ఎప్పుడైనా సరే రీమేకులు రిస్కే. ఒరిజినల్ ఫలితాలే రిపీట్ అవుతాయన్న గ్యారెంటీ లేదు. ఒక్కోసారి ఇండస్ట్రీ రికార్డులు పడతాయి. ఇంకోసారి తుస్సుమని నష్టాలు తెస్తాయి. ఇవి రెండు వైపులా ఉన్న కత్తి లాంటివి. అయితే విక్టరీ వెంకటేష్ కు ఈ విషయంలో సక్సెస్ రేట్ ఎక్కువ. చంటి, సూర్యవంశం, రాజా, వసంతం, ఘర్షణ లాంటివన్నీ మాములు హిట్లు కాదు. అందుకే లేట్ వయసులోనూ దృశ్యం, నారప్ప లు చేస్తూనే వచ్చారు. అయితే లక్కీగా ఆయన తప్పించుకున్న మన ఆడియన్స్ టేస్ట్ కి అంతగా సూటవ్వని ఒక బాలీవుడ్ మూవీ ఉందంటే ఆశ్చర్యం కలగకమానదు.
2019లో అజయ్ దేవగన్ హీరోగా దే దే ప్యార్ దే వచ్చింది. టబు భార్య, రకుల్ లవర్ గా చేశారు. వయసొచ్చిన పిల్లలున్న మనిషి భార్య ఉండగానే ఓ యవ్వనపు యువతి ప్రేమలో పడతాడు. దీంతో వాళ్ళ జీవితంలో అనూహ్యమైన మార్పులు చౌటు చేసుకుంటాయి. సరదాగా సాగుతూ ఆ తర్వాత ఎమోషనల్ టర్న్ తీసుకుని హ్యాపీ ఎండింగ్ తో ముగుస్తుంది. దీన్ని తెలుగులో వెంకటేష్ తో తీయాలని నిర్మాత సురేష్ బాబు హక్కులు కొన్నారు. ఇప్పుడు రామబాణం తీసిన శ్రీవాస్ దర్శకుడిగా రచయిత గోపి మోహన్ తదితరులతో స్క్రిప్ట్ వర్క్ చేయించి ఆర్టిస్టులకు అడ్వాన్సులు కూడా ఇచ్చారు.
ఈలోగా ధనుష్ అసురన్ చూసిన వెంకీకి హఠాత్తుగా దాని పైకి మనసు మళ్లింది. దే దే ప్యార్ దే లాంటివి ఎన్నో చేశాం కదా నటనకు స్కోప్ ఉన్నది కాబట్టి నారప్పకు ఓటు వేశారు. దీంతో శ్రీవాస్ కష్టమంతా పక్కకెళ్ళిపోయింది. ఈలోగా కరోనా రావడం, పరిస్థితులు మారిపోవడంతో పూర్తి చేసిన స్క్రిప్ట్ వృథాగా మిగిలిపోయింది. ఒరిజినల్ వెర్షన్ ని ఓటిటిలో చాలా మంది చూసేశారు. అయినా వెంకటేష్ లాంటి ఫ్యామిలీ హీరో అలా భార్యపిల్లలను వదిలేసి అమ్మాయి వెంట పడే పాత్రంటే మన ఆడియన్స్ అంత సులభంగా రిసీవ్ చేసుకోలేరు. అందుకే వదులుకోవడమే మంచిదైంది
This post was last modified on May 5, 2023 7:26 am
మహావతార నరసింహ.. గత ఏడాది పాన్ ఇండియా స్థాయిలో సెన్సేషన్ క్రియేట్ చేసిన సినిమా. ఈ యానిమేషన్ మూవీ రిలీజయ్యే…
టాలీవుడ్ టాలెంటెడ్ దర్శకుల్లో వెంకీ కుడుముల పేరు ఖచ్చితంగా ఉంటుంది. రష్మిక మందన్న ఇవాళ ఈ స్థాయికి వచ్చిందంటే ఛలో…
మహిళల భద్రతపై మరోసారి ఆందోళన కలిగించే ఘటన తెలంగాణలో చోటుచేసుకుంది. ఇంటికి వెళ్లేందుకు ఆటోలో లిఫ్ట్ ఇస్తామని నమ్మించిన ఇద్దరు…
ప్రపంచ టెక్ రంగంలో సంచలనం సృష్టించిన ఎన్విడియా మాజీ సీఈవో జెన్సెన్ హువాంగ్ వ్యవహారం మరో మలుపు తిరిగింది. వివాహేతర…
బంధువులను రైలు ఎక్కించడానికి వెళ్లినవాళ్లు అనుకోకుండా అదే రైలులో ప్రయాణించాల్సి వచ్చింది. పైగా టికెట్లు లేకపోవడంతో ఏకంగా రూ.36,140 చెల్లించాల్సి…
మెగాస్టార్ చిరంజీవి స్క్రీన్ మీదే కాదు స్టేజి పైన ఉన్నప్పుడు కూడా ఆయన ఎనర్జీ వేరే లెవెల్ లో ఉంటుంది.…