిచేశారు. ఇప్పుడు నాలుగో సారి…
థియేటర్లో సినిమా చూస్తున్నప్పుడు నచ్చకపోతేనో లేదా చిరాకు వస్తేనో వెళ్లిపోవాలనిపిస్తుంది. కానీ టికెట్ డబ్బులు గుర్తొచ్చి ఆగిపోతాం. ఇష్టం లేకపోయినా…
ఐకాన్ స్టార్ అల్లు అర్జున్ నటించిన పుష్ప: ది రూల్ చిత్రం దేశవ్యాప్తంగా రికార్డుల మోత మోగిస్తున్న సంగతి తెలిసిందే.…