శ్రీను వైట్ల సినిమా.. గోపీచంద్ క్లారిటీ

శ్రీను వైట్ల నుండి సినిమా వచ్చి కొన్నేళ్ళవుతుంది. అమర్ అక్బర్ ఆంటోనీ రిజల్ట్ తర్వాత ఈ స్టార్ డైరెక్టర్ చాలా గ్యాప్ తీసుకున్నాడు. మధ్యలో విష్ణు మంచుతో డీ కి సీక్వెల్ గా డీ అండ్ డీ అనే సినిమా ప్లాన్ చేసుకున్నాడు కానీ ఆ ప్రాజెక్ట్ సెట్స్ పైకి వెళ్ళకుండా క్యాన్సిల్ అయింది. దీంతో తనకి కలిసొచ్చిన మరో కామెడీ మిక్స్డ్ కమర్షియల్ స్టోరీ సిద్దం చేసుకొని గోపీచంద్ కి వినిపించాడు. శ్రీను వైట్ల వంటి దర్శకుడు వచ్చి సినిమా అనడంతో మ్యాచో స్టార్ ఒకే అనేశాడు.

ఈ కాంబో సినిమా గురించి ఎలాంటి అప్డేట్ లేదు.ఎనౌన్స్ మెంట్ కూడా రాలేదు. తాజాగా గోపీచంద్ ఈ సినిమా గురించి క్లారిటీ ఇచ్చాడు. శ్రీను వైట్లతో చేయబోయే సినిమా వర్క్ జరుగుతుందని తెలిపాడు. దీంతో ఈ కాంబో ఫిక్స్ అనేది క్లారిటీ వచ్చేసింది. ప్రస్తుతం రైటర్ గోపీమోహన్ తో కలిసి శ్రీను వైట్ల స్క్రిప్ట్ వర్క్ చేస్తున్నాడు. జులై లేదా ఆగస్ట్ నుండి ఈ సినిమా సెట్స్ పైకి వెళ్ళే ఛాన్స్ ఉంది. ఈ లోపు హర్ష డైరెక్షన్ లో చేస్తున్న సినిమాకు సంబంధించి కొంత ఘాట్ కంప్లీట్ చేస్తాడు గోపీచంద్. ఇక శ్రీను వైట్ల తో పాటు తేజ కి కూడా గోపీచంద్ ఓ సినిమా చేయనున్నాడు.

ఆ సినిమాకి స్క్రిప్ట్ లాక్ అయింది. హీరోయిన్ గురించే సినిమా ఆగింది. సినిమాలో హీరోయిన్ పాత్ర కీలకం కావడంతో సరైన హీరోయిన్ వేటలో ఉన్నాడు తేజ. కేరెక్టర్ కి పర్ఫెక్ట్ అనిపించే హీరోయిన్ దొరికిన వెంటనే ఆ సినిమా సెట్స్ పైకి వెళ్తుంది.